“Əgər millətin şeyxi belə edirsə, məmurlardan nə gözləyəsən?” - İttiham

Bu məqaləni qiymətləndir
(1 Səs)

"Xalqın pullarını oğurlayan məmurlardan başqa heç kimin böyük variadatı yoxdur. Ona görə də şirkətləri də, klinikaları da, restoranları da məmurlar, ya da onların balaları açır”.

Bu fikirləri mia.az-a açıqlamasında Müasir Müsavat Partiyasının sədri Hafiz Hacıyev səsləndirib. O bildirib ki, bir qrup məmur xalqın maılını çapıb talayır, o tərəfdən də övladlarına şirkətlər, klinikalar, restoranlar açıb çirkli pulları yuyurlar:

"Şeyxi də, naziri də, komitə sədri də, icra başçısı da hamısı bu vəziyyətdədir. Biz niyə klinika aça bilmirik? Əmin olun ki, onlardan qat-qat savadlı, qabiliyyətliyik. Amma onlar xalqın malını talamaqda bizdən 10 dəfə yüksək bacarığa malikdirlər. Ona görə də hansı obyekti tərpədirsən, arxasında nazir, komitə sədri, icra başçısı çıxır. İndi də şeyxin qızı klinika açır, nə deyim, deməyə söz qalmayıb”.

Partiya sədri onu da nəzərə çatdırıb ki, ictimai nəzarəti gücləndirmək lazımdır. Onun sözlərinə görə, iqtisadi aministiya verilməlidir, kənardan investisiya cəlb olunmalıdır, qara iqtisadiyyata son qoyulmalıdır.

Şeyxın qızının klinika açmasına gəlincə, partiya sədri "Bütün bunlar onu göstərir ki, bizdə din sahəsində də yaxşı pul var. İndi aydın olur ki, nəzir qutularına toplanan vəsaitlər hara gedir. Əyilib-qalxmaqla pul qazanmaq olursa, şeyx bizi də yanına aparsın. Hərəsi başına bir əmmamə qoyub məmurlardan geri qalmırlar. Hüzr mərasimində 10 manata dua oxuyan mollalar düşünsünlər ki, başçıları bu qədər pulu hardan alır. Əslində, vəziyyət çox acınacaqlıdır. Əgər millətin şeyxi belə edirsə, məmurlardan nə gözləyəsən? Nə qədər ki, millət bütün bunlara susacaq, vəziyyət belə davam edəcək” – deyə əlavə edib.

Oxu 799 dəfə

Şərh verin

Siz (*) tələb olunan məlumatı daxil etdiyinizə əmin olun.Hansı ki, HTML kodu iczə verilmir.