Ən təhlükəli qidalar hansıdır?

Bu məqaləni qiymətləndir
(0 səs)

Tərkibində yüksək xolesterin olan heyvan mənşəli məhsullar aqressiv bədxassəli şiş risklərini əhəmiyyətli dərəcədə artıra, onların inkişaf sürətini 100 dəfə qaldıra bilər.

ABŞ-ın Kaliforniya Universitetinin alimləri belə bir nəticəyə gəlib.

Oxu.az xəbər verir ki, tədqiqatda Lpcat3 fermentini kodlaşdıran genləri modifikasiya olunmuş siçanlardan istifadə olunub. Bu zülal hüceyrə membranını təşkil edən fosfolipid sintezinə nəzarət edir və onun kəsilməsi xolesterin səviyyəsini artırır. Məlum olub ki, xolesterin konsentrasiyasının artımı bağırsaq toxumalarında kök hüceyrələrinin artımı və parçalanmasına xidmət edir.

Xaotik şəkildə çoxalmağa başlayan qüsurlu kök hüceyrələri, xərçəngin inkişafına yol açan əsas faktordur. Araşdırmaya görə, xolesterin təkcə yoğun bağırsaq hüceyrələrinin qalınlaşmasına səbəb olmur, eyni zamanda, həmin toxumalarda şişlərin sürətli şəkildə inkişafına yol açır. Xolesterinin digər xərçəng formalarının inkişafına təsir edib etmədiyi hələlik məlum deyil.

Yağlar və karbohidratlarla zəngin məhsullar orqanizmdə xolesterinin miqdarını artıra bilər. Müxtəlif xəstəliklərin profilaktikası üçün qidada qırmızı ət və yağlı süd məhsullarından istifadənin azaldılması tövsiyə olunur.

Oxu 308 dəfə

Şərh verin

Siz (*) tələb olunan məlumatı daxil etdiyinizə əmin olun.Hansı ki, HTML kodu iczə verilmir.