"Çıxırsan küçəyə, görürsən ki, parklar salınır, binalar tikilir, qayıdırsan evə, üç azyaşlı uşaq ac, məzlum gözlərini əlinə dikib, çörək gətirmisən, ya yox”

"Nicatın dərmanları yenə tükənir, ona təzə dərmanlar almaq lazımdır. O dərmanları qəbul etməsə, onsuz da ağır olan vəziyyəti daha da kəskinləşəcək. Kimin üstünə gedim, kimə ağız açım, bilmirəm. Uşaqları təkbaşına saxlayıram. Hökumətin verdiyi ünvanlı sosial yardımın və kəsdiyi alimentin məbləği çox gülüncdür. Tifillərim günlərlə ac qalır”.

Bunu Meydan TV-yə Xaçmazda – Dağıstan küçəsində yaşayan Leyla Novruzəliyeva deyir. Leyla xanım iki il əvvəl həyat yoldaşından ayrılıb. Lakin üç azyaşlı övladı ilə getməyə yeri olmadığı üçün elə keçmiş qaynanası və keçmiş ərinin yaşadığı mənzildə ona ayırdıqları bir otağa sığınıb. Lakin qadının sosial durumu olduqca ağırdır. Deyir, 8 yaşlı Xanoğlan, 6 yaşlı Nicat və 4 yaşlı Nihad çoxdandır ki, isti yeməyin, ətin, meyvənin dadını unudub. Ana onları yavan çörək və su ilə dolandırır. Çünki aldığı alimentlə ünvanlı sosial yardımı üst-üstə qoyub ağır böyrək xəstəsi olan və bu yaxınlarda əməliyyatdan çıxan 4 yaşlı Nicatın dərmanlarına xərcləyir.

Boş ələ dikilən ac gözlər

"Çıxırsan küçəyə, Xaçmazın ortasında parklar salınır, binalar tikilir, pullar daşa, divara xərclənir. Qayıdıb girirsən evə, üç uşaq ac, məzlum gözlərini əlinə dikib, baxır ki, çörək gətirmisən, ya yox… Elə gün olur, yarım çörəyi 3 uşağın arasında bölüşdürürəm. Zəif, qan faizləri aşağı, ürək təzyiqləri aşağı… Allah ümidinə həyatda qalıblar”- ana gileylənir.

Leyla xanım deyir, üç azyaşlı övladını təkbaşına saxlayır. 165 manat ünvanlı sosial yardım alır. Keçmiş həyat yoldaşı üçüncü qrup əlil kimi 47 manat müavinət aldığı üçün məhkəmə hər uşağa görə vur-tut 10 manat aliment kəsib. Deyir, aldığı ünvanlı sosial yardım və aliment uşaqların nəinki müalicəsinə, təhsilinə, geyiminə, heç çörəyə də yetmir. Ortancıl oğlunun xəstəliyi isə vəziyyəti daha da ağırlaşdırır.

Acından başı gicəllənəndə məktəbə buraxmıram

"Həyat yoldaşım bizi incitdiyi üçün rəsmi ayrılıdıq. Ancaq getməyə yerim, mənə sahib çıxacaq bir qohumum olmadığından yenə də bu evdə qalmalı oldum. Keçmiş qaynanamla keçmiş yoldaşım mənə bir otaq verdi, yığışdıq ora. Uşaq dekabrda uroloji əməliyyat keçirtdi. Onu isti şəraitdə saxlamalıydım. Ancaq qaldığımız otaqda istilik olmadığı üçün uşağın vəziyyəti daha da ağırlaşdı. Bilmirəm hansından danışım. Böyük oğlum onun-bunun verdiyi köhnə paltarları geyinib məktəbə gedir. Ortancıl oğlum dediyim kimi, böyrək xəstəsi olduğu üçün, ümumiyyətlə, məktəbə getmir. Bu uşağın hər ay müayinələri, yazılan reseptlər… İnanın ki, havalanıram. Yemək yoxdur, uşaqlar günlərlə yavan çörək, su ilə dolanır. Böyüyünün acından tez-tez başı gicəllənir, belə olanda məktəbə buraxmıram”.

Dedilər, bura xeyriyyə fondu deyil...

Leyla xanım kömək üçün Xaçmaz Rayon İcra Hakimiyyətinə müraciət edib, ancaq faydası olmayıb:

"Dedilər, bura xeyriyyə fondudur ki? İcra hakimiyyəti yardım edəndir ki? Get, dərdini Səlim Müslümova de”.

Leyla xanım çoxdandır ki, rayondakı Məşğulluq Mərkəzində işsiz kimi qeydiyyatdadır. Ancaq nə iş tapılır, nə də işsizlik müavinəti ödənilir. Leyla xanım bəzi qanunları da bilir. O¸bilir ki, Məşğulluq Mərkəzi ixtisası, savadı olmayan işsiz vətəndaşı peşə kurslarına cəlb etməlidir, sonra da həmin peşəyə uyğun iş yeri təklif etməlidir:

"Maraqlansanız, görəcəksiniz ki, Xaçmazın Məşğulluq Mərkəzi indiyədək bircə işsiz rayon sakinini də peşə kursuna göndərməyib. Bunlar hamısı kağız üzərindədir. Xaçmazın Məşğulluq Mərkəzinə hər gün xeyli adam gəlir, iş istəyir. Eləcə, işsiz kimi qeydiyyata alıb, "get, iş olanda xəbər edərik”- deyib yola salırlar. Sən də illərlə sallanıb qalırsan yaxalarından ki, iş nə oldu? Adamlara işsizlik müavinəti də verilmir”.

Leyla xanım deyir, dərzi¸toxucu və bu kimi başqa peşələrə yiyələnsə, işlə təmin olunsa, ən azı, balalarının çörək dərdini çəkməz.

Mərkəz: "İş təklif olunub, razllaşmayıb” 

Xaçmaz Rayon İcra Hakimiyyətindən bildirilib ki, rayonda bu durumda olan ailələrə yardım etmək üçün büdcə nəzərdə tutulmayıb. Dövlət belə ailələri ünvanlı sosial yardım və müxtəlif təyinatlı müavinətlərlə təmin edir. 

Xaçmaz rayon Məşğulluq Mərkəzindənsə Meydan TV-yə deyiblər ki, Mərkəzdə rayondakı 200-dən çox müəssisə qeydiyyatdadır. İndiyədək Mərkəz yüzlərlə işsiz vətəndaşa münasib iş axtarılmasında kömək edib, iş axtaranların peşə hazırlığına vasitəçi olub. Mərkəz işsizlik müavinəti təyin edir və ödəyir. Konkret Leyla Novruzəliyevaya gəlincə, Mərkəzdən bildirilib ki, xanıma təmizlikçi işi təklif olunub, lakin razılaşmayıb. Bundan sonra da ona uyğun iş yeri olarsa, mütləq xəbər ediləcək.

Leyla Novruzəliyeva isə deyir, mərkəzdən ona hər hansı iş təklif olunmayıb. Üç azyaşlı övladının gələcək taleyi üçün narahat olan ana hökumətdən kömək gözləyir.

İranın ali dini rəhbəri ayətullah Əli Xamenei ABŞ, Fransa və Britaniya liderlərini cinayətkar adlandırıb.

APA-nın “Tasnim” agentliyinə istinadən yaydığı xəbərə görə, Ə. Xamenei Qərb koalisiyasının Suriya əməliyyatına sərt reaksiya verib. Suriyaya hücum cinayətdir, Amerika, Fransa prezidentləri və Britaniyanın baş naziri isə canidir”, - deyə o, söyləyib.  

Əli Xamenei bildirib ki, Amerika və onun müttəfiqləri bu cinayətlə hər hansı nəticəyə nail ola bilməyəcəklər.

ABŞ Silahlı Qüvvələri Suriyaya yeni zərbələr endirməyə hazırdır. Bunu ABŞ-ın BMT-dəki daimi nümayəndəsi Nikki Heyli bildirib.  

“Biz əminik ki, Suriyanın kimyəvi silah istehsalı proqramına ciddi ziyan vurulub. Suriya rejimi səbrimizi sınamağa davam edərsə, biz təzyiqi davam etdirəcəyik”, - deyə Heyli qeyd edib.  

ABŞ-ın BMT-dəki daimi nümayəndəsi əlavə edib ki, ABŞ ordusu Suriyada təkrarlana biləcək kimyəvi silahdan istifadə hallarına dərhal cavab verməyə hazırdır.

Azərbaycan Respublikasında məhkəmə sistemi siyasi hakimiyyətin, onun korrupsiya və rüşvətxorluq yolu ilə varlanmış nazir, məmurlarından asılı vəziyyətdə olmasını və onlardan çəkindikləri dəfələrlə mətbuat səhifələrində, bilavasitə məhkəmə çəkişmələrində, gizlində olsa da məhkəmə hakimlərinin ağzından çıxdığı kəlmələrdən görüb və eşitmişik. Bu qanunsuzluq və özbaşınalıqlar olub, var və çox təəssüflər olsun ki, bu eybəcərliklər bu gün də davam edir. Bunu saysız hesabsız məhkəmə baxışlarında və barəmdə olan əmrin ləğv edilməsi iddiası ilə əlaqədar 12 aprel 2018-ci il tarixdə Ali Məhkəmənin İnzibati-İqtisadi Kollegiyasında baxılan, əgər buna baxılmaq demək olarsa, bu şounun kənardan müşahidəçisi oldum. Buna görə də bir daha vətəndaşların hüquq mühafizə və məhkəmə orqanlarına inanmının nəyə görə aşağı səviyyədə olmasını başa düşür və onların dərdləri ilə bölüşürəm.

Qısa da olsa bildirirəm ki, iddiam barəmdə 07.04.2016-cı il tarixli, Ə318-001-16 saylı DİN-nin əmri ilə “qeydiyyatdan keçdiyim “Facebook” sosial şəbəkəsində ictimai-siyasi məzmunlu yazılara tənqidi şərhlər verməklə xidməti fəaliyyəti ilə birbaşa bağlı olmayan məsələlərə əsassız müdaxilə etdiyinə, ailəli olmasına baxmayaraq vət. Ə.Ağacanova ilə cəmiyyətdə qəbul edilmiş ailə-məişət və əxlaq normalarına zidd münasibətlər qurduğuna və rəhbərlik tərəfindən mənfi xarakterizə olunduğuna, bu hərəkətləri ilə daxili işlər orqanları adına və polisin nüfuzuna xələl gətirdiyinə görə” DİN-nin Polis Akademiyasının DİO-da əməliyyat-axtarış fəaliyyəti kafedrasının müəllimi, polis polkovnik-leytenantı Yaqubov İlqar İlyas oğlu “Azərbaycan Respublikasının daxili işlər orqanlarında xidmət keçmə haqqında Əsasnamənin 9-cu(daxili işlər orqanları əməkdaşı adına ləkə gətirən ləyaqətsiz hərəkət etdikdə) bəndinə əsasən daxili işlər orqanlarında xidmətdən xaric edilməyim ilə əlaqədardır. Mən bu barədə bundan əvvəlki 27 iyul 2017-ci il tarixli “ARTIQ BU DÖVLƏT MƏNİM QİSMİMDƏ BİR ƏSGƏRİNİ İTİRDİ”, 28 dekabr 2017-ci il tarixli “Azərbaycan məhkəmələrinin əksər hakimləri siyasi sifarişli qərarlar qəbul edir və ancaq möhür vurmaqla notariat kontorunun funksiyalarını yerinə yetirirlər” məqalələrimdə siyasi sifariş əsasında başıma gətirilən qanunsuzluq, özbaşınalıq və dərəbəylik barədə geniş məlumat verilmişdir.

Bu dəfə də Ali Məhkəmənin İnzibati-İqtisadi Kollegiyasında baxılan şou ənənələrinə sadıq qalan hakimlərin tamaşaları davam etdirilmişdir. İddia ərizəsini araşdıran məhkəmə kollegiyası iki kişidən, onlardan biri hakim İlqar Dadaşov və bir qadından ibarət olmuşdur. Həmişəki kimi məhkəmə baxışı birtəfəli, heç bir araşdırma aparılmadan, sübutlar təqdim olunmadan, onlara qiymət verilmədən, heç bir şahid dindirilmədən, heç bir sənəd təqdim edilmədən DİN-nin xeyrinə baxılmış, hakimlər oturduqları kürslərini və vəzifələrini yaddan çıxarmış, DİN-nin vəkillərinə çevrilmişlər. Qısa müddət ərzində baxılan iddam, buna heç baxılma da demək olmaz, təmin edilməmiş, əvvəlcədən hazırlanmış barəmdə çıxarılmış əmrin ləgv edilməsi iddiamın təmin olumaması barədə qərəzli qərar Daxili İşlər Nazirliyinin rəhbərliyinin göstərişinə əsasən məharətlə, vicdansızcasına qüvvədə saxlanılmışdır.

Çünki iddia ərizəsi əgər normal hüquqi ölkədə olan məhkəmədə baxılsaydı Azərbaycan generallarının qanunsuzluğu, özbaşınalığı və saxtakarlığı, nahəyət törətdikləri çoxsaylı cinayətlər üzə çıxardı. Ancaq məhkəmə hakimləri qorxduqlarından, çılız, əqidəsiz və prinsipial olmadıqlarından bunu etməyə çürətləri, cəsarətləri çatmamış və çatmayacaq da. Onlar DİN-nin rəhbərliyindən qorxur və çəkinirlər, onlara yazığım gəlir, görəsən insan bu qədər də kölə və nökər olmağı ilə necə barışa bilər. Ancaq bu deyilənlər bu günə kimi bu işə baxan və bundan sonra da baxacaq məhkəmə hakimlərini nə Uca Allah, nə də ki, Qanun qarşısında nə vaxtsa cavab verəcəklərindən azad etmir, etməyəcəkdə. Əqidəsi, amalı, siması, vicdanı, şərəfi, ləyaqəti və həyatda insan kimi yaşamaq prinsipi düzgün olan hakimlər ya qanuni düzgün qərar çıxarmalı, ya da ki, işə baxmaqdan imtina etməli, sonda istefa verməli və bu saxtakar Qərarlara imza atmamalıdırlar. Təəsüflər olsun ki, hələ ki, mən belə bir məhkəmə hakiminə rast gəlməmişəm, belə bir hadisə barədə eşitməmişəm və əminəm ki, bundan sonra da bu mühütdə, bu idarəçilik sistemində eşitməyəcəyəmdə.

Uca Allah səbirli və təmkinli insanları sevir, həmişə də onlara yardımçı olur, olacaq da. Azərbaycan Respublikasında sonuncu məhkəmə Konstitusiya məhkəməsidir. Bu məhkəmə baxışından da heç nə gözləmirəm. Yeganə məqsədim ölkədaxili bütün məhkəmə instansiyalarını keçəndən sonra, onsuzda bilirəm ki, digər həmvətənlərimin əksəriyyəti kimi Azərbaycanda pozulmuş hüquqlarımın bərpası qeyri-mümkündür, çünki bu hüquqları pozanların arxasında qanunusuz və coxsaylı cinayətlər törətməklə varlanmış, əllərində küllü miqdarda haram pul kütləsi və kifayət qədər inzibati resurslar cəmlənmiş oliqarx, monopolist nazir və məmurlar dayanırlar. Bu instansiyadan sonra Avropa İnsan Haqları Məhkəməsinə müraciət edəcəm, əminəm ki, Qanunların, İnsan Hüquq və Azadlıqların aliliyi bərqərar olunan Avropa İnsan Haqları Məhkəməsində kobud və cinayətkarçasına pozulmuş hüquqlarımın bərpasına nail olacağam. Mən bu məqsədlərimlə səhərlərimi açır, həyatda yaşayır və haqlı mübarizəmi sona kimi davam etdirilməsi üçün əlimdən gələni edirəm, edəcəyəm də. Bizlər onsuz da bu hakimiyyətin əksər harın nazir və məmurları kimi korrupsiya və rüşvətxorluq, mənmsəmə və talama yolu ilə xalqdan milyardlar oğurlamamışıq ki, onlar kimi bu maddiyyatların itirilməsindən qorxaq. Ancaq bu azğınlaşmış hakimiyyət məxluqları yeganə təmiz adımızı və kişiliyimizi də ləkələyib, bizləri alçaldmaq və sındırmaq istəyirlər. Onlar bu günə kimi görün nə qədər insanların həyatını məhf edib, ailələr dağıdıb, nə qədər çirkab işlərlə məşqul olub, nə qədər gunahsız insanları sifarişlə ləkələyib, şərləyib və həbsə atdırıblar. Ancaq bu dəfə mənim simamda ünvanlarını səhf salıblar, mən onları əmin edirəm ki, onlar düzgün hədəf seçməyiblər. Mübarizəmi sona kimi aparacağam və gec də olsa haqq-ədalət öz yerini tapacaq. Digər insanları da öz haqlı mübarizə yolundan dönməməyə, haqq sözünü deməkdən belə çəkinməməyə və bütün zəruri vasitələrdən istifadə edib, hakimiyyətdə tutduğu vəzifəsindən və mövqeydən aslı olmayaraq nazir, məmurlar tərəfindən pozulmuş hüquqlarının bərpa olunması üçün mübarizə aparmağa səsləyirəm. Bu qanunsuzluqları edən nadürüstlərin müdafiəçisi hakimiyyət, vəzifə, oğurlanmış milyardlar, əllərində olan müvvəqqəti təsiretmə resurslardırsa, bizlərin yanında Uca Allah, düzgün yol, əqidə, şərəf, ləyaqət, mənlik, mərdlik və dözümlük var. Haqq yolunda mübarizə aparan və bundan sonra da aparacaq hər bir şəxsə uğurlar arzulayıram.

Sonda bu qanunusluqda, özbaşınalıqda və cinayətlərdə əli olanlara və olmaqda da davam edən kimliyindən aslı olmayan hər bir şəxsə müraciət edirəm:” Bizlər bu həyata bir dəfə gəlib, bu həyatda müvəqqəti yaşayırıq, öz missiyamızı yerinə yetirib vaxtı gələndə də bu həyatdan köçəcəyik. Heç kim bu həyatda daimi deyil, bizlərə qalan da elədiyimiz əməllərə Uca Allahımız və bu həyatda bizdən sonra qalıb yaşayacaq, elədiyimiz hərəkətə görə övladlarımıza verilən qiymətdən aslı olacaq. İnsan bu həyatdan köçəndən sonra ya rəhmət qazanır, ya da gorbagor lənətinə məruz qalır. Görəsən bəs Sizlər doğurdan da Uca Allahdan qorxmursunuz, görəsən Sizlər doğurdan da vicdanınızı, insanlığınızı və kişiliyinizi tamamilə itirmisiz ? Ancaq bilin ki, yaşınızdan və harada olmanızdan belə aslı olmayaraq hərə öz elədiyi hər bir çirkin əməllərinizə görə cavab verəcəksiz, buna həm özünüz və həm də yaxınlarınız tam əmin ola bilərsiz və bunları da heç vaxtı yaddan çıxarmayın.

5cd3404b81e1b1afeecd5ba49e2fa4df XL

 

 

 

 

 

 

 

 Məqaləni hazırladı: Polis Akademiyasının sabiq müəllimi, polis polkovnik-leytenantı Yaqubov İlqar İlyas oğlu.

Şənbə, 14 Aprel 2018 00:00

Qızıl bahalaşıb

Yazan

Amerika fond bazarında “Dow Jones” indeksi 0,50% – 24 360,14 bəndədək, “S&P 500” 0,29% – 2 656,30 bəndədək, NASDAQ isə 0,47% – 7 106,65 bəndədək ucuzlaşıb.

Xeber.info xəbər verir ki, Avropa fond bazarlarında “FTSE 100” indeksi 0,09% – 7 264,56 bəndədək, Almaniya DAX-ı 0,22% – 12 442,40 bəndədək, Fransa CAC-40-ı 0,11% – 5 315,02 bəndədək bahalaşıb.

COMEX-də sonuncu hərraclarda qızılın unsiyasının qiyməti 6,70 dollar bahalaşaraq 1 348,60 dollara, gümüşün unsiyasının qiyməti 0,17 dollar artaraq 16,65 dollara satılıb.

Xeber.info

Şənbə, 14 Aprel 2018 00:00

Bu gün “Məbəs” bayramıdır.

Yazan

Xeber.İnfo xəbər verir ki, bu gün hicri-qəməri tarixi ilə rəcəb ayının 27-sinə təsadüf edir. Bu gün islam tarixində islam peyğəmbəri Həzrət Məhəmməd ibni Abdullaha (s) ilk dəfə ilahi vəhyin nazil olduğu və onun peyğəmbərliyə seçildiyi gündür.

Məhz, Həzrəti Məhəmməd (s) Hira mağarasında ibadətlə məşğul olarkən Allahın əmrləri və qanunları vəhy formasında ona bugünkü tarixdə nazil olub. Tarixi hədislərə görə, islam peyğəmbərinə ilk vəhy nazil olan gün onun 40 yaşı olub.

“Məbəs” günü ilə bağlı ən maraqlı məqamlardan biri budur ki, yazmağı, oxumağı bacarmayan, müəyyən bir məktəbə, mədrəsəyə getməyən, heç bir şairin, kahinin, keşişin, alimin yanında təlim-təhsil görməyən, ümumiyyətlə, heç bir orta və ali təhsili olmayan bir insan Qurani-kərim kimi qeyb aləmindən, keçmişdən, tarixi hadisələrdən, faktlardan, gələcəkdən, şeirin, ədəbiyyatın, nəzmin incəliklərindən, ictimai qanunlardan, hüquqi vəzifələrdən, məhkəmə sistemindən, ictimai ədalətdən və kamil dünyəvi baxışdan, zülmə qarşı mübarizə hərəkatından, yerin-göyün sirlərindən və aləmlərin rəbbindən və onun sifətləri barədə xəbər verən kitabı bəşəriyyətə təqdim edib.

Məhz, buna görədir ki, müsəlmanlar “Məbəs” gününü bayram etməyi özlərinə borc bilirlər.

Hazırda islam dünyasında bir çox ölkələrdə baş verən ikitirəliyin səbəbini də, əslində "Məbəs" gününün dəyərlərindən uzaqlaşmasında görmək olar. "Məbəs" günü müsəlman dünyasını Məhəmməd (s) peyğəmbər ətrafında birləşməyə çağırarkən, islam dünyasında fikir ayrılıqlarının gündən günə dərinləşdiyinin şahidi oluruq.

Bu gün "Məbəs" və Həzrət Məhəmməd (s) peyğəmbər əslində islam dünyasını birləşdirən əsas amildir. Məhz buna görə, Həzrət Məhəmməd ibni Abdullaha (s) vəhyin gəlməsi və onun peyğəmbər olması müsəlmanlara birlik, firavanlıq, və səadət bəxş etməlidir.

Xeber.İnfo

Yeni dövlət başçısı seçildiyi üçün istefaya göndəriləcək hökümət üzvləri arasında maliyyə naziri Samir Şərifov yenidən təyinat almayacaq. Səbəb Samir Şərifovun adının Beynəlxalq Bank qalmaqalında hallanması, eləcə də Maliyyə Nazirliyində baş verən şübhəli maliyyə əməliyyatlarıdır. Xeber.info-ya daxil olan məlumatlara görə, Samir Şərifovdan sonra Maliyyə Nazirliyində həbslər də həyata keçirilə bilər. Belə ki, Maliyyə Nazirliyinin nəzdində faəliyyət göstərən Dövlət Xəzinədarlığı Agentliyi büdcə xərclərinin şişirdilməsində, eləcə də tender korrupsiyalarında əsas tərəflərdən biri hesab olunur. Məsələn, Bakı Şəhər İcra Hakimiyyətində tender kralı kimi tanınan Ramazan Məmmədovun həyata keçirdiyi bütün şübhəli maliyyə əməliyyatlarına 1 saylı Xəzinədarlıq İdarəsi göz yumub. Və idarənin həyata keçirdiyi bütün yoxlamalar zamanı Ramazan Məmmədov "sudan quru" çıxarılıb. 30784815 1824543657590926 1119397217 nMaliyyə Nazirliyində bu işlərin başında 1 saylı Xəzinədarlıq İdarəsinin rəisi Nadir Qarayev dayanır. Ramazan Məmmədovla kifayət qədər yaxın münasibətlərə malik Nadir Qarayev müxtəlif qurumların Bakı şəhərində elan etdiyi tenderlərdə mənimsənilən büdcə vəsaitlərinə "xeyir-dua" verir. Redaksiyamıza Dövlət Xəzinədarlığı Agentliyində, xüsusi ilə də 1 saylı Xəzinədarlıq İdarəsində baş verən qanunsuzluqlarla bağlı daxil olan məlumatları araşdırmaqda davam edirik. Təkcə bir faktı qeyd etmək kifayət edir ki, 1 saylı Xəzinədarlıq İdarəsində baş verən korrupsiyanın miqyasını təsəvvür edəsiniz. Məsələn, Rabitə, İnformasiya və Yüksək Texnologiyalar Nazirliyinin keçmiş Aparat rəhbəti işləmiş və hazırda dövlət əmlakını talmaqda təqsirli bilinərək həbs edilən Vidadi Zeynalovun cinayət işində məlum olmuşdu ki, təkcə Nadir Qarayevə təxminən 4 milyon manat pul verilib. Ən maraqlısı isə odur ki, Vidadi Zeynalov həbs edilsə də Nadir Qarayevə nədənsə dəyib dolaşan olmadı... Məlumatlara görə, 1 saylı Xəzinədarlıq İdarəsi rəisinin əsas himayəçisi olan Maliyyə Nazirinin müavini Azər Bayramovdur. Məhz Azər Bayramovun sayəsində hələ də Nadir Qarayevə toxunan olmayıb. Zamanında MTN-nin "radar"larına düşən 1 saylı Xəzinədarlıq İdarəsinin rəisini Eldar Mahmudovun "çete"sinin əlindən Vidadi Zeynalov xilas etmişdi. Maliyyə Nazirliyində əksər əməkdaşlar Samir Şərifovdan sonra həyata keçiriləcək "təmizləmə əməliyyatı"nda nazirlikdə kök salmış "Gədəbəy mafiyası"nı zərərsizləşdiriləcəyini səbirsizliklə gözləyirlər. Çünki Maliyyə Nazirliyinin rəsmi və qeyri maliyyə axınlarının böyük hissəsinə əslən Gədəbəy rayonundan olan Azər Bayramov və Nadir Qarayev nəzarət edir...

Araşdırmalarımız davam edir...

Rejim böyük dövlətlərin maraqlarından imtina etdiyi an, Azərbaycan Suriyanın gününə düşəcək

Heç kimin anlamadığı bir seçki şousunu arxada qoyduq. Hamı nəticələri, seçkinin necə başlamasını, necə bitəcəyini bilirdi. Bu qədər zurna-qavala nə ehtyac var idi – heç kimin anlamadığı sual məhz budur

Hətta “namizəd”lər bir-iki faizin həndəvərində səs qazanacaqlarını bilirlərmiş. Kişi kimi uduzmağı da etiraf edənlər oldu. Seçkidə qazandıqları isə İlham Əliyevə telefon açmaq imkanı imiş. Hələ dəqiq bilinmir, İlham bunlara özü cavab verib, yoxsa Siyavuş, ya Əli Həsənov. İlham özünü seçkidən tam kənarda saxlamaqla bunların vasitəsilə daha 7 il postunu qoruyacaq.

Əlqərəz, bunların qazancı nə olacaq? 7 namizəddən dördü parlamentdə “vəzifə”lərini davam edəcəklər. Hafiz bir az əsəbi görünsə də, növbəti prezident seçkilərinə hazırlaşacaq. Razi gənc və təcrübəsiz olduğu qədər, tam güvənli də deyil. Adam bir müddət Əli Kərimlinin yanında desant olub. Sərdar Cəlaloğlunun başına Araz Əlizadənin sağ əli düşəcək. Növbəti, ya növbədənkənar parlament seçkilərində deputat mandatı verəcəklər. İlham Əliyev öz kefində olacaq, xalq isə aclıq içində səfilliyini davam edəcək. Nəhayət tamaşa bitdi, pərdələr də bağlandı, ən yaxşı halda 7 il qapalı qalacaq.

“Tamaşa”yaverilən qiymət haqqında;

ATƏT-in Demokratik Təsisatlar və İnsan Haqları Bürosunun prezident seçkiləri ilə bağlı verdiyi açıqlama Əli Həsənovun yedirtdiyi jurnalistləri olduğu kimi göstərdi. Əli Həsənov martın 10-da jurnalistlərə kütləvi hücum əmri vermişdi. Yəqin o zaman Həsənov düşünməyib ki, bir daxmaya görə, hər şeyini satanlar sadəcə hücum əmri gözləyirlər. Qarşıda kimin dayandığının fərqi yoxdu. ATƏT-in nümayəndələrinə qarşı edilən kobudluq məni narahat etmir. Çünki ən azı 15 ildir ATƏT və digər nüfuzlu beynəlxalq təşkilatlar bu rejimin saxta seçkilərini alqışlayır, ailə hakimiyyətinin davamlığını təmin edirlər. Hakimiyyət də qarşılığını necə ödəyir, çoxlarına məlumdur. Mənə başqa məsələ maraqlıdır – ailə hakimiyyətilə ATƏT-in arasında nə baş verir? Yaxud ATƏT bu kobudluğun cavabını necə qaytaracaq?

Bu sualları düşünəndə, bir neçə məqam fikrimi qarışdırır. 1) Hakimiyyətdaxili ciddi qarşıdurma var, tərəflərdən biri hökumətlə beynəlxalq təşkilarların münasibətini korlamaq istəyir. 2) Hökumət öz münasibətləri korlamaqda maraqlıdır. Bu zamana qədər sirr deyil ki, beynəlxalq təşkilatlar seçkiləri demokratik adlandırmaq üçün hökumət külli miqdarda vəsait xərcləyirdi. Artıq o qədər vəsaitin olmaması belə xoşagəlməz hallara rəvac verir. 3) Qərblə münasibətlərin pozulmasında Rusiya və Türkiyə maraqlıdır. Bu versiya bir az zəif görünür. Amma son zamanlar regionda dəyişən vəziyyət və adını qeyd etdiyim dövlətlərin davranışı belə düşünməyə əsas verir.

Nəticə nə olacaq?

Hər halda Azərbaycana qarşı təzyiqlər artacaq. Rejimin qanunsuz davranışları, vətəndaşların ciddi problemləri, üstəgəl beynəlxalq təşkilatların narazılığı hakim ailəni çətin duruma sala bilər. Ailə hakimiyyətinin sona çatması üçün təkcə bir amil çatışmır. Sadaladığım amillər hakimiyyətin süqutunu yaxınlaşdırır, müasir dünya siyasətini nəzərə alsaq ən əsas məsələ hələ hökuməti ayaqda saxlayır. Böyük dövlətlərin maraqları hər hansı bir formada təmin edilir. Rejim Rusiya və Qərbin maraqlarını təmin etməkdən çəkindiyi an, ölkədə sadaladığım üç amil işə düşəcək. O zaman ölkə Suriya və bu kimi digər ölkərin aqibətini yaşayacaq. Azərbaycanda daha ciddi itkilər olmadan demokratik dəyərləri qurmaq ancaq xalqın oyanışından keçir. Xalq oyanmalı, ölkəsinə sahib çıxmalıdır ki, böyük dövlətlər Vətənimizi döyüş meydanına çevirməsinlər.

Cavid Cabbarlı

Xeber.İnfo-nun baş redaktoru

Seçkilərin Monitorinqi Demokratiyanın Tədrisi (SDMT) mərkəzi Azərbaycanda 11 aprel 2018-ci il növbədənkənar prezident seçkisinin nəticləri ilə bağlı bəyanat yayıb.

Bəyanatda bildirilir ki, uzunmüddətli qaydada seçkinin bütün mərhələləri– namizədlərin irəli sürülməsi, seçkiqabağı təşviqat, seçki günü səsvermə və səslərin sayılması prosesləri üzrə müşahidə edib.

SMDT bildirib ki, seçki günü səsvermə və səslərin sayılması prosesini zədələyən ənənəvi və ciddi qanun pozuntuları qeydə alıb.

"Buraya müşahidəçilərin olduğu seçki məntəqələrinin 47 faizində adları seçici siyahısında olmayan seçicilərin səsvermədə iştirakı, 53 faiz seçki məntəqəsində seçki qutusuna saxta bülletenlərin atılması, seçki məntəqələrinin 53 faizində bir şəxsin bir neçə dəfə səsverməsi halları qeydə alınıb. Məlumatların daxil olduğu seçki məntəqələrinin yalnız 8 faizində ciddi qanun pozuntuları yer almayıb. Seçki günü həmçinin müstəqil müşahidəçilərə və jurnalistlərə qarşı ciddi təzyiqlər qeydə alınıb. Bu təzyiqlər seçki məntəqələrində qanun pozuntularına irad bildirən və səslərin sayılmasını izləmək istəyən vətəndaşlara qarşı baş verib”.

SMDT bildirib ki, onunla əməkdaşlıq edən müşahidəçilər əksər seçki məntəqələrində seçici fəallığı ilə bağlı rəsmi rəqəmlərdən əsaslı şəkildə aşağı olan rəqəmlər qeydə alıblar.

"Rəsmi nəticələr üzərində detallı analiz sayəsində SMDT elan olunmuş rəqəmlərlə bağlı ciddi uyğunsuzluqlar müəyyən edib. Bu nəticələr seçki məntəqələrinin yarısından çoxunda seçki qutularına toplu bülletenlərin atılması halları iddia etməyə və seçici fəallığının süni şəkildə şişirdildiyini ifadə etməyə əsas verir, o cümlədən ümumi nəticələrin etibarlılığını şübhə altına qoyur”.

SMDT-nin ümumi dəyərləndirməsi göstərir ki, 11 aprel 2018-ci il növbədənkənar prezident seçkisi siyasi azadlıqlara təzyiqlər, bərabər və həqiqi rəqabət imkanları, o cümlədən alternativ seçim şəraitinin məhdudlaşması ilə müşayiət olunaraq, azad və ədalətli seçkilər üzrə milli qanunvericiliyin və beynəlxalq standartların pozulması şəraitində keçirilib.

SMDT uzunmüddətli müşahidəni 22 nəfər, seçki günü müşahidəni isə 166 nəfər müstəqil müşahidəçi ilə əməkdaşlıq şəraitində həyata keçirib. Prezident seçkisi günü müşahidəçilər 125 seçki dairəsi üzrə milli təmsilçilik əsasında təsadüfi yolla seçilmiş 125 seçki məntəqəsində Statistikaya Əsaslanmış müşahidə aparıblar.(meydan.tv)

Nilza de Sena bütün qiymətləndirmələri özü apardığını, çox insanları dinlədiyini söyləyib:

"Prezident Əliyevlə də görüşdüm, parlamentdə də oldum, müxtəlif fikirləri olan başqa insanlarla da görüşmüşəm, media təmsilçiləri, QHT nümayəndələri ilə də. Özüm üçün ölkə ilə bağlı mənzərəni yaratdım. Dediklərimizi təhlil edən zaman nə demək istədiyimizi başa düşəcəksiniz. Rəqabətliliyin olmamasına gəlincə, Ronaldo portuqaliyalıdır, dünyanın ən yaxşısıdır. Onun ədalətli şəkildə rəqabət aparmaq imkanı var. Demokratiyanın da müəyyən şərtləri var. Müstəqil media mövcud olmalıdır. Siz inkişafa doğru getməlisiniz. Dünyada mükəmməl ölkə yoxdur. Amma bərabər seçki olmalıdır. Bərabər səsvermə hamı üçün yaradılmalı, effektiv iştirak təmin olunmalıdır. Biz hesabatda nələrisə qeyd ediriksə, bu, faktları diqqətinizə çatdırırıq".

C.Jonker isə deyib ki, Azərbaycana hökumətin dəvətilə gəliblər. 350 müşahidəçiləri olub.

"Bəyanatda əksini tapan fikirlər bizim subyektiv fikirlərimiz deyil. Biz sadəcə, faktlara baxıb müəyyən qənaətlərə gəlirik. Rəqabətlilik mühiti, media azadlığı məsələsinə qayıtmaq istəyirəm. Rəsmi təbliğat dövründə media vaxtının 48.81 faizini dövlətin fəaliyyətinə, 27.40 faizini prezidentə həsr edib. Boykota çağıran qüvvələrlə bağlı neqativ işıqlandırma aparılıb. Bərabər mühit yaradılmayıb", – o, sözlərinə əlavə edib.

Hədiyyə barədə eşitməyiblər

Mətbuat konfransında söz alan hakimiyyətyönlü jurnalistlər müşahidə missiyasının fikirlərini "xalqın iradəsinə zidd" adlandırıblar.

"Bu fikirlər tam subyektivdir. Siz Azərbaycan əleyhinə olan qüvvələrin fikirlərini çatdırmaq üçün gəlmisiniz. Tam şəffaf, hətta Avropanın bir çox ölkələri üçün nümunə olacaq seçki keçirilib. Deyirsiz, rəqabət mühiti olmayıb. Ancaq seçkidə Sərdar Cəlaloğlu iştirak edib", – Vüqar Rəhimzadə belə deyib.

"Səs" qəzetinin baş redaktoru Bəhruz Quliyevsə missiya üzvlərini özləriylə hazır hesabat gətirməkdə, antiazərbaycan qüvvələrin fikirlərini səsləndirməkdə suçlayıb: "Sizin dediyiniz ölkə sivilizasiyadan uzaq ölkədir. Azərbaycan isə hüquqi dövlətdir. Mətbuata heç bir maneə olmayıb. Beynəlxalq təşkilatlar özləri etiraf edir bunu. Biz tam sərbəst şəkildə seçkini izləmişik. Azərbaycan xalqının hissiyyatı ilə, əsəbləri ilə oynamayın".​

Araşdırmaçı jurnalist Xədicə İsmayıl müşahidəçilərdən soruşub ki, proses zamanı onlara hansısa hədiyyə söz verilibmi? "Siz seçki ilə bağlı nəticələri davam etdirəcəksinizmi? Bəzi seçki məntəqələrində kameralarının işində problemlər yaranmışdı, rəqəmlər arasında kəskin fərqlər və s. araşdırılacaqmı?", - deyə jurnalist sual edib.

V.R.Bardea sualı belə cavablandırıb: "Mən hədiyyələrlə bağlı qaydaların olduğunu bilirəm. Bunu bir zarafat kimi qəbul edirəm".

Nilza de Sena: "Hədiyyələrə gəlincə, mənə heç nə təklif olunmayıb. Səhər 8-də bizim brifinqimiz olub. Heç bir hədiyyə təklifi eşitməmişəm".

Məntəqələrin 12 faizində pozuntu

ATƏT DTHİB-nin seçkini müşahidə missiyasının rəhbəri Corien Jonker-in deməsinə görə, 350 müşahidəçi onlara müxtəlif problemlər, ciddi qanun pozuntuları, şəffaflığın olmaması barədə xəbər verib. O, məntəqələrin 12 faizində pozuntu qeydə alındığını, bunun da çox pis göstərici olduğunu deyib.

"Topa bülletenlərin atılması müşahidə olunub. Pozuntuların qarşısının alınması üçün lazımi addım atılmayıb", – deyən Jonker əlavə edib ki, fundamental hüquq və azadlılar seçkinin başlıca şərtidir. Ancaq seçki prosesində hüquq və azadlıqlar ciddi şəkildə məhdudlaşdırılıb ki, bu da ATƏT öhdəliklərinə ziddir.

O, prezidentin seçki kampaniyasında iştirak etmədiyini, amma xarici nümayəndə heyətlərini qəbul etdiyini vurğulayıb.

"Digər namizədlər prezidenti açıq şəkildə tənqid etməyib. Seçkidə əsl rəqabət mühiti olmayıb. Dövlət orqanlarının işçiləri və tələbələrə təzyiqlər ciddi hadisədir və qarşısı alınmalıdır. Jurnalistlər məcburi həbslərə və suçlanmalara məruz qalıb. Tənqidlərə görə onlar belə halla üzləşiblər", – Jonker bildirib.

Əsas efir vaxtı prezidentə həsr olunub

AŞPA-nı təmsil edən nümayəndə heyətinin rəhbəri Viorel Riceard Badea deyib ki, xüsusi koordinatorun dedikləri ilə razıdır. 

"Hər bir millətin öz rəhbərini seçmək hüququ var. Biz vəziyyəti dərindən təhlil etmişik", – deyə o, hakimiyyəti insan haqlarının durumunu yaxşılaşdırmağa, Venesiya Komissiyasının, ATƏT DTİHB-nin tövsiyələrini nəzərə almağa, Avropa Məhkəməsinin qərarlarını icra etməyə çağırıb.

***

"Televiziyaların hamısında xəbər buraxılışların əksəriyyəti hökumətin fəaliyyəti haqdadır. Hökumətin tənqidi ilə bağlı fikirlərə rast gəlinməyib. Əsas efir vaxtı prezidentə həsr olunub. Müşahidəçilərə problem yaradılmayıb", – missiya bildirir.

Ancaq seçki günü məntəqə seçki komissiyalarında məcburi prosedurlara əməl olunmadığı, məntəqələrin 12 faizində prosedurun mənfi qiymətləndirildiyi bildirilir. Belə ki, səslərin sayılması zamanı pozuntulara yol verilib, qəsdən saxtalaşdırma halları müşahidə olunub.

Xüsusi koordinator beynəlxalq müşahidə missiyasının xoş münasibət gördüyünü, əməkdaşlığı davam etdirməyə, sərbəst seçkinin keçirilməsini əngəlləyən mövcud problemlərin həllinə yardım göstərməyə hazır olduqlarını dilə gətirib.

Azadlıqlar məhdudlaşdırılıb

ATƏT-in Azərbaycanda prezident seçkilərini qısamüddətli müşahidə missiyasının xüsusi koordinatoru Nilza de Sena bəyanatı davam etdirərək bildirib ki, konstitusiya düzəlişlərindən sonra Azərbaycanda ilk prezident seçkisi keçirilir. Bir sıra inzibati və hüquqi qadağalar qeydə alınıb. Seçki administrasiyası yaxşı təşkil olunsa da, bütün prosedurları əhatə etməyib. 

O, DTHİB və Venesiya Komissiyasının prioritet tövsiyələrinin nəzərə alınacağına ümid etdiklərini bildirib.

Missiya MSK-nın 5.2 milyon seçicini qeydiyyata aldığını, amma rəqəmlərin dəqiqliyi ilə bağlı Dövlət Statistika Komitəsinin məlumatı arasında ziddiyyət olduğunu bildirib.

ATƏT DTİHB xəbər verir ki, tələbələr, büdcə təşkilatlarının işçiləri YAP təşviqatına cəlb olunub. Missiya ölkədə mətbuat mühitinin, ifadə və söz azadlığının məhdudlaşdırıldığını bildirir.

***

AzadlıqRadiosunun əməkdaşları müşahidə missiyasına hücum çəkənlərin "Səs" qəzetinin baş redaktoru Bəhruz Quliyev, "Xalq qəzeti"ndən Əliqismət Bədəlov, "İki sahil" qəzetinin baş redaktoru Vüqar Rəhimzadə və başqalarının olduğunu bildirir.

Missiya yenidən konfrans zalına qayıdıb.

Rəqabət mühiti olmayıb

«Azərbaycanda prezident seçkisi məhdudlaşdırıcı siyasi mühitdə keçirilib. Plüralizm olmadığı şəraitdə həqiqi rəqabət də olmayıb. Digər namizədlər prezidentləri tənqid etməkdən çəkiniblər».

Bunu ATƏT-in seçkini müşahidə missiyası aprelin 12-də keçirdiyi mətbuat konfransında bildirib.

Mətbuat konfransına ATƏT-in Demokratik Təsisatlar və İnsan Haqları Bürosundan seçkini müşahidə missiyasının rəhbəri Corien Jonker, ATƏT-in qısamüddətli müşahidə missiyasının rəhbəri və xüsusi koordinatoru Nilza de Sena, Avropa Şurası Parlament Assambleyasının müşahidə missiyasının rəhbəri Viorel Bardea qatılıblar.

«Seçki administrasiyası hazırlıqlı idi. Seçki günü müşahidəçilərimiz şəffaflığın olmamasını, pozuntuların olmasını xəbər verib. Müşahidəçilərimiz topa bülleten atılmasının şahidi olub», – bu bəyanatdan sonra mətbuat konfransına gəlmiş bir neçə şəxs missiyaya hücum edib, qalmaqal yaranıb.

Missiya zalı tərk etməli olub. Ancaq tədbirin aparıcısı bildirib ki, mətbuat konfransını davam etdirmək planlaşdırılır.

"Bəyanatı eşitmək istəyən insanlar var. Ona görə davam etdirəcəyik. Əgər hansısa səbəbdən bitirə bilməsək, yazılı şəkildə bəyanatımız var", – açıqlamada deyilir.

8 -dən səhifə 183