Tovuzda bir qrup şəxs mərkəzi xəstəxanaya hücüm edib. Xəstəxanaya bir neçə gənc tərəfindən yaralı gətirilib. Sonra həmin gənclərlə tibb işçiləri arasında mübahisə yaranıb. Əraziyə polis əməkdaşları çağırılıb. (Report)

ABŞ prezidenti Donald Tramp Britaniyada Rusiya Baş Kəşfiyyat İdarəsinin (QRU) keçmiş polkovniki Sergey Skripala qarşı törədilən sui-qəsdə cavab olaraq rusiyalı diplomatları ABŞ-dan çıxarmağa hazırdır.  

Bu barədə “Bloomberg” mənbəyə istinadən məlumat yayıb.

“Prezident Tramp onlarla rusiyalı diplomatı ABŞ-dan çıxarmağa hazırdır”, - deyə mənbə bildirib.   

Məlumata görə, D.Tramp müvafiq bəyanatla martın 26-da çıxış etmək niyyətindədir.  

Bundan əvvəl bildirilmişdi ki, Avropa İttifaqının bir sıra üzv dövlətləri də öz diplomatlarını Rusiyadan geri çağırmağı və ya bu ölkənin diplomatlarını öz ölkələrindən çıxarmağı nəzərdən keçirirlər.

Xatırladaq ki, martın 4-də Rusiya Müdafiə Nazirliyinin Baş Kəşfiyyat İdarəsinin (QRU) sabiq polkovniki, vaxtilə Rusiyada Britaniyaya casusluq üstündə məhkum olunmuş və daha sonra ABŞ və Rusiya arasındakı casus mübadiləsi çərçivəsində Britaniyaya göndərilmiş 66 yaşlı Sergey Skripal və onun 33 yaşlı qızı Yuliya Solsberi şəhərində zəhərlənib. Britaniya hökuməti onlara qarşı “Noviçok” tipli əsəb-iflic qazının tətbiq olunduğunu açıqlayıb. London bu məsələdə Moskvanı ittiham edərək 23 Rusiya diplomatını ölkədən çıxarıb və bu ölkə ilə siyasi təmasları dayandırıb. Rusiya da analoji addım ataraq 23 Britaniya diplomatını “arzuolunmaz şəxs” elan edib.

Cəlal Əliyev valideynlərinə mandaloşka və mikrob deyəndə sən kimə bağışlamışdın əzizlərini, Mirşahin?

Son günlər Azərbaycan Prezidentinin İctimai-siyasi məsələlər üzrə köməkçisi - şöbə müdiri Əli Həsənovun komandanlığı ilə “söyüş siyasəti” yürüdülür. Hakimiyyət o qədər zəlil və mağmun günə düşüb ki, hardasa bir nəfər söyüş hesab edilən söz dilinə gətirən ki, vay-şüvən salırlar - “ölkə əldən getdi, dövlət dağıldı” və sair. Cənab Əli Həsənov dərhal yedizdirib, kökəltdiyi şəxslərə “hücum” komandası verir. Seçkiqabağı istəyirlər ki, əxlaq dərsi keçib İlham Əliyevin nüfuzunu qaldırsınlar. Amma bilmirlər ki, xlaq heç nəyi unutmayıb. Qorxudan səsi çıxmırsa, xalqın unutqanlığı anlamına gəlmir. Bu ölkədə söyüşün də, əxlaqsızlığın da, hər cür neqativ hadisənin də əsasını hakimiyyət qoyub. Əli Həsənov deyir ki, Azərbaycanı söyməklə öz komfortlu yaşayışınızı təmin etmək insanlıq simasını itirmək deməkdir.

1520666259 n8Bəs Azərbaycan vətəndaşlarını səfil gününə salmaq və ölkəni tərk etməyə məhkum etmək nədir, cənab Həsənov?

Həsənov cənabları, qeyd edim ki, söyüşlə danışmaqda ittiham etdiyiniz şəxslər doğmalarından, sevdiklərindən ayrı salınmış, Vətənindən qovulmuş gənclərdilər. Siz və təmsil olunduğunuz hakimiyyət həmin şəxsləri işsiz qoymusuz, ac saxlamısız, hətta ailələri qarşısında başıaşağı etmisiniz, ölkəni tərk edəndən sonra da valideynlərini, doğmalarını və bacılarını həbs etmisiz, polis idarələrində gəzdirmisiz. İndi deyin görüm, kim daha çox dövlətinə xəyanət edir? Həmin gənclər heç zaman dövlətin qarşısında durmadılar və durmazlar. Onlar hakimiyyətin yarıtmaz siyasətini, sizin qudurmuş davranışlarınızı tənqid edirlər. Siz isə dövlətin kölgəsində gizlənməklə iyrənc hərəkətlərinizə haqq qazandırmaq istəyirsiniz. Dövlətin ayaqda qalmasını istəyərək rüşvətxorlarla, korrupsionerlərlə, hər cür ləyaqətsiz hərəkət edənlərlə mübarizə aparanlar, dövlətə sadiqdirlər, yoxsa dövlətin kölgəsində gizlənib pis əməllərinə haqq qazandıranlar?!

Siz hakimiyyət olaraq özünüzü və Azərbaycan dövlətini zəlil günə salmısınız. Bunu özünüz də yaxşı bilirsiniz. Çünki söyüş mədəniyyətini Azərbaycan siyasətinə Yeni Azərbaycan Partiyası və təmsil olunduğunuz iqtidar gətirib.

Mən bir-bir faktları sadalayım;

Ümummilli lider hesab etdiyiniz mərhum Heydər Əliyevin qardaşı mərhum Cəlal Əliyevin Milli Məclisin tribunasından indi bir “tikə”yə görə, sizə xoş gəlsin deyə, ən alçaq söyüşlərdən istifadə edən Mirşahini necə bər-bəzəkli söyüşlərə qonaq elədiyi hamımıza məlumdur. Mən bütün halda söyüşü acizlik və tərbiyyəsizlik hesab edirəm. Lakin icazə verin, mərhum Cəlal müəllimin söyüş “süfrəsi”ndən bir neçə “təami” Mirşahinə ərməğan etməklə, onun həzm sisteminə rahatlıq gətirim: “Vaxtıyla hardansa qopan bir mikrob, əxlaqsız... Bu norkaman və qadın alverçisi əxlaqsızdır. Adını Mirşahin qoyub, əslində mirfahişədir”.tumblr mcipfqeK4y1ryr2xdo1 540

Cənab Həsənov və onun bir işarəsi ilə vətənindən didərgin salınmış gənclərə “hücum” edən Mirşahin, Rauf Arifoğlu, Eynulla Fətullayev, Elşən Musayev və digərləri, mərhum Cəlal müəllim hansı hakimiyyəti təmsil edirdi? Mozambik hakimiyyətini, yoxsa YAP hakimiyyətini? Əlbəttə ki, YAP-ın öndə gedənlərindən idi. Cəlal Əliyevin Milli Məclisin tribunasından səsləndirdiyi bakirə söyüşlər dövlətin imicini korlamırdı, bir neçə gəncin zülmünüzə etirazı dövləti dağıdacaq?

Mirşahin, Azərbaycan teleməkanında tərbiyyəsizliyin əsasını ilk qoyanlardan biri də sənsən. Efirdə xanım aparıcıya “Bu lifçik deyil ki, məmədan tərcümə edək” deyəndə və qəhqəhə çəkəndə ana-bacın ekran qarşısında oturmamışdılar? İndi sən “bacılarını polisə bağışlayanlar” deyirsən. Cəlal Əliyev valideynlərinə mandaloşka və mikrob deyəndə sən kimə bağışlamışdın əzizlərini, Mirşahin?

İlham Əliyev müxalifətə anti-milli ünsürlər deyərək təhqir etmirdimi? Yoxsa, hakimiyyətdə olmaq kimə nə istəsən deyə və edə bilmək mənasındadır? Görünən odur ki, YAP hakimiyyəti mütləq iqtidara və gücə sahib olduğunu düşünür, bu düşüncəni insafsız həyata keçirir.

ilham rauf mukafatYAP-ın digər söyüş “mədəniyyətin”i Fəzail Ağamalı ilə Hüseyn Abdullayev Milli Məclisdə nümayiş etdirdilər. Çox uzaq keçmişdə baş verməyib bu hadisə. Millət vəkilləri bir-birini sillə-təpiyin altına salanda, bir-birlərinin var-yoxlarını “ziyarət” edəndə dövlət əldən getmirdi, Rauf Arifoğlu? O zaman heç sən də pis deyildin. Ağzın köpüklənə-köpüklənə qışqırırdın ki, ay aman vətən əldən getdi, Heydər Əliyevin anası ermənidır. Nə dəyişdi? O hayqırtıları bu hakimiyyətə nəyin hesabına bağışlatdıra bildin? Sən indi hansı üzlə və haqla söyüşdən danışırsan? Milli Kitabxananın arxivləri sənin söyüşlərinlə doludur. Necə oldu ki, nəslini erməni olmaqda suçladığın İlham Əliyev döşündən medal asdı? Bildiyim qədər sən alnını yerə döyürsən. Səcdəyə gedəndə gözlərini aç, möhürdə söyüşlərin canlanıb səni lənətləyəcək, görəcəksən. Əgər imanın sabit, ibadətin səmimidirsə.

YAP-ın daha bir söyüş “mədəniyyətin”i mərhum Heydər Əliyevin14882 ən sadiq tərəfdarlarından olan Hacıbala Abutalıbov sərgiləyib. “Azərbaycanda bir kişi var, o, da İlham Əliyevdir” deyəndə, siz özünüzü nə hesab etdiniz? Hacıbala sizə “kişi deyilsiniz” deyəndə yağ kimi canınıza yayılır, ama bir gənc əsəbi halda ağır tənqid edirsə dünya dağılır? Əminəm ki, Hacıbala o təhqiri sözünə əlçalanlara ünvanlayıb. Ümid edirəm, siz əlçalanların içində olmamısız.

elmar veliyevDaha bir nümunə. YAP-ın Gəncə üzrə bəylər bəyi Elmar Vəliyevin biabırçı söyüşləri hələ yarıqırx olmayıb. “14 mart 2018-ci ildə Gəncə şəhərində Yeni Azərbaycan Partiyasının binasında keçirilən tədbirdə dava düşüb” başlıqlı məlumata niyə bir açıqlama vermədiniz, cənab Həsənov. Ona görə ki, Elmar Vəliyev Prezidentin mühafizə xidmətinin rəisi Bəylər Eyyubovla qudadır? Yoxsa, Hacikənd Göygöl ətrafinda PKK-nin gizli  hərbi bazaları fəaliyyət göstərir və bu terror təşkilatının silahli adamları Elmar Vəliyevə dəstək verdiyi üçün? Elmarın tərbiyyəsiz söyüşlərindən hətta İlham və Mehriban xanım Əliyevlərə müraciət də ünvanlanmışdı. YAP təyin etdiyi və hakimiyyəti təmsil edən zatlar hansı əsasla əxlaqsız söyüşlərlə insanları alçaldırlar?

2015 12 24 11 32 189139780 nVə ən nəhayət, İlham Əliyevlə 15 il qardaş olan, Əli Həsənovdan bir başa tapşırıq alan prezidentliyə namizəd Hafiz Hacıyev. Dünən (23.03.2018) küçə jarqonu ilə işlətdiyi söyüşlərə bütün hakimiyyəti qonaq etdi. Hətta vülqar ifadələrini polis rəisinin zoruyla “yedizdirdi”. İnternet üzərindən araşdıma aparsanız Hafiz Hacıyevin “kəlam”larını dinləyə bilərsiniz.

İlham Əliyev və komandası Hafiz Hacıyev səviyyəsində deyilsə, niyə onun “qardaşım” çağırışına yox demir? Deməli İlham Əliyev və komandası Hafizlə qardaşlıqdan məmnundurlar. Ona görə də Hafizin ağzına gətirdiyi hər bir söyüş birbaşa İlham Əliyevin dilindən çıxdığı anlamdadır.

Bu cür faktlar saymaqla tükənən deyil. Mən bir neçəsini xatırlatmaqla, yadınıza saldım ki, Azərbaycanda siyasəti söyüşə bulaşdıran YAP hakimiyyəti olub.

Hə, bir də Rauf Arifoğlunun kantorunda eşələnən Elşad Məmmədli adlı birisi “Avropaya qaçıb kimliyini və kişiliyi unudanlar” başlıqlı tərbiyyəsizlik edib. Yuxarıda dediklərimin hamısı ona və min bir yolla özünü deputat qayırtdıran Elşən Musayevə də aiddir.

 Cavid Cabbarlı
Xeber.İnfo-nin baş redaktoru

Prezident İlham Əliyevin ailə üzvlərinin Malta Baş nazirinin yoldaşına məxsus şirkətə bir milyon ABŞ dolları köçürdüyünü iddia etməklə məhşurlaşan Rusiya vətəndaşı və Maltada yerləşən özəl Pilatus bankının keçmiş işçisi Maria Efimova Yunanıstanda saxlanılıb.

Yerli xəbərlərə görə Malta məhkəməsi onun fırıldaqçılıq ittihamı ilə bağlı həbsi üçün beynəlxalq axtarışa müraciət edib.

Xanım Efimovanın polisə könüllü təslim olduğu deyilir. O bunu Maltada həyatına olan təhlükə ilə izah edib və bunun üçün Yunanıstana gəldiyini bildirib.

Efimova iddialarını keçən il Maltada qətlə yetirilmiş  araşdırmaçı jurnalist Daphne Caruana Galizia-ya ötürmüşdü.

Ona qarşı cinayət ittihamını Pilatus bankı irəli sürüb. Xanım Efimova Malta məhkəməsinə ailə üzvlərinə qarşı təhdidlər barədə xəbər verdikdən sonra, adanı keçən ilin iyun ayında tərk edib, Times of Malta qəzeti yazıb.

Malta məhkəməsi onun saxlanmasına dair qərarını bundan qısa müddət sonra verib.

Pilatus Bankı iddiaları rədd edib. Öz növbəsində, Maltanın Baş naziri Joseph Muscat-da BBC -ə verdiyi müsahibəsində  bu iddiaları rədd edib.

Lakin Pilatıs bankının özü də hazırda nəzər altındadır. Maltada yerləşən bank Avropa Komissiyasının müraciəti əsasında Avropa Bankçılıq İdarəsi (European Banking Authority) tərəfindən araşdırılmaqdadır.

Maltada mətbuata verdiyi məlumatda, EBA təmsilçisi təşkilatın Malta Maliyyə Xidmətləri İdarəsinin Pilatus Bankını araşdırmaqda kifayət qədər imkanı olub-olmadığını və təşkilat daxilində maraqların toqquşmasına dair yoxlamalar keçirdiyini bildirib.

Bir il əvvəl yayılan iddialarda, qeyd olunurdu ki, Maltanın Baş naziri və Əmək partiyasının lideri Joseph Muscat-ın yoldaşı və iki yüksək vəzifəli partiya həmkarlarının sahib olduğu şirkətlərə məxsus olduğu iddia edilən bank hesablarına böyük məbləğdə pul köçürülüb.

Malta-da yerləşən özəl Pilatus bankı ilə açıldıqları iddia edilən bu hesablara köçürülən pulların mənbəsi olan və Dubayda qeydiyyatdan keçən Al Sahra FZCO şirkətinin prezident Əliyevin ailə üzvünə məxsus olduğu iddia olunur. Azərbaycan Prezidenti Adminstrasiyası BBC Azərbaycancanın bu iddialarla bağlı sualına cavab verməyib.

Pilatus bankının sədri Seyed Ali Sadr Hasheminejadın Malta Independent qəzetinə verdiyi müsahibədə maltalı məmurlara aid olduğu iddia edilən şirkətlərin bankda hesabları olmadığını, hətta bu şirkətlərlə heç bir “transfer” keçirilmədiyini bildirib.

Bankın sədri həmçinin Maltanın Baş nazirinin yoldaşı Michelle Muscat, onun ailəsi və ya ona aid olduğu idda edilən şirkətlərlə əlaqəsi olmadığını deyib.

Azərbaycan Prezidenti İlham Əliyevin ailəsinə məxsus olan hesabların banka mövcüd olub-olmamasına cənab Hasheminejada cavab verməkdən yayınıb.

“Biz məxfilik qaydalarına bağlıyıq. Lakin mən bunu deyəcəyəm. Az qala hər bir özəl banka PEP-lər (Siyasi təhlükə daşıyan şəxs) tərəfindən müraciət edilir və bu bankların PEP-lərlə əlaqələri olur”, o, deyib.

Bankın “ciddi” yoxlama prosedurları olduğunu vurğulayan sədr müştərilər barədə məlumatı paylaşa bilməyəcəyini təkrarlayıb.

Şənbə, 24 Mart 2018 00:00

Ordumuz iki əsgərini itirdi

Yazan

Azərbaycan ordusu yenə şəhid verib. Cəlilbad rayonundan hərbi xidmətə çağırılan Xəyyam Pənah oğlu Rzayev dünən erməni snayperinin gülləsinə tuş gəlib. Əsgərimizin vuruldağı anı ermənilər sosial şəbəkələrdə paylaşıb. Videodan görünür ki, əsgərimiz ehtiyatsızlıq edir və onun bu səhvini düşmən bağışlamır. Xəyyam Pzayev Cəlilabad rayonu Uzuntəpə kəndində doğulub.

Sosial şəbəkələrdə yayılan xəbərə görə, əslən Yardımlı rayonundan olan daha bir əsgərimiz Goranboy rayonunda minaya düşərək həlak olub.

Müdafiə Nazirliyi bu ölümlərlə bağlı hər hansı xəbər yaymayıb. Nazirliyin saytında göstərilir ki, bayram günlərində – 20-23 mart tarixlərində – atəşkəs 97, 101, 98, 93 dəfə pozulub.(Azadliq.info)

11 apreldə keçiriləcək prezident seçkisinə hazırlıq gedir.

Prezidentliyə namizədlərin İctimai Televiziyada debatı təşkil edilib.

Martın 21-də prezident seçkilərində iştirak edən namizədlərin ikinci debatı baş tutub. Debatda milli təhlükəsizlik mövzusu mzakirə edilib.

Azərbaycan Demokrat Partiyasının (ADP) sədri Sərdar Çəlaloğlu debat zamanı ölkədəki anormallıqları ifşa edib:

Dünən “Əliyevlərin Maltadakı pulları batdı” başlıqlı informasiya yayınlanıb. Maltada qətlə yetirilmiş araşdırmaçı jurnalist Dəfnə Qalizia aşkarlamışdı ki, “Pilatus” Bankın depozitlərinin 60%-i Azərbaycandakı rejimə, daha konkret İlham Əliyevin ailəsinə və Kəmaləddin Heydarova məxsusdur. 

Əliyev ailəsi hələ ki, məlumat barədə açıqlama verməyib. Bu hadisə ilk deyil, heç sonuncu da olmayacaq. Əliyev ailəsi iqtidarda olduğu müddətdə bu kimi xəbərləri eşidəcəyik.

Hakimiyyət niyə açıqlama vermir? Birincisi, hökumətin laqeydliyi, heç bir açıqlama verməməsi onu gostərir ki, yayınlanan məlumat doğrudur. İkincisi, Hakimiyyət ona görə açıqlama vermir ki, Azərbaycanı şəxsi obyekti kimi qəbul edir. Öz obyektində baş verən hadisələrlə bağlı açıqlama vermək zorunda olmadığını düşünür. Ona görə açıqlama vermir ki, hesabat verəcək bir cəmiyyət tanımır. Yəni Azərbaycan xalqı tərəfindən seçilmədiyi üçün, xalqın qarşısında öhdəlik götürmədiyi üçün xalq qarşısında hər hansı bir hadisəyə görə açıqlama verəcəyini də düşünmür.

Yeri gəlmişkən növbədənkənar prezident seçkilərində debat-şou izləyirik. İlham Əliyevin başında duran hakimiyyət seçkini o qədər ucuzlaşdırıb ki, cəmiyyət seçki barəsində düşünmür. Seçki ya nağılları xatırladır, ya da yuxu kimi görünür. Bunu hamı görür və bu barədə nəsə yazıb, vaxtınızı almaq istəmirəm.

Qeydə alınmış namizədləri müqayisə etmək fikrindəyəm. Əslində bir namizədi – Sərdar Cəlaloğlunu (Məmmədov) istisna etməklə, digər 7 namizəd Azərbaycan xalqının ən savadsız, ən bacarıqsız və ən çox yaltaq nümayəndələridir. Kimsə düşünməsin ki, namizədlər xalqın içindən seçilib çıxıblar. Hamı onların hansı yolla namizəd olduqlarını yaxşı bilir.

Aparacağım müqayisə 6 yaltaq namizədlə Azərbaycan Respublikası prezidentinin vəzifələrini icra edən İlham Əliyevin arasında olacaq. Əvvəlcədən nəticəni deyim ki, bu namizədlər İlham Əliyevdən savadlı, bacarıqlı və istedadlıdırlar.

1.İlham Əliyev bir gün də siyasi mübarizə aparmayıb. Bəxti gətirib ki, mərhum Heydər Əliyevin oğlu olub. Amma digər namizədlər yaltaq olsalar da, siyasi mübarizə aparıblar. Pis, yaxşı siyasi təşkilat yaradıblar, hətta bəziləri həbsxana həyatından keçiblər. Əliyev hakimiyyəti atasından miras kimi alıb. İqtidarda olduğu 15 ildə də ölkəni siyasətçi kimi deyil, vorzakon kimi idarə edib.

2.Fiziki sağlamlıq baxımından digər namizədlər daha sağlam və gümrah görünürlər. Cənab Əliyevin pis vərdişlərə aludə olması ilə bağlı şayiələr də səngimir. Digər tərəfdən, rabitəsiz və məntiqsiz çıxışları, uyğunsuz davranışları onun hərmənada sağlam olmadığını göstərir.

3.İstedad baxımından da İlham Əliyev geridə qalır. Son 15 ildə kimsə onun ən kiçik fərqlənən davranışını göstərə bilməz. Əksinə bütün davranışı onun istedadsızlığını sübut edir.

4.Mütaliə baxımından da digər namizədlərə uduzur. İlham Əliyevin kitab oxumasını və kitabı sevməsini bu vaxta qədər kimsə deməyib. Amma insaf namimə deyim ki, digər namizədlərin çoxu kitabla yatıb, durur.

5.Xalq arasında dəstəkdə də İlham Əliyev namizədlər arasında ən sonuncu yerdə dayanır. Büdcə təşkilatlarından asılı olan vətəndaşlardan zorla, digərlərindən isə təhdidlə dəstək alınır. Bir gün bu zor və təhdid aradan götürülsə İlham Əliyevə olan nifrət və qəzəb özunu göstərər.

6.İlham Əliyev namizədlərin arasında ən cəsarətsizidir. Bu zamana qədər bir vətəndaşı da qəbul etməyib. Hətta bir jurnalistin qarşısına çıxacaq cəsarəti yoxdur. Artıq dördüncü dəfə prezident olmaq istəyir, lakin heç zaman rəqiblərilə debata gəlməyib. Özü seçdiyi rəqiblərindən də çəkinir. İdarəçilik metodu isə qadın və uşaqlara əzələ göstərməkdir. Çarəsiz vəziyyətdə olan insanları, qadınları və uşaqları əzməkdən zövq alır. Bu xasiyyət isə ancaq qorxaqlara aiddir.

Ölkənin taleyi istedadsız, bacarıqsız, mütaliəsiz və qorxaq şəxsə etibar edildiyi üçün vətəndaşlarımız digər ölkələrə üz tutur, səfil günündə yaşamağa məhkum ediliblər.

cavid

 

 

 

 

 

 

 

 

 

 

 Cavid Cabbarlı

Xeber.İnfo-nun baş redaktoru

Liviyanın keçmiş başçısı Müəmmar Qəzzafinin oğlu Seyf əl-İslam Qəzzafi atasının Fransanın keçmiş prezidenti Nikolya Sarkozinin prezident kampaniyasını maliyyələşdirməsi haqqında dəlil və sübutlar göstərməyə hazır olduğunu bildirib. Bu haqda "Report" "Middle East Monitor" nəşrinə istinadən xəbər verir.

Qeyd olunur ki, Seyf əl-İslam Qəzzafi maliyyə vəsaitlərinin Sarkozinin Tripolidəki seçki qərargahının keçmiş başçısı Klod Quanta çatdırılmasının şahidi olub.

Qəzzafinin ailəsi Liviyanın dağılmasında iştirak etdiyi üçün Sarkozinin məsuliyyətə cəlb olunmasını tələb edir.

Xatırladaq ki, martın 20-də hüquq-mühafizə orqanları tətəfindən saxlanılan Fransanın sabiq prezidenti Nikolya Sarkozi martın 21-də axşam sərbəst buraxılıb.

Sabiq dövlət başçısının dindirilməsi ümümilikdə 25 saat davam edib.

N. Sarkozi seçki kampaniyasının 2007-ci ildə Liviya tərəfindən qanunsuz maliyyələşdirilməsi ilə bağlı aparılan istintaq çərçivəsində saxlanılıb.

Martın 21-də istintaq orqanları Nikolya Sarkoziyə qarşı ittiham irəli sürüblər. Keçmiş dövlət başçısı Liviyaya məxsus dövlət vəsaitlərinin gizlədilməsində ittiham edilib.

7 -dən səhifə 176