Rusiya Federal Təhlükəsizlik Xidmətinin əməkdaşları “Lukoyl” və “Rosneft”in bir neçə menecerini həbs edib.

Xeber.info bildirir ki, bu barədə musavat.com-un Rusiya KİV-ə istinadən məlumat verib. Məlumata görə, əməliyyat ölkənin bir neçə regionunda və eləcə də Moskvada keçirilib.

Məlumata görə, əməliyyat uzun sürən izləmə və araşdırmalardan sonra başlayıb. Təhlükəsizlik xidmətinə məlum olub ki, bu şirkətlərə məxsus yanacaqdolrma məntəqələrində xüsusi viruslu proqramlar quraşdırlıb. Nəticədə avtomobillərin çəninə göstərildiyindən 7 faiz az yanacaq vurulur.

Əməliyyat nəticəsində ilk olaraq “Rosnef- Stavropol”un top-meneceri və “Lukoyl”un bir neçə meneceri yaxalanıb.
Bundan sonra “Rosneft”dən Oleq Kolpakov, “Lukoyl”dan isə Kovalevski və Yukinski adlı menecerlər də saxlanılıb. Onlar barəsində “mütəşəkkil cinayətkar dəstə yaratmaq” və “külli-miqdarda dələduzluq” maddəsiylə cinayət işi başlanılıb.

Həbslərin davam edəcəyi gözlənilir.

Xeber.info

Milli Məclisin Əmək və sosial siyasət komitəsinin sədri, deputat Hadi Rəcəbli gəlini Beruzova Zərifə Beruz qızının dələduzluqda ittiham olunması ilə əlaqədar Suraxanı Rayon Polis İdarəsinə çağırılması barədə yayılan xəbərlərə münasibət bildirib.

Xeber.İnfo Big.az -a istinadən xəbər verir ki, Hadi Rəcəbli ölkə.az-a açıqlamasında deyib ki, yayılan bu cür xəbərlər tamamilə yalandır:

“Bu yalan da Avstriyada qeydiyyatdan keçən bir səhifədən götürülmüşdü. Həmin məsələ 2 il əvvəl gündəmə gətirilən zaman Daxili İşlər Nazirliyinin mətbuat xidməti xəbəri təkzib etmişdi. Bu barədə nə Daxili İşlər Nazirliyində, nə Suraxanı polisində heç bir məlumat yoxdur.
Jurnalistlərə də məsləhət görürəm ki, Daxili İşlər Nazirliyi və Suraxanı polisi ilə əlaqə saxlayıb məsələ barədə dəqiq məlumatı öyrənsinlər”.

Komitə sədri onun polisə çağırılması barədə xəbər yazan jurnalistləri də təhqir edib:

“Görün bunu yazan jurnalistlərin səviyyəsi nə qədər aşağıdır ki, deyirlər Hadi Rəcəblini polisə çağırıblar. Axı məni kim polisə çağıra bilər? Mənim toxunulmazlıq hüququm var. Mənim polisə çağırılmağım üçün gərək Milli Məclis qərar qəbul etsin”.

Xeber.İnfo 

“Rüstəm İbrahimbəyovun filmində nə var” deyənlər filmin giriş hissəsindəki xəritəyə diqqət yetirsinlər.

Xeber.info xəbər verir ki, bu sözləri tarixçi alim, siyasi elmlər üzrə fəlsəfə doktoru Zaur Əliyev şəxsi Feysbuk səhifəsində yazıb. O, yazıçı R.İbrahimbəyovun çəkdiyi “Qafqaz üçlüyü” filminin təxribat xarakterli olmasını sübut edən amilə diqqət çəkib:

“Qarabağ Ermənistanın rənginə uyğun formada, Azərbaycandan ayrı bir ərazi kimi göstərilir. Və xəritənin üzərində “1988-ci ildə Dağlıq Qarabağ öz müstəqilliyini elan etdi” cümləsi yazılıb. Amma dünya bilir ki, müharibəni başladan Ermənistandır və torpaqları işğal edib. Yəni bu xəritə filmin mahiyyətini tam açır”.

Qeyd edək ki, Rüstəm İbrahimbəyov “Qafqaz üçlüyü” adlı film çəkib. Filmdə azərbaycanlılar vəhşi, qəddar, mədəniyyətsiz, ermənilər isə alicənab, sülhsevər, “vəhşi türkün qurbanı” kimi təqdim olunub.

Xeber.info

Xəbər.İnfo- xəbər verir ki, 1979-cu il təvəllüdlü yerli sakin Quliyev Vüqar Ənvər oğlu Mehdi Hüseynzadə adına stadionun yaxınlığında şəxsi meyvə-tərəvəz dükanında öz işçisi tərəfindən bıçaqlanıb.

O, Sumqayıt şəhər TTYX-ya çatdırılsa da, həyatını xilas etmək mümkün olmayıb.

Mərhumun meyiti Sumqayıt şəhər morquna təhvil verilib. Faktla bağlı Sumqayıt Şəhər Prokurorluğunda qəsdən adam öldürmə maddəsi ilə cinayət işi açılıb, araşdırmalar davam etdirilir.

Xəbər.İnfo

Paytaxtın Nizami rayonunun Əlif Hacıyev küçəsində yerləşən “Loğman” klinikasında xəstənin qızı ilə heyət üzvləri arasında əlbəyaxa dava düşüb.
 
Xəbər.İnfo “Report”a istinadən xəbər verir ki, nəticədə klinikanın 1983-cü il təvəllüdlü baş həkimi Şıxıyeva Lika Aydın qızı müxtəlif bədən xəsarətləri alaraq 3 saylı Kliniki Tibbi Mərkəzə yerləşdirilib.
 
L.Şıxıyeva bildirib ki, günorta saatlarında əməliyyat olunacaq qadının qızı əvvəlcə əlində olan su butulkasını kassada işləyən qızın baş nahiyəsinə vurub. Buna görə də, baş həkim insidentin qarşısını almaq istəyib. Lakin həmin gənc qız baş həkimə də ayaq və yumruq zərbələri endirib. Səbəb isə əməliyyat vaxtının 1 saat gec olması olub.
 
Faktla bağlı Nizami Rayon Polis İdarəsinin 25-ci Polis bölməsində araşdırma aparılır.
Xəbər.İnfo

Azərbaycanlı milyonçu Telman İsmayılova məxsus daha bir mülk satışa çıxarılır.

Musavat.com-un Rusiya KİV-lərindən aldığı məlumatına görə, milyonçuya məxsus “Biznes klub Tropikano” biznes mərkəzi ilə bağlı hərrac iyulun 3-də keçiriləcək.

Bundan əvvəl baş tutan hərracda biznes mərkəz 2 milyard 100 milyon rubl dəyərində qiymətləndirilmişdi. Amma indi qiymət endirilib. İndi o 300 milyon rubl az, 1 milyard 800 milyon rubl qiymətlə hərraca çıxarılacaq. Biznes mərkəzin sahəsi 15 min kvadratmetrdir və Moskvanın mərkəzində, Krasnaya Presnya küçəsində yerləşir.

Yeri gəlmişkən, Abbas Abbasovun himayəçisi olduğu “Azerros”un ofisi də burda yerləşir.

 

“Ailənin tək oğlan övladı ön cəbhədə xidmət keçməməlidir” — deputatdan TƏKLİF

“Ailələrin tək oğlan övladları ön cəbhədə deyil, arxa cəbhədəki hərbi hissələrdə xidmət keçməlidir”.

Bu barədə təkliflə Milli Məclisin deputatı Fəzail İbrahimli “Ölkə.Az”a açıqlamasında çıxış edib.

F.İbrahimli deyib ki, Azərbaycan tam müharibə şəraitində yaşamır.

Onun sözlərinə görə, Azərbaycan Ordusunun canlı qüvvəsi də kifayət qədərdir:

 “Düşünürəm ki, bu gün Azərbaycan müharibə vəziyyətində olsa da, ancaq geniş hərbi əməliyyatlar getmir. Doğrudur, cəbhədə hər gün atəşkəs pozulur. Ancaq Azərbaycan Ordusunun igid oğulları düşmənin cavabını layiqincə verir. Hesab edirəm ki, belə bir vəziyyətdə ailələrin tək oğlan övladları arxa cəbhələrdə xidmət etsələr, bu İslam əxlaqına da tam uyğun olar. Çünki bu gün Azərbaycanda elə ailələr var ki, orada 5 qızı olsa da, oğul övladı olmayana sonsuz kimi baxırlar. Bu əxlaq müstəvisində və bu cür düşüncə ilə yanaşsaq, o zaman ailələrin tək oğlan övladlarının ön cəbhədə deyil, arxa cəbhədə xidmət keçməsi məqbul sayılır. Ancaq əgər müharibə başlayarsa, o zaman mən də əli silah tutan hər bir şəxsin cəbhəyə yollanmasına tərəfdaram”.

Türkiyədə yaşayan ünlü azərbaycanlı iş adamı, “Palmali Group”-un sahibi Mübariz Mənsimov İstanbulda yaşayan azərbaycanlı tələbə və iş adamları üçün iftar süfrəsi açacaq. Xeber.info-nun xəbərinə görə bu barədə həmyerlimiz özünün sosial şəbəkədəki hesabında məlumat verib. O, bildirib ki, Azərbaycan Xalq Cümhuriyyətinin 100 illiyi münasibəti ilə İstanbulda təhsil alan tələbələr və iş adamları üçün may ayının 28-də iftar süfrəsi açacaq.

Xeber.info

Çərşənbə axşamı, 22 May 2018 00:00

Bakıda partlayış

Yazan

Bakıda məşhur restoranda təhlükəsizlik qaydalarına əməl olunmadığı üçün partlayış baş verib.

Xeber.info “Qafqazinfo”ya istinadən bildirir ki, bir neçə müştəri mayın 20-si saat 13 radələrində Mərdəkan qəsəbəsində yerləşən “Dükkan” restoranında nahar edərkən qaz balonunun partladığını bildiriblər.

Belə ki, ictiami obyektin sosial şəbəkədəki hesabında bu barədə yazan Aytac Məmmədli bildirib ki, partlayış nəticəsində uşaqları da çox qorxub: “Heç kəs çölə çıxmaq üçün bizə yol göstərmədi. Hətta yeyə bilmədiklərimizin də pulunu aldılar və hadisəyə görə üzr istəyən də olmadı”.

 Digər müştəri Aytən Məmmədli isə restoranın tikintisinin tam başa çatmadığını bildirib: “Ətrafda uşaqlar üçün təhlükəli olan çuxurlar var idi. Partlayış vaxtı isə nə yanğın çıxışı, nə də yol göstərən var idi. Hər kəs öz canının hayında qaçaqaçda idi”.

Müştərilərdən biri, Aygün adlı xanım restoranın terras hissəsində açıq havada divarın yanında qaz balonu yerləşdirildiyini və hadisə vaxtı həmin balonun partladığını qeyd edib: “İşçilər də hadisədən sonra qaz balonunun partladığını dedilər, amma təhlükəsizlik qaydalarına görə nazirliyin onları cərimələməməsi üçün rəsmi rəsmi qurumlara məlumat vermədilər. Biz partlayış vaxtı alovu da gördük”.

Toğrul Xələfov adlı şəxs isə həmin zaman partlayış baş verən divarın yanındakı masada əyləşdiyini bildirib.

“Dükkan” restoranı isə müştərilərə cavabında orada belə bir hadisənin baş vermədiyini bildirib: “Sadəcə yaxınlıqdakı ərazidə partlayış baş verib və “Dükkan”da onun səsi eşidilib”.

Lakin restoranın adını açıqlamaq istəməyən administratoru açıqlamasında qaz balonundan yanğın baş verdiyini deyib:

“Bizdə qaz xətti var, amma təzyiq zəif olduğu üçün qaz balonu istifadə edirik. Dünən də partlayış baş verməyib, qaz balonunda yanğın oldu, müştərilər hamısı durub çölə qaçdı. Biz özümüz alovu söndürdük. Restorana heç bir ziyan dəyməyib, xəsarət alan da olmayıb. Sadəcə həmin adamlar hesabın çox olduğunu deyərək hər yerə yazıb bizdən şikayət edilər. 20 nəfərə 140 manat hesab veriblər”.

“Dükkan”ın administratoru bu gün rəsmi qurumların restorana baxış keçirəcəyini bildirib: “Qaz idarəsi və Fövqəladə Hallar Nazirliyindən zəng etmişdilər, bu gün gəlib yoxlama aparacaqlar. Biz yanğından sonra polisə və yanğın bölməsinə məlumat vermədik, çünki buna ehtiyac olmadı”.

Qeyd edək ki, dünən də Binəqədi rayonu, Əhməd Rəcəbli küçəsində yerləşən kafedə qaz balonunda yaranan yanğın sonrası baş verən partlayış nəticəsində 3 nəfət vəfat edib, 1 nəfər ağır yaralıdır.

Xeber.info

Çərşənbə axşamı, 22 May 2018 00:00

“Kontakt Home” - un FIRILDAĞI

Yazan

Ölkəmizdə bir çox elektronika və məişət avadanlıqları satışı ilə məşğul olan şirkətlər var.

Lakin bu şirkətlərin bir çoxunun fəaliyyətindən insanlar şikayətlənir. Ən çox şikayət olunan isə “Kontakt Home” mağazalar şəbəkəsidir.
 
“Kontakt Home” mağazalar şəbəkəsi ilə bağlı mediada müxtəlif illərdə, müxtəlif məsələlərlə əlaqədar şikayətlər yer alıb.
 
Xeber.info xəbər verir ki, bəzi vətəndaşlar televiziyada hər gün “Kontak Home”-un faizsiz kredit reklamından şikayətlənirlər. Hər hansısa bir malın üzərində qiymət göstərilir və onu 12 aya faizsiz ala biləcəkləri qeyd olunur.
 
Bunun fırıldaq olduğunu şirkətin saytına nəzər salsaq, özümüz də müəyyənləşdirə bilərik. Məsələn,  paltaryuyan Gorenje W7523A/S qiyməti 703.2 AZN göstərilib. Və reklamda 12 ay faizsiz yazılıb. Kredit şərtlərində paltaryuyan maşının 12 boyunca hər ay 74 AZN nəzərdə tutulub. Bunu hesablasaq , bilərik ki, 12 ay boyunca ödənilən cəmi məbləğ 888 AZN olur, bu da öz qiymətindən 185 AZN (26.3%) çoxdur. Sual oluna bilər ki, faizsizdirsə, necə bu qədər baha olur?
 
Şirkət rəsmiləri bununla bağlı açıqlama verərək bildirib ki, bu faiz deyil, sadəcə xidmət haqqıdır. Xidmət haqqı bizim şirkətdə 5-8% nəzərdə tutulub.
 
Bununla bağlı hüquqşünas Səbuhi Axundov deyib ki, komissiya haqqının kredit faizinin üzərinə əlavə olunması qanunsuz bir haldır: “O, tərəflər arasında müqavilə bağlanan kimi xidmət haqqına əlavə olunmalıdır.  Bunun miqdarı isə sadəcə 1 faiz, ən çox isə 3 faizə qədər ola bilər. Bu müqavilələr məcburi şəkildə həyata keçirilmir və təkcə bir tərəfin marağına da tabe olmamalıdır. Vətəndaş istədiyi zaman müqavilənin istədiyi maddəsini dəyişdirə bilər. Əgər vətəndaşın komissiya haqqının miqdarından xəbəri yoxdursa, bu halda qanunsuzdur”.
 
Digər bir şikayət onlayn satış adı ilə süründürməçilik siyasətləridir. Vətəndaşın biri kontakt.az saytında gördüyü məhsulu almaq istəyib və mağazaya yaxınlaşıb. Uzun növbə gözlədikdən sonra ona istədiyi məhsulu həmin şərtlərlə onlayn sifarişlə ala biləcəyini söyləyiblər. Bununla razılaşan vətəndaş bir neçə gün sonra istədiyi məhsulu onlayn da ala bilməyicini söyləyib, ona başqa şərtlər daxilində bu məhsulu təklif ediblər. Düşünürlər ki, onsuz da vətəndaşın bu məhsula ehtiyacı var, axırda onlarla razılaşmalı olacaq.
 
Başqa bir şikayət “Kontakt Home”-dan alınan məhsulların keyfiyyəti ilə əlaqədardır. Bir neçə vətəndaş kifayət qədər yüksək qiymətə aldıqları məhsulun keyfiyyətsiz çıxmasından şikayətlənirlər. Hətta bir vətəndaş bu mağazadakı məhsulların işlənmiş məhsullar olduğunu da iddia edir.
 
Buradan alınan mobil telefonlarda problem yarandığı zaman alıcı işgəncəyə məruz qalır. Belə ki, telefonu “Kontakt Home”-un rəsmi təmir mərkəzinə aparan zaman orada onu get-gələ salırlar və alıcı məcbur qalıb telefonunu başqa servisə aparır. Bu zaman o, həm pulsuz təmirdən məhrum olur, həm də əlavə xərcə düşür.
 
Bütün bu məsələlərə “Kontakt Home”-un münasibət bildirməsini istəsək də, vaxtı yubatmalarından belə başa düşdük ki, veriləcək ciddi bir cavabları yoxdur. Zənglərimizə, “sizə cavab verəcəyik”, “əlaqə saxlayacağıq” deyərək vaxtı uzadan şirkət əməkdaşları, bununla da yazılanlara bir daha haqq qazandırmış oldular.
Xeber.info
2 -dən səhifə 183