Şənbə, 19 May 2018 00:00

Sən oruc deyilsən!

Yazan

Müqəddəs Ramazan ayının başlaması ilə ilahi rəhmət, bərəkət və məğfirət onu istəyən və tələb edən bəndələrinə şamil olur. Allah Rəsulunun (s) buyurduğu kimi; "Ramazanın əvvəli rəhmət, ortası məğfirət sonu isə cəhənnəmdən qurtuluşdur."

Allah Rəsulunun (s) buyurduğu bu üç halın bizə də şamil olunması üçün, lazımdır ki, Ramazanın əsl mahiyyətindən xəbərdar olaq.

Buğdanın bitməsi üçün münbit və əlverişli torpağın olması şərtdir. Əks halda daş-kəsək dolu bir sahəyə səpilən buğda, sahibinə əlavə zəhmət və xərcdən başqa bir şey qazandırmaz. Buğda hər nə qədər keyfiyyətli olsa belə, onun hansı torpaqda əkilməsi mühum şərtdir. Bu ayda da ilahi rəhmət qapıları sözün əsl mənasında taybatay insanların üzünə açılmışdır. Əgər biz özümüzdə buğda və torpaq misalında olduğu kimi, bu ayda ilahi rəhmətin bizə şamil olması üçün əlverişli zəmin yaratmasaq, onda biz də buğdanı daş-kəsək dolu sahəyə əkmiş əkinçi kimi peşimançılıq çəkəcəyik. Elə bir peşimançılıq ki, faydası da yoxdur.

Odur ki biz gərək başa düşək və anlayaq ki, niyə oruc tuturuq? Əgər biz həqiqətən də orucun ilahi bir əmr (Bəqərə 183-188) olduğunu nəzərə alıb, ona xatir oruc tuturuqsa, deməli artıq birinci qədəmi götürmüşük. Amma bu hələ hər şey demək deyildir. Orucu necə tutaq? sualına cavab axtarmalıyıq. Bu sualın cavabı qısa da olsa fiqh kitablarında hər kəsin başa düşəcəyi şəkildə qeyd olunub. Biz ikinci qədəmi də götürdük. Amma hələ tam mənası ilə "biz oruc tutmuşuq" deyə bilmərik. Hətta tutduğumuz oruclar şəri cəhətdən, fiqh kitablarına əsasən kamil olsa da... Məsələyə düzgün prizmadan yanaşıb, təhlil etməyiniz xahiş olunur. Demək istədiyim əsas mətləb budur ki, oruc (digər ibadətlər də bu cürdür) ibadətinə, fiqh kitabları səviyyəsində əməl etsək, Ramazan ayının kitablara sığmayan dərya dolu feyz və bərəkətindən binəsib qalacağıq. Necəki, məhşur bir hədisi, dediklərimə dəlil gətirmək istəyirəm:

İslam peyğəmbərinin (s) dövründə üç qadın Hz. peyğəmbərin (s) yanına gələrək iftar etmək üçün xurma istədilər. Peyğəmbər (s) buyurdu: Siz oruc deyilsiniz! Qadınlar: Xeyr ey Allahın Rəsulu (s) biz oruc tutmuşuq. Peyğəmbər (s) buyurdu: Siz oruc deyilsiniz! Qadınlar israr etdikdə peyğəmbər (s) onlara bir qab uzatdı və onlar hərəsi bir tikə ət qusdu. Qadınlar bu işə təəccüb etdikdə peyğəmbər (s) buyurdu: Niyə təəccüb edirsiniz? Məgər Quranın bu ayəsindən xəbərsizsiniz? Hər şeydən pak və münəzzəh olan uca xaliq buyurur: “Bir-birinizin qeybətini etməyin. Sizdən biriniz ölmüş qardaşının ətini yeməyə razı olarmı?...”

Ayə və hədisin izahından başa düşüldüyü kimi qeybət edən əslində ölü əti yeyir.

Quranın ifadə etdiyi "ölü əti yemək" şablon bir ifadə deyil, əksinə məsələnin əsl həqiqətdir.

Deməli biz sadəcə sübhdən axşama qədər ac qalmaqla kifayət etməməli, cismimiz kimi ruhumuz da bu ilahi feyzlərə tərəf pərvaz etməlidir. Əks təqdirdə Allah Rəsulunun (s) bu hədisi bizə də şamil olar.

Hz peyğəmbər (s) buyurmuşdur. " Nə çox oruc tutanlar var ki, onlara aclıq və susuzluqdan başqa bir şey qalmaz."

Deməli əgər biz də sadəcə yemək və içmək kimi şeyləri tərk edib, bədən üzvlərimizi Allah istəyən kimi idarə edə bilmiriksə onda Allah qorusun biz də əziz peyğəmbərimizin (s) buyurduğu zümrəyə daxil olmuş olarıq.

Bir hədisə də diqqətinizi cəlb edim:   Ramazan ayında İslam peyğəmbəri (s) bir evin yanından keçərkən öz kənizinə söyən qadının səsini eşitdi və o qadına buyurdu: "Get yemək ye!" Qadın dedi: Ey Allahın peyğəmbəri (s) mən orucam. Allah Rəsulu (s) buyurdu: "Sən oruc deyilsən. Sən necə oruc tutursan ki, söyüş söyürsən!"

Müqəddəs Ramazan bayramının əməllərinə qısa nəzər salmaq üçün İslam peyğəmbərinin ( s), Şaban ayının son cüməsində oxuduğu xütbənin bir qismini sizlərə təqdim edirik:

Ramazan ayının əməlləri İslam peyğəmbərinin (s) dili ilə. (ixtisarla)

"Ey insanlar! Allah ayı sizə tərəf üz gətirir. O öz rəhmət, bərəkət və məğfirəti ilə sizə tərəf gəlir. O elə bir aydır ki, bütün aylardan üstündür. Onun günləri də gecələri də digər günlərdən və gecələrdən daha fəzilətlidir. Onun saatları (zamanları) da digər günlərin saatlarından daha da üstündür.

Bu elə bir aydır ki Alla sizi qonaqlığa dəvət edir. Bu elə bir aydır ki, bu ayda çəkdiyiniz nəfəslərə Allah təsbih savabı verir. Bu elə bir aydır ki, sizin yuxunuza da Allah savab verir.

Bu ay duaların qəbul olunduğu aydır. Kasıblara, yetimlərə kömək edin.Yaşlılara, qocalara hörmət edin. Kiçik uşaqlara rəhm edin. Qohum əqrabanızı ziyarət edin.

Dilinizi pis sözlərdən qoruyun. Etdiyiniz günahlara görə Allaha tövbə edin.

Və hər kəs sizdən bir orucluya iftar versə elə bil, sanki bir qul azad edib. Hər kim bir orucluya iftar versə, Allah onu günahlarını bağışlayar.

Bu zaman bir nəfər ayağa duraraq soruşdu: Ey Allahın Rəsulu! (s) Mənim iftar verməyə imkanım olmasa nə edim?

Allah Rəsulu (s) buyurdu: Yarım xurma ilə də olsa bunu yerinə yetir.

Həmin şəxs təkrar soruşdu: Əgər mənim yarım xurmam da olmasa onda nə edim?

Allah Rəsulu (s) buyurdu: Bir qurtum su ilə də olsa bunu yerinə yetirin."

Ramazan ayının bir adı da "Xalis"dir. Gəlin bu mübarək ayda az əməl etsək də xalis niyyətlə yerinə yetirin. Unutmayın! İnsanı Allahdan uzaqlaşdıran və onu məğrur edən çoxlu əməl, insanı Allaha yaxınlaşdıran az əməldən daha yaxşıdır.

27073208 1978326522384458 3505125179416792724 n

 

 

 

 

 

 

 

 Mahir Şəkərov – İlahiyyatçı, araşdırmaçı. 

Tarixi irsimizin qorunduğu məkan - Beynəlxalq Muzeylər Günün qeyd olunub

jale salyan 2Dünən Beynəlxalq Muzeylər günü münasibətilə Mili Mədəniyyətin Təbliği İctimai Birliyinin rəhbəri Jalə Cəfərova Salyanda Tarix və Diyarşünaslıq Muzeyinin qonağı olub. Bu barədə Birliyin rəhbəri Jalə xanım özü Xeber.İnfo-a məlumat verib.jale salyan 9

J.Cəfərovanın sözlərinə görə, muzey ziyarətinə rayon ziyalıları və məktəblilər də qatılıblar: “Salyan rayonu qədim tarixi köklərə malik olan yaşayış məskənidir. jale salyan 12Bu rayonda həm də bizim tarixi irsimiz yaşayır. jale salyan 5Muzeylər isə tarixi irsimizin qorunduğu və saxlanıldığı müqəddəs məkanlardır. Hər bir azərbaycanlı ilk fürsətdə muzeylərə getməli və keçmişimizlə tanış olmalıdır. Bu ziyarətdən məqsədimiz də xüsusən məktəblilərlə muzeydə görüşüb, onları maarifləndirmək idi.jale salyan 13 Ziyarətdə Ümid Partiyasının ictimaiyyətlə əlaqələr və xaricdə yaşayan soydaşlarımızla iş üzrə sədr müavini Rüfət Muradlı da iştirak etdi. Muzeylər günü münasibətiylə Uşaq yaradıcılıq mərkəzindən ziyarətə gələn məktəblilər arasında viktorina təşkil olundu.jale salyan 4 Viktorinada aktiv iştirak edən məktəblilərdən biri Şəhid Elçin İmanovun bacısı oğlu idi. Bu hal ziyarətçilərin kövrəlməsinə səbəb olmuşdu. İkimərtəbəli muzeydə saxlanılan “Füyuzat” jurnalının orjinal nüsxəsi məktəblilərin diqqətini cəlb etdi”.jale salyan 10

J.Cəfərova sonda məktəblilərə səsləndiyini bildirib: “Əziz balalar,jale salyan 14 illərdir bizim Qarabağdakı saysız, hesabsız tarixi abidələrimiz, ev muzeylərimiz erməni vandalları tərəfindən darmadağın edilir. Onlar bizim milli kimliyimizi məhv etmək istəyirlər. İnaniram ki, siz, məhz siz torpaqlarımız işğaldan azad olduqdan sonra dağıdılmış, viran qalmış abidələrimizi, muzeylərimizi bərpa edib, yenidən həyata qaytaracaqsız. Qoy, müəllimləriniz bu işdə təbliğatlarını əsirgəməsinlər”.

Xeber.İnfo

Halbuki, eyni rəssamın Türkiyə prezidentini təhqir edən karikaturaları “söz və mətbuat azadlığı” prinsipi ilə müdafiə edilmişdi

 Almaniyanın məşhur qəzetlərindən “Süddeutsche Zeitung”un karikaturaçısı Diter Hanits İsrail baş naziri Benyamin Netanyahunun karikaturasını çəkdiyi üçün antisemitizmdə ittiham olunaraq işdən azad edilib.

Qəzetin baş redaktoru Volfqanq Krax buna görə hətta İsraildən üzr də istəyib. “Süddeutsche Zeitung” məsələ ilə əlaqədar rəsmi açıqlama da yayıb. Açıqlamada qəzet rəhbərliyi “Cənab Hanitslə redaksiya arasında antisemit mövzuların karikaturada əks olunması məsələsində ziddiyətlər meydana gəlib. Bu ziddiyət sadəcə karikaturalarla bağlı deyil, həm də cənab Hanits ilə aparılan ayrıca söhbətlərdə də ortaya çıxıb”, cümlələri ilə öz mövqeyini müdafiə edib.

 netanyaho

Diter Hanitsin qovulmasına səbəb olan karikatura israilli müğənni Netta Barzilayın bu il “Avroviziya” mahnı müsabiqəsində qalib gəlməsi ilə bağlı olub. Karikaturaçı İsrail baş naziri Netanyahunu müğənninin səhnədə istifadə etdiyi geyimdə, üstəlik əlində raket olaraq təsvir edib. Rəsmdə onun guya “Gələcək il Qüdsdə” mahnısı oxuduğu göstərilib. Bundan sonra rəssama qarşı sosial şəbəkələrdə geniş kampaniya başladılıb.

 Hanitsin özü Almaniya mediasına verdiyi açıqlamada işinə son verildiyini təsdiqləyib. O, çəkdiyi karikaturada heç kimi təhqir etmədiyini, sadəcə olaraq İsrailin Nettanın qələbəsini öz mənafelərinə uyğun istifadə etməsinə qarşı belə bir rəsm çəkdiyini söyləyib.

 Rəssam bir karikaturadan ötrü işinə son verilməsinin doğru yol olmadığını qeyd edib. Bundan əlavə, Hanits çəkdiyi rəsmə görə heç də peşman olmadığını vurğulayıb.

 Qeyd olunur ki, alman rəssam Türkiyə prezidenti Rəcəb Tayyib Ərdoğanı təhqir edən karikatura rəsmləri ilə də ad çıxarıb. Lakin həmin vaxt Türkiyə tərəfi buna qarşı sərt təpki göstərincə, Diter Hanits eyni qəzet tərəfindən “mətbuat və söz azadlığı” prinsipləri ilə müdafiə edilmişdi.

Prezident İlham Əliyev Natiq Aslanovun Naftalan Şəhər İcra Hakimiyyətinin başçısı vəzifəsindən azad edilməsi haqqında sərəncam imzalayıb.

Prezidentin digər sərəncamı ilə Rövşən İbrahimov Naftalan Şəhər İcra Hakimiyyətinin başçısı təyin edilib.

Niyə?!

 SOCAR Türkiyənin Azərbaycanla bağlı ictimai, mədəni layihələrə ayırdığı vəsaitin bölünməsi uğrunda savaş yenidən qızışıb

 Son iki ilə qədər SOCAR Türkiyə barəsində tənqidi və ifşaedici yazılar demək olar ki, hər həftə xəbər saytlarının manşetində olurdu. Son illər ölkədə baş verən siyasi məzmunlu olaylar (Eldar Mahmudov çetesinin ifşası, referendum və prezident seçkiləri) fonunda Azərbaycanı Türkiyədə təmsil edən ən böyük qurumumuz sanki unuduldu. Lakin bir neçə müddətdir ki, SOCAR Türkiyə və qurumun idarə heyətinin sədri Arif Əliyev yenidən gündəmə gəldi – özü də çox ciddi ittihamlarla. Adam külli miqdarda “yeyintidə”, korrupsiya və maliyyə fırıldaqlarında ittiham olunurdu. Maraqlıdır ki, nə şirkət, nə də adı şəkilən şəxs bu xəbərləri yalanlamadı.

Yayılan xəbər ilk baxışdan adi, hansısa iri çaplı məmurun ifşasına yönələn informasiya kimi görünə bilər. Lakin məsələnin çox ciddi və görünməyən tərəfləri var. Arif Əliyevin əleyhinə verilən yazıların araxasında SOCAR Türkiyə büdcəsindən Azərbaycan adına xərclənən ictimai-siyasi və xeyriyyə məqsədli vəsaitlərin bölünməsi uğrunda mübarizə var. Bu mübarizənin başlanğıc, daha doğrusu, qızışma tarixi 2010-cu ilə, Həsən Zeynalovun Azərbaycanın İstanbul şəhərindəki baş konsulu vəzifəsinə təyin olunmasına gedib çıxır. Həmin illərdə SOCAR Türkiyənin büdcəsindən Azərbaycanla bağlı müxtəlif tədbirlərin təşkilinə külli miqdarda vəsait xərclənirdi. Bu tədbirlərin təşkilati işləri Prezident Administrasiyasının ozamankı siyasi təhlil və informasiya təminatı şöbəsinin müdiri Elnur Aslanova bağlı idi. Həmin tədbirlərin keçirilməsi adı altında SOCAR Türkiyənin büdcəsindən külli miqdarda vəsait yuyularaq Arif Əliyev və Elnur Aslanov arasında bölündüyü iddia olunurdu. PA-da ictimai-siyasi işlərin təşkilindən sorumlu olan Əli Həsənovun adamları və İstanbuldakı Azərbaycan adına tədbirlərin təşkilinə məsul baş konsul Həsən Zeynalov bu bölgüdən kənarda saxlanılırdı və təbii ki, bu da onların ciddi narazılığına səbəb olurdu. Sözügedən maliyyənin bölünməsi uğrunda ciddi savaş başlanmışdı.

İki qrup – Fətullah Gülənin “Hizmət” hərəkatına bağlılıqları iddia olunan Arif Əliyev-Elnur Aslanov tandemi ilə Əli Həsənov-Həsən Zeynalov ittifaqı arasında ciddi informasiya savaşı gedirdi. Həsən Zeynalov A.Əliyev-E.Aslanov qruplaşmasının İstanbul fəaliyyəti barədə materialları Bakıya ötürür, öz səlahiyyətlərindən istifadə edən ictimai-siyasi məsələlər şöbəsinin müdiri həm bu informasiyaları, həm də öz əlavələrini şərhlərlə birgə müxalifətli-iqtidarlı qəzetlərində tirajlatdırırdı.

Müharibə təkcə media müstəvisində deyil, hakimiyyət dəftərxanası üzərindən də aparılırdı. İstanbuldakı baş konsul PA-dakı müttəfiqinin tövsiyələrinə uyğun olaraq diplomatik kanalla Azərbaycan XİN-ə narazılıq dolu şikayət mətubları yollayaraq A.Əliyev və E.Aslanovun Türkiyədəki əməllərindən şikayət edirdi. Onlar əsasən, nurçuluq ideologiyasına xidmət etməkdə günahlandırılırdılar. Ancaq baş konsulun bütün məktubları XİN-in arxivlərinə göndərilir, heç bir tədbir görülmürdü.

Belə olan halda, H.Zeynalov həmin məktubları PA-ya və dövlət başçısına ünavnalamağa başlayır. Bu dəfə qınaq obyektləri arasında XİN rəhbəri Elmar Məmmədyarov da var idi ki, o da fətullahçılara xidmət etməkdə günahlandırılırdı. Bu məktuba aidiyyəti üzrə XİN-ə göndərildikdən sonra Azərbaycan xarici siyasət idarəsinin rəhbərliyi Həsən Zeynalova xəbərçiliyinə görə soyuq münasibət göstərməyə, hətta onu sıxışdırmağa başlamışdılar.

2013-ün sonundan etibarən Türkiyədə baş verən olaylar Həsənov-Zeynalov qruplaşmasının xeyrinə işlədi və bildiyimiz kimi, ölkədəki fətullahçıların əksəriyyəti görəvdən uzaqlaşdırıldı. SOCAR Türkiyə barədə ümumi xarakterli tənqidi yazılar arada bir getsə də, bu materiallar davamlı yayılmırdı – ta Türkiyədə Global Meida Group tərəfindən iri media layihələri başlanıncaya qədər. SOCAR Türkiyənin ictimai-siyasi sektora külli miqdarda investisiya yatırdığından və proseslərin ondan xəbərsiz icra edildiyinə dözə bilməyən qüvvələr yenidən aktivləşib. Bu dəfə onlara Arif Əliyevin SOCAR-dakı rəqibləri müttəfiqlik edir.

Aldığımız məəlumata görə, Arif Əliyev SOCAR-dakı rəqiblərini zəiflətmək üçün ictimai-siyasi işin təşkilinə məsul olan şəxslə anlaşmaya getməyə, ayrılan vəsaiti onunla (onun adamları ilə) bölməyə hazırlaşır. Tam razılaşmanın əldə edilib-edilməməsi barədə əlimizdə yetərli informasiya olmadığından hələ ki, bölüşmürük. Bu məsələ ilə bağlı araşdırmalarımız davam edir.(Xural.com)

"AŞPA-nın qərarı ədalətsizdir. Bu, Azərbaycana olan təzyiqdir”.

Bunu Milli Məclisin bu gün, mayın 18-də keçirilən iclasında Azərbaycanın Avropa Şurası Parlament Assambleyasındakı (AŞPA) nümayəndə heyətinin rəhbəri Səməd Seyidov barəsində AŞPA-da sanksiya tətbiq edilməsi məsələsinə münasibət bildirərkən deyib.

O deyib ki, AŞPA-da yüksək vəzifədə təmsil olunan insanlar qanun-qaydanı pozduğu halda heç bir sanskiyaya məruz qalmırlar: "Ermənistan nümayəndə heyəti sanksiyaya məruz qalmayıb. Bu da ikili standartlardır. Azərbaycan öz haqq sözünü deyəndə sanksiyaya məruz qoyurlar, biz düz yoldayıq. Bu, mənim üçün qüsur yox, şərəfdir, çünki mən Azərbaycanın maraqlarını qoruyuram”.

"Azərbaycana qarşı AŞPA-da qəbul edilən sanksiya ilk deyil. Təəssüf ki, adını mətbuat orqanı qoyan bəzi saytlar bunu ilk sanksiya kimi əldə bayraq edir”.

Bunu spiker isə Oqtay Əsədov Milli Məclisin bu gün keçirilən iclasında bildirib. 

Spiker bildirib ki, belə bir sanksiya AŞPA-nın Azərbaycan Milli Məclisində keçirilən toplantısında da qəbul olunub: "Amma nə dəyişdi? Heç nə. O vaxt AŞPA-nın iclası Bakıda keçiriləndə biz Qarabağa qanunsuz səfər edən deputatın burada iştirak etməsinə icazə vermədik. Dərhal bizə qarşı sanksiya tətbiq etdilər ki, iki il Bakıda AŞPA-nın tədbirlərinə icazə verilməyəcək. Nə oldu? Bir il sonra özləri peşman oldular. Bizdə iclas keçirmək istədilər. Mən dedim ki, biz sanksiya altındayıq, olmaz. İndi də belə. Bu sanksiya da bizə təsir göstərməyəcək. Səməd Seyidovun fəaliyyətinə bələdik. Ona fəaliyyətinə görə təşəkkür edirik. O da, Azərbaycan nümayəndə heyəti də fəaliyyətini bundan sonra davam etdirəcək. Səməd, narahat olma. Sən daha da möhkəm, daha da mübariz ol”.

Kəndli: ''Qazancımız çörəkdən savayı heç nəyə yetmir''

"Otlaq sahələrinin çoxunda pambıq əkilib. İnsanlar yem dərdindən heyvanlarını satmalı olur. Boş qalan çox az sahənin icarə haqqı isə qalxıb. Bir sözlə, pambıq siyasəti kəndlilərin evin yıxıb”.

Beyləqanın Milabad kəndində təsərrüfatla məşğul olan insanlar belə deyir. Onlar əkin-biçin, heyvandarlıqdan gəlir əldə etmənin mümkün olmadığını söyləyirlər. Kənd sakinləri bildirirlər ki, sahələrin çoxunda dövlət pambıq əkdirir. Nəticədə heyvanlara otlaq sahəsi, əkinçilik üçünsə yer qalmır. Pambıqdan gələn gəlir isə qəpik-quruşdur deyirlər. Nəticədə kəndliyə əkin-biçin, heyvandarlıq, bir sözlə, kənd təsərrüfatı ilə məşğul olmaq sərf etmir.

Örüş, biçənək sahələrinə pambıq əkib, heyvandarlığı məhv ediblər

Kənd sakini Saleh Məmmədov deyir ki, əvvəl heyvan saxlayanlar yonca əkirdilər. İndi həmin sahələrin çoxuna pambıq əkilir: 

"Nəticədə insanlar heyvana verməli olduğu yemi pulla alırlar. Buna da hamının imkanı çatmır. Odur ki, heyvanı satmalı olurlar. Bununla da, həm heyvandarlıq məhv olub gedir, həm də gələcəkdə ətin qiyməti qalxa bilər. Məsələn, 3 hektar torpağı olanın cəmi 1 hektar yeri qalıb. Onunla da heyvan saxlaya bilmir. Bu dəqiqə Beyləqan kəndlərində əvvəllər sürüylə heyvan saxlayan əksər fermerin qapısında 1-2 inəyi qalıb. Onu da südünə, qatığına görə saxlayırlar”.

Yaxşı dolanırıq desək, inandırıcı olmaz

Həsən Babayev isə deyir ki, uzun müddət ticarətlə məşğul olub, mağaza işlədib. Manatın 2 dəfə devalvasiyaya uğraması onu müflis edib. Son çarəni əkinçilikdə görüb. Deyir, uzaqdan göründüyü kimi deyilmiş, indiki dövrdə təsərrüfatla məşğul olmaq çətin işmiş:

"Əvvəla, dövlət heç bir dəstək vermir. Düzü, dəstək üçün müraciət də etməmişəm. Çünki dəstək göstərdiklərini görürük, ancaq gübrədə bir balaca güzəşt var. Başqa heç nə. Öz hesabımıza nəsə əkib-becərirəm. Bəzən olur ki, qoyduğum pulu çıxara bilirəm. Bəzən də ziyanına işləyirik. İnanın, ölməmək üçün yaşayırıq. Burdan götürdüyümüz qazancımız ancaq çörəyimizə çatır. Yaxşı dolanırıq desək, inandırıcı olmaz, pis dolanırıq desək də, sual verəcəksiniz ki, onda burada nə gəzirsiniz. Başımızı qatırıq, heç nə...”.

Camaatda pul yoxdur

H.Babayev deyir ki, əslində ticarət işini davam etdirə də bilərdi. Anlayıb ki, qiymətləri qaldırsa, onsuz da əhalinin gücü çatmayacaq, nisyə istəyəcək, son nəticədə yenə müflis olacaq:

"Camaatda pul yoxdur. Hamı malı nisyə almaq istəyir. Bu da mənə sərf etmir. Nəticədə pay torpağım olmadığından, hər şeyi satıb, özümə bu yeri icarəyə götürdüm. İldə hektarına 300 manat verirəm. 3 hektardı, bu da 900 manat edir. İndi əkdiyim bu qarpızdan görün nə qədər gəlir götürməliyəm ki, həm icarəsini, həm xərcini, borcunu, həm də ailəmi dolandıra bilim”.

Kəndliyə 3 qəpik qala, ya qalmaya...

S.Məmmədov deyir, torpağın adı kəndlinin, dadı özlərinindir. Torpaq var, amma deyirlər, pambıq əkməlisən. Onun da xeyrini özləri görür:

"Necə? Deyək ki, kilosunu 50-55 qəpikdən alırlar. Onu elə edirlər ki, həmin puldan kəndliyə cəmi 3 qəpik qalır. Onun hamısı dərmana, yerə, texnika haqqına çıxılır. Yerdə kəndliyə 3-5 qəpik qala, ya qalmaya. Bir sözlə, sərf etmir”.

200 minə yaxın insan pambıqçılıqdan pul qazanır

Azərbaycan prezidenti İlham Əliyev Nazirlər Kabinetinin 2017-ci ilin sosial-iqtisadi inkişafının yekunlarına və qarşıda duran vəzifələrə həsr olunan iclasında ötən il 207 min ton, 2016-cı ildə 89 min ton, 2015-ci ildə isə 35 min ton pambıq yığıldığını söyləyib:

"Yəni iki il ərzində pambıq istehsalı demək olar ki, səkkiz dəfə artıb və 200 minə yaxın insan pambıqçılıq sahəsində çalışır, pul qazanır”.

2016-cı ildən başlayaraq pambıqçılığın inkişaf etdirilməsi hökumətin əsas diqqət ayırdığı sahələrdən birinə çevrilib. Hökumət bu sahəni inkişaf etdirməklə həm yeni iş yerlərinin açılmasını, həm də ölkəyə valyuta axınını artırmağı düşündüyünü bəyan edib.

Rəsmi məlumatlara görə, 2016-ci ildə Azərbaycanda 52 min 57 ha sahədə pambıq əkilib. Bu, 2015-ci ilin anoloji dövrünə nisbətən 33 min 373 hektar çox olub. 

2017-ci ildə isə rəqəm bir az da artıb. 136 min 413,2 hektar pambıq əkilib. İqtisadçı-ekspertlər dəfələrlə pambıqçılığın hazırda Azərbaycana xeyir verməyəcəyini, rentabelli olmayacağını, pambıqçılıq sahələrinin genişləndirilməsini otlaq sahələrinin hesabına baş verdiyini, son nəticədə ət istehsalının aşağı düşməsi və ətin qiymətinin artmasına səbəb olduğunu bəyan ediblər.(meydan.tv)

Fuad Əkbərov: “Diktatura rejimləri təkcə, öz xalqını və dövlətini geri salmır, ətraf ölkələr və xüsusən əməkdaşlıq etdiyi dövlətlər üçün də təhlükəli hesab olunurlar”

Əliyev hakimiyyəti ümumilikdə dünya üçün, xüsusən Avropa üçün təhlükə mənbəyidir. Azərbaycanda rejimin ömrü uzandıqca, onun korrupsiya və sair yanlış əməlləri ətrafı çirkləndirir. Bu sözləri siyasi fəal Fuad Əkbərov bildirib.

Onun sözlərinə görə, diktatura rejimləri təkcə, öz xalqını və dövlətini geri salmır, ətraf ölkələr və xüsusən əməkdaşlıq etdiyi dövlətlər üçün də təhlükəli hesab olunurlar: “Azərbaycan hakimiyyəti regionun lider dövləti olduğunu iddia edir, yalan statistika ilə xalqı aldatmaqla məşğuldur. Reallıq isə tam fərqlidir. Vətəndaşlar çətin şəraitdə, səfil gündə yaşayır, ilk fürsətdə ölkəni tərk edirlər. Əslində hakimiyyət insanları bir tikə çörəylə sınağa çəkir. Dövlətin sərvətini əxlaqsız əməllərinə sərf edir. Vətəndaşın haqq etdiyi sərvətləri insanların əzilməsi və daha zəzil günə düşməsi üçün xərcləyir. Neft və digər təbii sərvətlərdən əldə etdiyi gəlirləri, talamaqla məşğuldur. Bir müddət əvvəl, bu gəlirlərlə hətta avropalı deputatları ələ almaları barədə biabırçı faktlar üzə çıxdı. Hakimiyyət xalqı və dövləti iqtidarına qurban verməkdə davam edir. Azərbaycan hakimiyyətinin çirkin əməlləri Avropanın ən mötəbər təşkilatına qədər nüfuz edirsə, deməli vəziyyət daha ağırdı. Diktatura bütün ətrafını və əməkdaşlarını məhv edir”.

F.Əkbərov hesab edir ki, Azərbaycan diktaturası zaman-zaman dünya mətbuatının gündəmini zəbt edib: “Hökumət bir fakt göstərə bilməz ki, Azərbaycanı yaxşı mənada dünya gündəminə gətirsin. Ölkə iki halda gündəmə gəlib - ya Qarabağ mövzusunda, ya da hökumətin korrupsiya və bu kimi biabırçı davranışlarıyla. Ailə hakimiyyətinin və bu ailənin yaşı otuza çatmayan nümayəndələrinin Dubayda və digər yerlərdə dəyəri milyonlarla ölçülən mülklərin hesabı kimdən sorulmalıdır? Hər 3 aydan bir Avropanın müxtəlif dövlətlərində Azərbaycan hakimiyyətinin korrupsiya əməllərini ifşa edən materiallar dərc olunur. Lakin bu faktları təkzb edən bir bir açıqlamaya rast gəlinmir. Rejim bu davranışıyla xalq qarşısında özünü hesabatlı bilmir və eyni zamanda faktları təsdiqləyir”.

F.Əkbərov Avropa dövlətlərinə səslənib: “Avropanın nüfuzlu və təsir imkanı olan təşkilatları, ayrı-ayrı dövlətləri dictator İlham Əliyev və onun hakimiyyətilə əlaqələri kəsməlidir. Çünki, Avropa bu rejimlə əməkdaşlıq etdikcə, hakimiyyət çirkin əməllərinə haqq qazandırır və bu da ətrafa daha çox ziyan verməyə başlayır. Hesab edirəmki, Avropa həqiqətən demokratik dəyərlərin Azərbaycanda formalaşmasını istəyirsə, birmənalı olaraq İlham Əliyev diktaturası ilə əməkdaşlığa son qoymalı. Əks halda özü üçün təhlükə yaratmış olacaq. Hər halda Azərbaycan dünyanın bir parçasıdır. Burda baş verənlər digər dövlətlərə təsirsiz ola bilməz”.

Xeber.İnfo

Cümə axşamı, 17 May 2018 00:00

İcra başçısı işdən çıxarıldı

Yazan

Binəqədi rayon icra hakimiyyətinin başçısı Xaləddin İsgəndərov tutduğu vəzifədən azad olunub. 

Bu haqda prezident İlham Əliyev sərəncam verib. Artıq Xaləddin İsgəndərov işçilərlə vidalaşıb. 

Xaləddin İsgəndərov musavat.com-a xəbəri təsdiqləyib: "Xəbər düzdür. Artıq işsizəm. Yığışıb gedirəm evə”. 

Yeni bir vəzifəyə təyinat alıb-almaması ilə bağlı suala o, "heç bir vəzifəyə təyinat almamışam” cavabı verib. 

Xaləddin İsgəndərov Binəqədi rayon icra hakimiyyətinin başçısı postuna 2012-ci ilin aprelində təyinat alıb. 

O, bir müddət əvvəl vəzifəsindən kənarlaşdırılan vergilər naziri Fazil Məmmədovun yeznəsidir.

Çərşənbə axşamı, 15 May 2018 00:00

Netenyahu: "Eurovision-2019" Qüdsdə keçiriləcək

Yazan

Bu Portuqaliyanın paytaxtı Lissabonda keçirilən "Eurovision-2018" mahnı müsabiqəsində birinci yeri tutan israilli müğənni Netta Barazilanın "Toy" ("Oyuncaq") mahnısı əslində feminizimi təbliğ etdiyi üçün birmənalı qarşılanmadı. Üstəlik, mahnını dəcəl qız qiyafəsində və obrazında ifa edən Netta əslində maskalanaraq feminist çağırışlar etməsi ona qarşı sevgi deyil, qıcıq yaratdı. lakin bütün bunlara baxmayaraq bu cığıltılı və bəyənilməyən mahnı yarışmada birinciliyi əldə edə bildi. 

Əslində siyasi məqsədlər üzərində qurulmuş və siyasi məqsdələr üçün istifadə edilən "Eurovision" mahnı müsabiqəsi hər zaman olduğu kimi bu il də qalibin səsvermə ilə seçildiyini söyləsə də bu seçkilərin saxtakarlığı artıq bütün dünyaya bəllidir. Hər zaman Qərb dünyasının siyasi maraqlarına xidmət edən"Eurovision" mahnı müsabiqəsi bu dəfə məqsədli şəkildə İsrail təmsilçisini birinci yerə çıxartdı. Niyyət bəlliydi. Hazırda Fələstin torpaqlarında gedən müharibə ocaqlarına od tökmək, islam aləminin qırmızı xətti olan Qüds kimi müqəddəs yerdə eynicinsliliyi təbliğ edən yarışmanı keçirməklə müsəlmanların yarasının qaysağını qopartmaq niyyətiydi bu. 

Vetenugrunda.az-ın İsrailin "haaretz.com" saytına istinadən verdiyi xəbərə görə,  "Eurovision-2019" mahnı müsabiqəsi Qüdsdə keçiriləcək. 

"Netta, sən İsrailə böyük şöhrət gətirdin. Gələn il Qüdsdəyik!" deyən İsrailin baş naziri Binyamin Netanyahu "Eurovision" mahnı müsabiqəsinin gələn il Qüdsdə keçiriləcəyinə vəd verib. Bu barədə o, "Twitter"də yazıb.

3 -dən səhifə 183