"Prezident Administrasiyasına gəlmək istəyirik'' - Goranboy sakinləri

Bu məqaləni qiymətləndir
(0 səs)

Goranboy rayonunun Aşağı Ağcakənd kəndiniə 1 ildir qaz verilmir. 

Kəndə qaz xətti çəkilsə də, əhali qışda evlərini odunla qızdırırlar.

Bu barədə Meydan TV-yə kəndin Sahil Kərimli küçəsi, ev 3-ün sahibi, 85 yaşlı İsmayıl Tanrıverdiyev danışıb.

O, bildirib ki, yerli regional idarəyə dəfələrlə müraciət ediblər, amma onları heç kim eşitmir:

"Qaz  əvəzinə hava gəlir, xışıldayır, 20 qəpikdən də çek veriblər ki, ödəyin. Qaz varmı ki, ödəyək. Bir ildir belə vəziyyətdir, yorğana bürünüb oturmuşuq. Qaz İdarəsinə zəng edirik, götürmürlər. İndi kənd camaatı Prezident Administrasiyasına gəlmək istəyir. Burda Ermənistandan olan qaçqınlarla bərabər Qarabağ ətrafındakı işğal olunan rayonların əhalisi də məskunlaşıb”.

"Azəriqaz” İB-nin mətbuat xidmətinin rəhbəri İbrahim Kərbalıyev bildirib ki, kənd əhalisi "Azəriqaz”a müraciət etməlidir və bu müraciət əsasında Regional Gəncə Qaz İstismar İdarəsi məlumatlandırılacaq. Hazırda respublikanın heç bir ərazisində təbii qazın mövcudluğu ilə bağlı problem yaşanmır. Həmin ərazidə qaz təchizatının texnoloji rejiminə uyğun olaraq tənzimlənməsi üçün müraciət edəcəm”. 

Meydan TV Rayon İcra Hakimiyyəti ilə əlaqə saxlayıb. Özünü icra başçısının köməkçisi kimi təqdim edən, lakin adını deməyən şəxs bildirib ki, məsələ ilə bağlı araşdırma aparıb tədbir görəcəklər.  

Oxu 254 dəfə

Şərh verin

Siz (*) tələb olunan məlumatı daxil etdiyinizə əmin olun.Hansı ki, HTML kodu iczə verilmir.