Sunday, September 24, 2017

Qanligöldə qarşıdurma, sakinlər yolu bağladi - VİDEO Xüsusi

Bu məqaləni qiymətləndir
(0 səs)

Sentyabrın 3-də Bakının Yasamal rayonunun Qanlıgöl deyilən ərazisində polislə sakinlər arasında qarşıdurma yaranıb. Sakinlər evlərinin sökülməsinə etiraz edərək yaxınlıqdakı yolu bağlayıblar. Onlar evlərinin niyə sökülməsindən xəbərsizdirlər və heç bir kompensasiya ödənmədiyini deyirlər.

AzadlıqRadiosuna danışan Sakin Zərxanım Tapdıqovanın sözlərinə görə, bir neçə gün öncə Yasamal rayonu İcra Hakimiyyətindən gəlib deyiblər ki, ev söküləcək və əvəzində heç bir kompensasiya almayacaqlar: «Evimi uçurtdular, bir neçə toyuğum vardı, hini də uçurtdular, niyəsini bizə demirlər».

Digər sakin Nicat Hüseynov deyir ki, onlara dünən – sentyabrın 2-də heç bir əsas gətirmədən evlərini boşaltmaqla bağlı xəbərdarlıq ediblər: «Dünən gəldilər ki, evi boşaldın, söküləcək. Nə səbəbini deyirlər, nə pul verirlər. Bu gün gəlib camaatın tövləsində inəyi-danası, başına uçurtdular».

Nicat Hüseynov deyir ki, evlərinin sökülmə səbəblərindən xəbərsizdirlər.

Yasamal rayon İcra Hakimiyyətinin məsələ ilə bağlı mövqeyini öyrənməyə çalışırıq.

Oxu 1088 dəfə

Şərh verin

Siz (*) tələb olunan məlumatı daxil etdiyinizə əmin olun.Hansı ki, HTML kodu iczə verilmir.