Tuesday, November 21, 2017

Türkiyə ABŞ-ı dəstəklədi: “Davamı gəlsin”

Bu məqaləni qiymətləndir
(1 Səs)

Türkiyə hökumətinin sözçüsü Numan Kurtulmuş ABŞ-ın Suriya rejiminə aid aviabazaya raket zərbələri endirməsinə münasibət bildirib.

APA-nın xəbərinə görə, N. Kurtulmuş Türkiyədəki "Fox TV”yə müsahibəsində bu addımı müsbət qiymətləndirdiklərini deyib: "ABŞ tərəfindən oradakı hərbi bazanın, yəni mülki şəxslərə atəş açıldığı, böyük ehtimalla kimyəvi silahlarla dinc sakinlərin bombalandığı o hərbi bazanın vurulması önəmlidir. Bunu müsbət qarşılayırıq. Amma beynəlxalq ictimaiyyət Əsəd rejiminin barbarlığına qarşı mövqeyini çox konkret şəkildə davam etdirməlidir - o vaxta qədər ki, Əsəd artıq xalqına zərər verə bilməyəcək hala gəlsin. Ona görə də, bu faktı müsbət qarşılayırıq, lakin bunun davamının gəlməsin və Əsəd rejiminin tam cəzalandırılmasının əsas şərt olduğunu düşünürük”.  

N. Kurtulmuş qeyd edib ki, belə davam edərsə, ABŞ, Rusiya və digər ölkələr toqquşma nöqtəsinə gələ bilər: "Bizim lap əvvəldən söylədiyimiz bir məsələ var. Xalqına qarşı barbarlıq edənlərin qarşısı alınmalıdır. Müəyyən bölgələr, məsələn, "Fərat qalxanı” əməliyyatı ilə təmizlədiyimiz ərazi kimi bölgələr təhlükəsiz zona elan olunmalıdır. Suriya probleminin sürətlə həllinə aparıb çıxaracaq amillərdən biri məhz təhlükəsizlik zonasının yaradılmasıdır. Amerikalılar uzun müddət qərarsız qaldı. Bunun bölgəyə heç bir faydası olmadı və ABŞ-ın özünü də çıxılmaz duruma saldı”.

Oxu 461 dəfə

Şərh verin

Siz (*) tələb olunan məlumatı daxil etdiyinizə əmin olun.Hansı ki, HTML kodu iczə verilmir.