Sunday, September 24, 2017

Bazar, 10 Sentyabr 2017 00:00

Saakaşvili qayıtdı

Yazan

Gürcüstanın eks-prezidenti və Odessa vilayətinin keçmiş quberntoru Mixail Saakaşvili Ukraynaya dönə bilib.  

M.Saakaşvili  sentyabrın 9-da saat 14.00 radələrində oğlu ilə birlikdə Polşa-Ukrayna səhhəddini keçib. 

Bu barədə sabiq qubernator özünün facebook səhifəsində yazıb. O, bildirib ki, 11 yaşlı oğlu Nikolasla birlikdə Lvov vilayətinin “Krakovets” sərhəd buraxılış məntəqəsindən Ukrayna ərazisinə daxil olub. Sərhədi velosipedlə keçdikdən sonra ata-oğul selfi çəkdiriblər. 

Xatırladaq ki, M.Saakaşvilinin Ukraynaya qayıtmasına dəstək vermək məqsədilə Ukraynanın sabiq baş nazir Yuliya Timoşenko sentyabrın 8-də Polşaya getmişdi. O, Poroşenko hökumətinin Saakaşviliyə olan təzyiqini çirkin repressiya adlandırmışdı. 

21584655 1461568083908643 351253907 n Almaniyada mühacir həyatı yaşayan ictimai-siyasi fəal Pərviz Abdullayevin qardaşı Ramin Abdullayev həbs  edilib. Bu barədə Xeber.İnfo-a daxil olan məlumata görə, Ramin Abdullayev Mingəçevir Rayon Polis İdarəsinə  bir neçə dəfə aparılıb, təhdid və təzyiqlərə məruz qalıb nəhayət barəsində 25 sutka həbs cəzası seçilib.

 Qeyd edək ki, R.Abdullayevin Almaniyada mühacir həyatı yaşayan qardaşı Pərviz Abdullayev 02 sentyabr 2017-  ci il tarixdə Almaniyanın Duysburq şəhərində "Siyasi məhbuslara azadlıq" çağırışı ilə keçirilən mitinqin  təşkilatçılarından olub. R.Abdullayevin də məhz buna görə həbs olunduğu iddia edilir. 

Lerikdə 50 yaşayış məntəqəsini birləşdirən Noda-Şingədulan-Xanagah avtomobil yolunun çəkilişi  başa çatmadan dağılıb. 

Bu barədə Toplum.Tv-yə Lerik sakinləri məlumat veriblər. 

Onlar bildiriblər ki, Noda-Şingədulan-Xanagah yolunun Ağçay kəndinə qədər olan hissəsi tamamilə sıradan çıxıb. Vətəndaşlar bunu Ağçay və Şingədulan kəndləri arasındakı uzun bir məsafəyə (Həmin əraziyə Zenonu kəndi də daxildir və yolun ən bataqlıq hissəsi sayılır) "şebel”in tökülməməsi ilə əlaqələndiriblər.

"Prezident Lerikə gəlsə, dəhşətli mənzərə ilə qarşılaşacaq"

Yolun Ağçaydan Xanagaha qədər olan hissəsi isə hazırda çəkilir: "Yolun bir hissəsi - Ağçaya qədər olan hissə çəkilmişdi. Amma bir il deyil ki, yol sıradan çıxıb. Hazırda Ağçaydan Xahagaha qədər olan hissə də çəkilir. Yolun keyfiyyətsiz çəkildiyi göz qabağındadır. Cənab prezident bu yola 17 milyona yaxın pul ayırıb, amma ortada belə bərbad nəticə var. Hələ cənab prezident bu yolun açılışına da gəlməyib. Sabah qəfildən durub Lerikə gəlsə, dəhşətli mənzərə ilə qarşılaşacaq".

"Rayonun Şingədulan və Zenoni kəndləri ərazisində yol tamamilə dağılıb. Sanki burada yol çəkilməyib. Bilmirik, icra başçısı və yolu çəkən şirkət, "Azəravtoyol” Açıq Səhmdar Cəmiyyəti sabah cənab prezidentə nə cavab verəcəklər?", - deyə sakinlər bildirib. 

"Çayların vadisi dağıdılıb, suyun məcrasına müdaxilə edilib" 

Sakinlər deyirlər ki, yolu çəkən şirkət "Yoltikintinəqliyyatservis” MMC ekologiyaya da ağır zərbə vurub. Ərazidəki çayların vadisi dağıdılıb, suyun məcrasına müdaxilə edilib. 

Problemlə bağlı Ekologiya Nazirliyinə şikayət edildiyini, nazirliyin əraziyə komissiya göndərdiyini deyən sakinlərin sözlərinə görə, "Yoltikintinəqliyyatservis” MMC ilə bağlı heç bir ciddi ölçü götürülməyib. Rayonun Osyodərə kəndi ərazisindən axan dağ çayının vadisi dağıdılıb. 

Dövlətin vəsaitinin şəxsi maraqlara sərf edildiyini iddia edən Şivlə-Biləvər kənd sakinləri isə artıq ölkə başçısına müraciət ediblər. Zenonu və Şingədulan sakinlərinin isə yaxın günlərdə ölkə başçısına müracət edəcəkləri gözlənilir. 

Əvvəl 3 milyon, sonra 7 milyon, sonra da 6.6 milyon... 

Sakinlər deyirlər ki, 36 km-lik Noda-Şingədulan-Xanagah avtomobil yoluna 3 dəfə vəsait ayrılıb. Nəticə isə ortadadır...

Prezident İlham Əliyevin 14 sentyabr 2013-cü il tarixli sərəncamı ilə 30 min nəfər əhalinin yaşadığı və 50 yaşayış məntəqəsini birləşdirən 36 km-lik Noda-Şingədulan-Xanagah avtomobil yolunun tikintisinə ilkin olaraq 3 milyon manat vəsait ayırılıb.

19 avqust 2014-cü il tarixdə Azərbaycan Respublikası Prezidenti İlham Əliyevin Sərəncamı ilə yolun tikintisinə əlavə olaraq, 7,0 (yeddi) milyon manat vəsait Lerik Rayon İcra Hakimiyyətinə ayrılıb. Amma bu dəfə də yolun tikintisi başa çatmayıb. Yol Noda kəndindən Ağçay kəndinə qədər çəkilib və dayandırılıb. Halbuki layihəyə əsasən yol torpaq yatağı 10 metr, eni 6 metr ikizolaqlı asfalt - beton qarışığından tikilməliydi...

1 noyabr 2016-cı il tarixdə Azərbaycan Respublikası Prezidenti İlham Əliyevin növbəti sərəncamı ilə Noda-Şingədulan-Xanəgah avtomobil yolunun tikintisinin başa çatdırılması məqsədi ilə Azərbaycan Respublikasının 2016-cı il dövlət büdcəsində "Avtomobil Yolları” Məqsədli Büdcə Fondunda nəzərdə tutulmuş vəsaitdən 6,6 milyon (altı milyon altı yüz min) manat ayrılıb. Ümumilikdə yolun tikintisinə 16.6 milyon manat vəsait ayrılıb. 

Sakinlər deyirlər ki, yolun budəfəki hissəsini "Azəravtoyol” Açıq Səhmdar Cəmiyyəti Masallı rayon Yol İdarəsinə tapşırıb. Yolun tikintisini isə indiyə qədər İcra Hakimiyyətinin sifarişi ilə özünü Almaniyanın "Vertgen” şirkətinin Azərbaycan üzrə təmsilçisi kimi təqdim edən "Yoltikintinəqliyyatservis” MMC tərəfindən həyata keçirib. 

"İndi də həmin MMC-nin texnikası həmin yolun çəkilişində iştirak edir. Şirkətin rəhbəri Fuad Muxtarzadədir, ancaq tikintiyə onun atası İbrahim Kazımov rəhbərlik edir. İbrahim Kazımov isə Masallı rayon Yol İdarəsinin müdiri Ərrahim Kazımovun qardaşıdır. Sözügedən şirkətin baş mühəndisi isə Lerik rayon İcra Hakimiyyətinin müavini Cəlil Baxşıyevin qardaşdır. Həmin şəxslərin isə eyni kənddən, yəni Lerikin Qışlaq kəndindən olması sirr deyil. İndi gördünüz, prezidentin ayırdığı pulları kimlər və necə xərcləyirlər?", - sakinlər bildiriblər. 

"Yoltikintinəqliyyatservis” MMC 2007-ci ildə Vergilər Nazirliyində qeydiyyatdan keçib. MMC-in təsisçisi Fuad İbrahim oğlu Muxtarzadədir. Şirkət cənub bölgəsində yol çəkilişində aktiv iştirak edir, bir neçə dəfə tenderi udub.  

"Prezident gəlməyibsə, o demək deyil ki, bu yoldan istifadə etmək olmaz"

Lerik rayon icra başçının müavini, sosial-iqtisadi inkişafın  təhlili və proqnozlaşdırılması şöbəsinin müdiri Habil Məlikov Toplum.Tv-nin əməkdaşına açıqlamasında bildirib ki, hazırda yolun çəkilişi davam edir: 

"Yol bu gün də istifadədir. Cənab prezident gəlməyibsə, o demək deyil ki, bu yoldan istifadə etmək olmaz. 36 km avtomobil yolu 19 milyon 800 min manat dəyərindədir. Layihə sənədləri bu dəyərdədir, amma təbii ki, dövlət tərəfindən 16 milyona yaxın vəsait ayrılıb. Gələcəkdə ayrılacaq, ayrılmayacaq o zamanın işidir. Orada hazırda yol tikintisi davam edir. Yol hələ təhvil verilmədiyinə görə, sürüşmələr də yaranır. Hələ istismara qəbul etməmişik və o şəkildə də qəbul etmərik. Yolun dediyiniz hissəsi 2014-2015-ci ildə çəkilib. Sonra maliyyə vəsaiti ayrılmadı, ona görə də qaldı. Amma 2016-cı ilin noyabr ayında prezident tərəfindən yenidən 6 milyon 600 min manat vəsait ayrılıb və hazırda o tikinti davam edir. Dağılıb, sıradan çıxmış yerlər də yenidən bərpa olunacaq və istismara qəbul ediləcək". 

Tikintini həyata keçirənlərin ekologiyaya vurduğu ziyana gəlincə, Məlikov buna belə aydınlıq gətirib: "Çayların məcrasını dağıtmırlar. Hansısa materialları çaylardan götürməlidirlər. "Qrabel", çınqıl dediyimiz tikinti materialı var. Onu məcburən çaylardan götürürlər. Bizm öz yerli ənənəyə uyğun tikinti materiallarımız da mövcuddur ki, onu da çaylardan götürürlər. Həm də bunu bələdiyyə, Ekologiya və Təbii Sərvətlər Nazirliyi və ya hansı qruma aiddirsə, onlarla razılığa gəlib götürürlər. O məcraları da yenidən düzəldirlər ki, oradan heyvan, insan keçə bilsin. Bu da təbii ki, gələcəkdə problem yaranmasın deyə bizim nəzarətimiz altında onlar bərpa olunur. Dağıntıya imkan vermirik". 

Vətəndaşlar isə ölkə başçısına müraciət etməkdə israrlı olduqlarını bildirirlər... 

Cümə, 08 Sentyabr 2017 00:00

Dəmiryolçular 2 aydır maaş ala bilmir

Yazan

Maliyyə böhranının ən çox təsir etdiyi sahələrdən biri "Azərbaycan Dəmir Yolları" QSC olub. Böhrandan sonra idarədə kütləvi ixtisarlar aparılıb, "Azərbaycan Dəmir Yolları"nın balansındakı 10 xəstəxana və tibb müəsissəsi bağlanıb. 

Böhran Cavid Qurbanovun başçılıq etdiyi qurumda maaşların verilməsinə də təsir edib. "Qaynarinfo"ya verilən məlumata görə, maaşların verilməsi ilə bağlı tez-tez problemlər yaranır. Hətta son iki ayda işçilər əməkhaqqlarını ala bilmir. Hər dəfə soruşanda pulların tezliklə köçürüləcəyi bildirilsə də, iki aydır işçilərin gözü yolda qalıb.

Xəbəri dəqiqləşdirmək üçün "Azərbaycan Dəmir Yolları" QSC-nin İctimaiyyətlə Əlaqələr Şöbəsinin rəhbəri Sevinc Qədirova ilə əlaqə saxladıq. Qurum rəsmisi heç bir problemin olmadığını bildirdi: "Maaşlar kartlara vaxtlı vaxtında köçürülür. Heç bir problem yoxdur. 3-5 gün geçikmə ola bilər. Bu da normal haldır, hər yerdə belədir".

“Azərsu” Açıq Səhmdar Cəmiyyəti prezidentin sərəncamını yerinə yetirmir

Son zamanlar ölkəmizdə baş verən iqtisadi əyintilər daha da dərinləşib. Cəmiyyətdə qanunlarımızın aliliyi təmin olunmadığından yalan və kələkdən istifadə edən dələduzların da sayı çoxalıb. Yalan obyektiv realığın əsas səbəbinin gizlədilməsi, real seçimlərdə qeyri-müəyyənlik yaratmaq, şübhəli işi etibarlı iş kimi qələmə vermək və satmaq, vergidən yayınmaq üçün gəlirlərin həcmini süni surətdə azaltmaq və sair kimi çoxlu hallarla reallaşa bilər. Son zamanlar bu anormallıq cəmiyyətdə adi hala cevrilib. Nəticədə, cəzasızlıq mühitinin yaranması səbəbindən, mənəviyyatsızlıq mühitinin formalaşması prosesi baş verib. Tarixin istənilən mərhələsində, istənilən yalançı qərar, qanlı idarəetmə metodu, amansız mütləqiyyət, avtoritar hakimiyyət və irticaçı rejim qarşısında sərgilənən cəsarətin ictimaiyyət tərəfindən dərin rəğbət və minnətdarlıqla qarşılandiğı, bu cəsarətin daxilən, lal bir sükutla da olsa təqdir etdiyi inikaredilməzdir. Hər kəsin qorxduğu, cox az adamın özünün və yaxınlarının həyati ilə risk etdiyi bir məqamda sərgilənən cəsarət daim öz əzəməti, gözlənilməzliyi və təkrarolmazlığı ilə diqqət cəkib, bəzən nəyinki onlarla, yüzlərlə şəxsi insan dənizi belə bir anın içində vəcdə gətirib. Azərbaycan reallığında fırıldaq və dələduzluqla bağlı çoxlu misallar saymaq olar. Bu fırildaqdan bir neçəsi haqqında danışmaq yerinə düşər. Bir necə il bundan əvvəl Biləsuvar rayonunda “Azərsu” Acıq Səhmdar Cəmiyyətinin başbilənləri kanalizasiya xətlərinin inşasına başladılar. Rayonun kücələrində dərin cəngərlər qazıldı, borular basdırıldı. İş sona catanda məlum oldu ki, quraşdırılma işləri düzgün aparılmayıb və beləcə, kanalizasiya işləri yarımcılıq qaldı. Artıq beş ildən cox vaxt keçsə də bu məsələ heç kimin yadına düşmür. Görünür, dövlətin Biləsuvar rayonuna kanalizasiya xəttinin çəklişi ücün ayırdığı milyonlarla vəsait beləcə həzm olundu. Əhalinin içməli su ilə təminatının yaxşılaşdılılmasına dair əlavə tədbirlər haqqında prezidentin 17 mart 2017-ci il sərəncamı ilə 22 rayonun bəzi kənd qəsəbələrinə icməli su təminatının yaxşılaşdırılması ücün 14 (on dörd) milyon manat “Azərsu”Acıq Səhmdar Cəmiyyətinə vəsait ayırıb. Sərəncamda Biləsuvar rayonun Xırmandalı kəndinin adı var. Rayonun ən böyük kəndlərdən biri olan Xırmandalı kəndinin on mindən cox əhalisi ,7500 nəfərdən cox seçicisi olmasına baxmayaraq, sovet dönəmindən sonra atılmış, baxımsız bir kəndə cevrilib. Kəndin kücələri yayda toz-torpaq, qışda balotadan hərəkət etmək olmur. Sovet dönəmində olan tikintilər, yay mədəniyyət evi, örüş yerləri, qanunsuz yollarla balıqcılıq göllərinə cevrilib. Dərəbəylik o həddə catıb ki, kəndin kücələrində basdırlmış borular cıxarılıb, möhtəkirlərin al-ver predmətinə cevrilib. Bu konteksdə Xırmandalı kəndınə iki dəfə içməli su xətti cəkilib, borular basdırılıb, lakin borulardan su gəlməyib! Xırmandalılar içməli su kəmərinin çəklişini eşidəndə cox sevindilər. Amma.., amması ondadır ki, mütəxəsislərin dediyinə gorə nəzərdə tutulan polietilen boruların kəndə cəkilən ana xəttinin diyametri 60-70 mm, kücələrə ayrılan boru xətləri isə 25-30mm dir ki, bu da təminatı ödəyə bilməz. Eləcə də kənd kücələri 1000 (min) metirdən də uzaq məsafədə olduğu halda kücənin yarsından da az məsafəyə boru xətti cəkilir. Xətt boyu 150-200 metrdən bir su kranları qoyulur, onlar da kücələrdə ümumi istifadə üçün nəzərdə tutulub. Kəndin mərkəzi kücələrinin əsas hissəsinə icməli su xətti hec cəkilməyib. Kəndin xəstəxanası, uşaq bağcası, iki orta məktəbi, mədəniyyət evi və digər mədəni-məişət obyektlərinə içməli su xəttinin çəkilməsi isə ümumiyyətlə nəzərdə tutulmayıb. Deməli, Xırmandalı kəndinin icməli su təminatı, indiki vəzyiyyətdə qalsa, kənd sakinlərinin ancaq 25-30 faizi içməli sudan istifadə imkanına sahib ola bilır! Bu boru kəmərinin işləyib-işləməyəcəyi də sual doğurur. Ümumı istifadə üçün küçədə qoyulan su kranlarından istifadə edən vətəndaşlar arasında da,mənzilin məsafəsi nəzərə almaqla, su pulunun ödənişi ilə bağlı ciddi problemlər yaranacaq. Görünür,” Azərsu” Açıq Səhmdar Cəmiyyatı, podratcı “Arko”şirkəti ilə baş-başa verərək xoş məqsədlər üçün ayrılan dövlət vəsaitini, həmişə olduğu kimi mənimsəmək yolunu tutublar. Bu günlər Xırmandalı kənd sakinlərindən bir qurupu, adı cəkilən təşklatlarin aşağı ranqlı mütəxəsislərinə ciddi irad tutsalar da “bizə belə tapşırıq veriblər” deyib, əllərini yellədilər. Ona gorə də sadaladığım bu ciddi noqsanların həlli üçün aidiyyatı qurumlar əməli işlər görməli, ciddi tədbirlər həyata kecirməli, iqtisadi əxlaq səviyyəsinin yüksəldilməsi üçün təsirli tədbirlər görməlidir. Bu da, heç şübhəsiz ki, ali dövlət orqanlarının bilavasitə borcudur. Biz də bir vətəndaş olaraq, öz borcumuzu yerinə yetirdik və bu noqsanları diqqətinizə çatdırdıq. Son söz sizindir cənablar! Əks təqdirdə iqtisadi əxlaq problemlərinin daha ağır fəsadları ilə üz-üzə qalacağımızı istisna etmirik.

pic

 

 Məmiyev Əlizadə Nəhmədağa oğlu,

 Biləsuvar rayon Xırmandalı kənd sakini

Məktəb direktoru jurnalisti təhqir etdi- "BAŞIN BƏDƏNİNƏ AĞIRLIQ EDİR"

Bakı şəhəri Sabunçu rayon 187 saylı tam orta məktəbinin müəllimlərindən biri Təhsil naziri Mikayıl Cabbarova məktub yazaraq, məktəb direktorundan şikayət edib və onun özbaşınalıqlarına qarşı tədbir görülməsini xahiş edib.

Xeber.İnfo xəbər verir ki, Axar.az-ın redaksiyasına da göndərilən həmin məktubda illərdir pedaqoji fəaliyyətlə məşğul olduğunu deyən şikayətçi məktəb direktoru Məmmədova Nailənin müəllimlərdən aylıq haqq tələb etdiyini, onları ağır sözlərlə təhqir etdiyini qeyd edib.

Adının açıqlanacağı təqdirdə direktorun təzyiqi ilə üzləşəcəyindən ehtiyat etdiyini vurğulayan məktub müəllifi 187 saylı orta məktəbin direktoru Nailə Məmmədovanın hər bayramda “bayrampayı” adı ilə şagirdlərdən müəyyən məbləğdə pul yığdırdığını, məktəbin xadimələrini evində qulluqçu kimi işlətdiyini də iddia edib. Nailə Məmmədovaya qarşı irəli sürülən başqa bir ittiham isə onun uşaqların 1-ci sinifə qəbulu, dərs bölgüsü, attestatların satılması, fond pulu, təmir pulu və s. məsələlərdə suçlanmasıdır.

Sözügedən şikayətlə bağlı qarşı tərəfin mövqeyini öyrənmək üçün saytın əməkdaşı Sabunçu rayon 187 saylı tam orta məktəblə əlaqə saxlayıb. Özünü direktor müavini kimi təqdim edən şəxs isə jurnalisti təhqir və təhdid edib:

“Get işinlə məşğul ol! Deyəsən, sənin başın bədəninə ağırlıq edir. Get öyrən, gör sən kimə zəng eləmisən. Nailə xanım kimi təhqir edib, kimdən pul alıb?! Sübutun varsa yaz! “Dux”un varsa, dediklərinin arxasında dayan! Səni məhkəməyə verib başına oyun açaram. Çox ayıb olsun. Sənin “Axar.az”ına da ayıb olsun, axmayan ağzına da ayıb olsun… Tərbiyəsiz!”

Sayt yazır ki, özünü “direktor müavini” kimi təqdim etsə də, telefonda danışan şıxs səsinə və intonasiyasına görə onun məhz direktor olduğu şübhəsi yaranır: “Bu cür əxlaq sahibi olan direktor və ya direktor müavininin fəaliyyət göstərdiyi məktəbdə isə işçilərin təhqir edildiyi barədə məktubda yazılanların həqiqət olduğuna inam artır.

Təhsil Nazirliyindən məsələ ilə bağlı bildirdilər ki, nazirlik 3-cü şəxslərin müraciətlərinə baxmır. Bunun üçün şikayətçilər birbaşa Təhsil Nazirliyinə müraciət etməlidirlər.

Çərşənbə axşamı, 29 Avqust 2017 00:00

Əziz Orucovun istintaq müddəti 3 ay uzadıldı

Yazan

Kanal13 internet televiziyası Bakı ofisinin rəhbəri Əziz Orucovun istintaq müddətini 3 ay uzadıblar. Bu barədə Ə.Orucovun həyat yoldaşı Lamiyyə Orucova məlumat verib: “Əziz Orucovun istintaq müddətini 3 ay uzatdılar. Orxan Babayev işi yekunlaşdıra bilmirmiş. O qədər “fərasətli”di ki, 4 ay kifayət etməyib ona. Əzizə 3 ay da versələr, 3 il də versələr o, dağlar qartalıdır, məskəni isə uca dağlar zirvəsidir. Əziz kimi ruhən azad insanları, azad düşünənləri hec vaxt həbs edə bilməzsiniz. Əziz Orucov hər zaman azad olub, yenə də azaddır. 4 divar hec vaxt onun azadlığını mehdudlaşdıra bilməz. Əksinə onu daha güclü və mübariz edəcək. Səninlə fəxr edirəm azad insan!”

Qeyd edək ki, Əziz Orucov 2 may 2017-ci il tarixində polisə müqavimət ittihamı ilə saxlanılıb. Ona 30 sutka inzibati həbs cəzası verilib.

Həbs müddətinin bitdiyi 1 iyun 2017-ci il tarixində Baş Prokurorluğun Ağır Cinayətlərə dair İşlər üzrə İstintaq İdarəsində haqqında cinayət işi başlanıb. Ona Cinayət Məcəlləsinin 192-ci (qanunsuz sahibkarlıq) və 308-ci (vəzifə səlahiyyətlərindən sui-istifadə) maddələri ilə ittiham verilib. Elə həmin gün Nəsimi rayon Məhkəməsinin qərarı ilə barəsində 4 aylıq həbs-qətimkan tədbiri seçilib.

Əziz Orucov ittihamları qəbul etmir.

 Elvin Məmiyev: “Hökumət məhdudiyyətlərlə deyil, tənzimləmələrlə sosial şəbəkələrin rolunun artırılmasına imkan yaratmalıdır

İctimai fəal, bələdiyyələrin fəaliyyətilə bağlı müstəqil araşdırma aparan Elvin Məmiyev vətəndaşların hakimiyyətdə təmsil olunması prinsipi və Azərbaycandakı mövcud vəziyyətdən danşdı. E.Məmiyev hesab edir ki, dövlətin gücü, daimi sabitliyi, təhlükəsizliyi vətəndaşların öz problemlərinin həllində və dövlətin idarəçiliyində təşkilatlanmış şəkildə iştirak etməsindən keçir: “Bunlardan biri insanların azad şəkildə siyasi platforma ətrafında partiyalarda birləşib təşkilatlanması və proseslərdə iştirakıdır. Digəri isə bələdiyyələrə və parlamentə seçdikləri insanların vasitəsi ilə iştirakçılıqdan ibarətdir. Təəssüflər olsun ki, Azərbaycanda 25 ildir ki, iqtidarda olan hökumətin yanlış siyasəti nəticəsində vətəndaşların siyasətdə geniş iştirakçılığının hər ikisinə ciddi məhdudiyyətlər yaradılmışdır və getdikcə də vəziyyət daha dözülməz olur. Vətəndaşların siyasi mənsubiyyətinə görə təqib olunması, siyasi partiyaların fəaliyyətinə yaradılan süni maneələr, demokratik prinsipin əsasını təşkil edən siyasi hüququ sərbəst şəkildə ifadə etməyə imkan vermir. Həmçinin, bələdiyyə və parlamentə xalqın öz təmsilçilərini azad seçmək imkanı da əlindən alınıb. Hətta, ən sadə vətəndaş belə söhbətlərində seçki hüququnu sərbəst şəkildə həyata keçirmək imkanından məhrum olduğunu etiraf edir və seçkilərə inanmadıqlarını bildirirlər. Hakimiyyət bu siyasəti davam etdirməklə öz iqtidarının ömrünü uzatsa da, dövlətin gələcək inkişafına ağır zərbə vurur”.

Müsahibimiz düşünür ki, Azərbaycan hakimiyyəti tənqidi fikirlərdən hələ ki nəticə çıxartmır: “Bütün beynəlxalq hesabatlarda Azərbaycanda məhkəmələrin ali icra hakimiyyətindən asılılığı, ifadə, söz, mətbuat və siyasi azadlıqların olmadığı və ya çox məhdud olduğu qeyd edilib. Əhalinin asan çatacağı heç bir kütləvi informasiya vasitəsi olmadığı üçün, bizim ölkəmizdə sosial şəbəkələr ifadə azadlığının təmin olunması istiqamətində köməkçi deyil, əsas vasitədir. Düşünürəm ki, sosial şəbəkələr bu gün insanların özünü ifadə etdiyi əsas müstəvidir. Məncə, hökumət məhdudiyyətlərlə deyil, tənzimləmələrlə sosial şəbəkələrin rolunun artırılmasına imkan yaratmalıdır. Çünki, sosial şəbəkələrdə məsuliyyətsiz fikirlər və başqalarını təhqir etmək üçün istifadəsi asan olan bu meydan cəmiyyətə yaxşı heç nə verə bilməz. Cəzasız qalacağına əmin olan insanlar əslində bu meydanda öz aqressiyalarını göstərirlər. Hər kəs qəbul edir ki, sosial şəbəkələr antidemokratik cəmiyyətlərin demokratikləşməsinə, idarəetmədə şəffaflığa, insan hüquq və azadlığının qorunmasına kömək edib və bu proses davam edir.

Bu imkandan cəmiyyətin maariflənməsi, problemlərin ictimailəşməsi və vətəndaşların özünü ifadəsi üçün istifadə edilməsinə çalışmaq lazımdır. İfadə azadlığını məhdudlaşdıran, onu özü üçün təhlükə görən rejimlər, sosial şəbəkələrdə rastlaşdığımız təhqirlərə istinad edərək, şərəf və ləyaqətin alçaldılmasını bəhanə gətirərək öz radikal addımlarına haqq qazandırmağa çalışırlar. Məncə, ifadə azadlığına ehtiyacı olan tərəflər sosial şəbəkələrdə daha diqqətli olmalı, heç kəsi təhqir etməməli və azadlıqlara qarşı dözümsüz olan hökumətə bəhanə verməməlidirlər. Lakin hakimiyyət də öz növbəsində daha ciddi, etibarlı, fikir azadlığının ifadə olunduğu müstəvilər yaratmalıdır ki, sosial şəbəkələrdəki məsuliyyətsiz fikirlər insanları çaşdırmasın. Buna misal olaraq müstəqil və azad mətbuatın formalaşmasını görə bilərik”.

Çərşənbə axşamı, 29 Avqust 2017 00:00

Korrupsiya ümumbəşəri və milli dəyərləri sarsıdır...

Yazan

 Korrupsiya ümumbəşəri və milli dəyərləri sarsıdır, aztəminatlı insanlara ziyan vurur

Korrupsiya — dövlətin hər hansı qurumunda çalışan və ona etibar edilərək verilmiş səlahiyyətdən şəxsi mənfəəti üçün istifadə etmə halları adlanır. Korrupsiya vəzifədə olanın öz imtiyazlarından istifadə edərək qanunları pozub bu və ya başqa məsələni səlahiyyəti olmayanların xeyrinə həll etməsidir. Ona görə korrupsiya dedikdə ancaq və ancaq vəzifədə olanlardan söhbət gedir. Sadə camaatı, hətta cinayətkarı korrupsioner adlandırmaq olmaz. Həmin cinayətkar rüşvət cinayətinə aiddir. Elmi ədəbiyyatda korrupsiya bu cür şərh olunur: korrupsiya vəzifəli şəxslərin öz statusundan, təmsil etdiyi orqanın statusundan, vəzifə səlahiyyətlərindən və ya həmin status və səlahiyyətlərdən irəli gələn imkanlardan istifadə etməklə qanunsuz olaraq maddi və sair nemətlər, imtiyazlar və ya güzəştlər əldə etməsi, habelə fiziki və hüquqi şəxslər tərəfindən qeyd edilən maddi və sair nemətlərin, imtiyazların və ya güzəştlərin qanunsuz olaraq vəzifəli şəxslərə təklif və ya vəd olunması və yaxud verilməsi yolu ilə həmin vəzifəli şəxslərin ələ alınmasıdır.

Azərbaycanda da korrupsiya mövcuddur və bu gün xeyli sayda məmurlar vardır ki, onları korrupsioner adlandırmaq olar. Həmin korrupsionerlər hərbi xidmətdən yayınmaq istəyənləri, sürücülük vəsiqəsi almaq istəyənləri, işə düzəlmək istəyənləri və s. o istəklərinə çatdıraraq başqalarının hüquqlarını pozurlar. Eyni zamanda inzibati xətalara və ya qanun pozuntularına da korrupsioner göz yumaraq qanunların işləməməsini təmin edir. Buna görə də korrupsiyanın qarşısını almaq çətin olur. Azərbaycanda əslində bütün dövlət orqanları və vəzifəli şəxslər səlahiyyətləri çərçivəsində korrupsiyaya qarşı mübarizəni həyata keçirməlidirlər. Lakin, ölkədə korrupsiya o qədər genişlənib ki, heç kəs bu problemə görə “başını ağrıtmaq” istəmir. Azərbaycanda vəzifə sahiblərinin maddi durumuna nəzər yetirdikdə aydın olur ki, bunun arxasında korrupsiya dayanır. Buna görə də bu məsələləri açan və ictimai məlumatlar yayan jurnalistlər zaman-zaman həbs olunur və fəaliyyətləri məhdudlaşdırılır.

Əslində vəzifəli şəxslər qanunvericiliklə müəyyən edilmiş qaydada aşağıdakı məlumatları təqdim etməlidirlər ki, korrupsiyadan kənarda olması görsənsin:

· mənbəyini, növünü və məbləğini göstərməklə hər il öz gəlirləri barədə;

· vergitutma obyekti olan əmlakı barədə;

· kredit təşkilatlarındakı əmanətləri, qiymətli kağızları və digər maliyyə vəsaitləri barədə;

· şirkətlərin, fondların və sair təsərrüfat subyektlərinin fəaliyyətində səhmdar və ya təsisçi kimi iştirakı, bu müəssisələrdə öz mülkiyyət payı barədə;

· şərti maliyyə vahidinin beş min misli miqdarından yuxarı olan borcu barədə;

· şərti maliyyə vahidinin min mislindən yuxarı maliyyə və əmlak xarakterli digər öhdəlikləri barədə.

İstənilən sahədə inkişafa mane olan əsas faktorlardan hesab olunan korrupsiya müasir dövrümüzdə dünyanın əksər ölkələrini narahat edən problemdir. Korrupsiyanın mövcudluğu ilk növbədə ümumbəşəri və milli dəyərləri sarsıdır, hüquqi dövlət quruculuğuna mane olur, iqtisadi və sosial inkişafı buxovlayır, cəmiyyətin ehtiyatlarından səmərəsiz istifadə edilməsinə şərait yaradır, aztəminatlı insanlara ziyan vurur. Ona görə korrupsiyaya qarşı mübarizə demokratik və sivil inkişaf yolu seçmiş hər bir dövlətin qarşıya qoyduğu əsas məqsədlərdəndir.

Fərid Heydarov

“Korrupsiyaya Qarşı Mübarizədə Vətəndaş Təşəbbüsləri” İctimai Birliyinin sədri 

“Ölkənin bütün varidatı bir neçə ailənin arasında bölüşdürülür...”

 “Dünyada, xüsusən possovet məkanında cərəyan edən hadisələr, iqtisadi gərginlik fors-major xarakterli deyil, qlobal siyasətin nəticəsidir. Azərbaycanda baş verən iqtisadi çöküş isə hesab edirəm ki, hakimiyyətin yanlış siyasətinin nəticəsidir. Bir qrup ölkənin gəlirlərindən ən yüksək formada yararlanır, böyük əksəriyyət isə səfalət içində yaşamağa məhkum edilib. Bir sözlə ölkədə ədalətsizlik hökm sürür”. Bu sözləri “Demokratiya və Qadın Hüquqları İnstitutu” İctimai Birliyinin sədri Xuraman Bağırova Azərbaycanda iqtisadi vəziyyəti şərh edərkən deyib.

Onun sözlərinə görə, ölkədəki iqtisadi vəziyyət psixoloji gərginlik yaradır: “Ölkəmiz çox çətin tarixi sınaqla üzbəüz qalıb. Baxmayaraq ki, biz bu hadisələri yaşamalı deyildik. Əslində indiyə qədər ölkə həyatında hökmran olan monopoliyanın, korrupsiyanın neftə söykənib qalan sahələri taleyin ümidinə buraxan bir idarəetmənin bədəlini ödəyirik və hələ ödəyəcəyik də. Çünki, hakimiyyətin bir qolu olan parlament idarəetməyə nəzarət funksiyasını yerinə yetirə bilmir. Cəmiyyət həyatında demokratik təsisatlar yoxdur. İnsanlar ölkənin idarə edilməsində iştirakdan kənardır. Nəticə də göz qabağındadır. Günahkar isə həm var, həm də yoxdur. Qarşıda bizi yaxşı nəsə gözləmir. Mən düşünmürəm ki, yarım əsrdən də çox müasir idarəetmədən uzaq olub, sovet düşüncə sistemi ilə ölkəni güya idarə edən bir klan islahata getsin. Bu mümkün olan şey deyil. Baxmayaraq tarixdə belə nümunələr olmuşdur. Amma Azərbaycanda hakim komandanın modern alternativ idarəetməyə keçməsi mümkün olan bir hal deyil. Odur ki, bizi təlatumlu və narahat günlər gözləyir. Millət çox acınacaqlı tarixi dövrə qədəm qoyub. Bir güman:- milli dərdin, milli problemin miqyası və ümidli gələcək arzusu insanlarımızı birlikdə bu çətinlikləri dəf etməyə səfərbər edə bilər”. 

X.Bağırova hesab edir ki, ölkədə baş verən iqtisadi çöküşün əziyyətini daha çox qadınlar çəkir: “Azərbaycan cəmiyyəti nizamsızlıq dönəminə girib. Bu ölkədə hər şey taleyin ümidinə buraxılıb. Hakimiyyət bütün məsuliyyəti üzərindən atıb. Hər gün işsizlik, qiymət artımı və bu amillərdən doğan problemlər, intiharlar haqqında eşidirik. Ölkə intiharlar şəhərciyinə çevrilib. Həndəsi silsilə ilə iqtisadi çöküş ola bilər, bunun riyazi qaydalarla həlli mümkündür. Lakin siyasi yanlışlıq və yarıtmazlıq nəticəsində yaranan iqtisadi çöküşdən qurtulmaq çox çətindir, bəlkə də mümkünsüzdür. Belə halda hesab edirəm ki, daha çox cəmiyyətin zərif nümayəndələri, qadınlar əziyyət çəkirlər. İqtisadi çöküş bir az əvvəl qeyd etdiyim kimi digər problemlərə sürətlə yol açır. Məsələn ailədaxili çəkişmələr və boşanmaların sayı artır. Bu zaman mövcud qanunlara görə, uşaqlar ana ilə qalır. Əksər halda ata aliment də vermir. Məhkəmə icra şöbələrinə sorğu ilə müraciət eləsək görərik ki, ən çox icra olunmayan məhkəmə qərarlarından aliment işləridir. Kişilərin işsiz qaldığı ölkədə qadınların işləyib özünə və uşaqlarına baxacağı necə mümkün ola bilər? Bu problemin üzərinə evsizliyi və digər çətinlikəri də əlavə eləsək qadınların hansı əziyyətlərlə üzləşdiyi tam aydın olur”.

Bu gün Azərbaycan cəmiyyəti içindəki bütün sərnişinlərini batıran qəzaya uğrayan gəmiyə bənzəyir. Burada kimliyindən asılı olmayaraq hamı batır. Əslində istənilən problem, təbii halda istənilən ölkədə baş verə bilər. Lakin hakimiyyət təmsilçilərinin sünii şəkildə yaratdıqları problemlərdən söhbət gedir. Ölkənin bütün varidatı bir neçə ailənin arasında bölüşdürülür, xalq isə taleyin ümidinə buraxılıb. Bununla da kifayətlənməyib, cərimələrin dəfələrlə qaldırılması, qiymət artımı və sair vasitələrlə əhalini tam müflisləşdirməyə çalışırlar. Ölkə birmənalı olaraq talan edilir. Hakimiyyət talançılıq siyasəti yürüdür və heç bir siyasi opponent qəbul etmir. Tənqidi fikir səsləndirən şəxs isə dərhal həbsə salınır - X.Bağırova vurğulayıb.

1 -dən səhifə 148