Bazar ertəsi, 04 Aprel 2016 10:06

Azərbaycan daha 3 şəhid verdi...

Yazan
Aprelin 3-dən başlayaraq Azərbaycan Silahlı Qüvvələrinin cəbhə xəttində birtərəfli qaydada düşmənə qarşı əks-həmlə əməliyyatını və cavab tədbirlərini dayandırmasına baxmayaraq Ermənistan tərəfi vəziyyəti gərginləşdirməkdə davam edir.
 Bu barədə Musavat.com-a Azərbaycan Müdafiə Nazirliyinin mətbuat xidmətindən məlumat verilib.
 Məlumata görə, düşmən tərəfi itirilmiş mövqelərinin geri qaytarılması məqsədilə cəbhənin əsasən Ağdərə-Tərtər və Xocavənd-Füzuli istiqamətlərində mövqelərimizə hücum edir və təmas xəttinə yaxın olan yaşayış məntəqələrini intensiv surətdə atəşə tutur.
 Ötən gün və gecə ərzində aparılan döyüşlərdə ermənilər canlı qüvvə və hərbi texnika sarıdan çoxsaylı itkilərə məruz qalıb.
 Düşmənlə döyüşlərdə Azərbaycan Silahlı Qüvvələrinin 3 hərbi qulluqçusu şəhid olub.
 Müdafiə Nazirliyinin rəhbərliyi düşmənlə döyüşlərdə şəhid olan hərbi qulluqçuların yaxınlarına və ailələrinə dərin hüznlə başsağlığı verir və səbr diləyir.
Bazar ertəsi, 04 Aprel 2016 09:52

Yardımlıya qar yağdı

Yazan

Yardımlı rayonuna qar yağıb. Bu barədə rayon sakinləri Xeber.İnfo-a məlumat verib: 

"Aprel ayının ilk günlərində qarın yağması xarakterik deyil. Ağacların çiçək açdığı dövürdə şaxtalı hava məhsuldarlığı aşağı salır".

Xeber.İnfo

Ötən il sentyabr ayı ərzində bir neçə rayonun icra başçıları dəyişdiruldi. Ölkə rəhbərinin bu sərəncamları sırasında Nizami rayon İcra Hakimiyyətinə yeni rəhbər təyin edildidi. Arif Qasımovu Siyəzənin icra başçısı vəzifəsindən azad edən dövlət başçısı ona Bakının Nizami rayonunu tapşırdı. Bəs kimdir Arif Qasımov? Nizaminin yeni icra başçısı haqqında nə bilirik? Bu günə qədər onun hansı fəaliyyətləri barədə məlumatlar yayılıb? Bu və digər suallara cavab tapmaq üçün onunla bağlı müəyyən araşdırmalar apardıq. Və qısa zamanda icra başçısının fəaliyyəti, bu günə qədər gördüyü qanuni və qanunsuz işləri barədə cumhuriyyet.az olaraq media üzərindən araşdırmalar sayəsində yetərincə məlumat topladıq.
 Qısa tərcümeyi-halı
 Arif Qasımov 1965-ci ildə Naxçıvan Muxtar Respublikasının Şərur rayonunda – Xanlıqlar kəndində anadan olub. O, Azərbaycan Dövlət İqtisad İnstitutunu iqtisadçı və Naxçıvan Dövlət Universitetini hüquqşünas iftisasları üzrə bitirib. Əmək fəaliyyətinə başladıqdan sonra müxtəlif vəzifələrdə, o cümlədən Naxçıvan Muxtar Respublikası dövlət əmlakı nazirinin köməkçisi, Binəqədi Rayonu İcra Hakimiyyəti başçısının Biləcəri qəsəbəsi üzrə nümayəndəsi, Nizami Rayonu İcra Hakimiyyəti başçısının Keşlə qəsəbəsi üzrə nümayəndəsi vəzifələrində işləyib. İcra hakimi vəzifəsinə təyin olunana qədər isə Nizami Bələdiyyəsinin sədri olub. İndiki vəzifəsi haqda sərəncamdan öncə Arif Qasımov prezidentin 19 iyul 2011-ci il tarixli sərəncamı ilə Siyəzən Rayon İcra Hakimiyyətinin başçısı təyin olunub.
 Fermalardan, obyektlərədək biznesi
 Bildirək ki, digər yüksək çinli məmurlarımız kimi, A.Qasımov da geniş biznes şəbəkəsi ilə tanınıb. 2011-ci ildə Siyəzənin icra başçısı təyin olunan Arif Qasımov özü üçün rayonda bir neçə nəhəng ferma inşa etdirib. Bu fermaları saхlamaq üçün təbii ki, əkin və otlaq sahələrinə ehtiyac var. Arif Qasımov bu ehtiyacı ödəmək üçün fermerlərə uzun müddətə icarəyə verilmiş bələdiyyə torpaqlarını zəbt edib. Həmin ərazilər indi icra başçısının fermalarına хidmət edir. Bundan başqa cumhuriyyet.az olaraq araşdırmalarımz zamanı onu da öyrəndik ki, Arif Qasımovun Siyəzəndə bir neçə üzlük daş sexləri də fəaliyyət göstərir. Həmin seхlər rayonda görülən bütün təmir-tikinti işlərini tikinti materialları ilə təmin edirdi və çox yəqin ki bu proses Nizami rayonunda davam etdiriləcək. Amma Arif Qasımovun biznesi Siyazənlə mədudlaşmır.
Məlumatlı mənbələrin sözlərinə görə, onun əvvəllər bələdiyyə sədri işlədiyi, indi isə icra başçısı kimi təyinat aldığı Nizami rayonunda, icra başçısının nümayəndəsi olduğu Binəqədi rayonunun Biləcəri qəsəbəsində bir neçə ticarət obyekti fəaliyyət göstərir. Həmçinin icra başçısının Bakının müхtəlif yerlərinə tikinti işləri apardığı bildirilir. Paytхatda özünün və yaхınlarının adına onlarla mənzilinin, dəyəri milyonlarla manatla ölçülən bir neçə villasının olduğu da deyilir.
 Məhkəməyə çıxan rüşvət qalmaqalı
 Yeri gəlmişkən, Arif Qasımov ötən il 600 min manatlıq maхinasiyada ittiham olunmuşdu. Belə ki, Prezident İlham Əliyevin səlahiyyətlərinə vaxtından əvvəl xitam verdiyi Bakı Ağır Cinayətlər Məhkəməsinin hakimi Həsən Əliyev iş adamı Ramazan Səlimovdan 600 min manat alaraq onu icra başçısı təyin etdirəcəyini vəd etmişdi. Məlumata görə, bu işdə Siyəzən İcra Hakimiyyətinin başçısı Arif Qasımov da iştirak edib. Hər halda 600 min manat pulu alınan iş adamı istintaqa ifadəsində belə deyib. O, istintaqçılara bildirib ki, Həsən Əliyev ondan külli miqdarda pulu aldıqdan sonra onu Arif Qasımovun yanına göndərib.
 Qohumlar şəbəkəsi
 Siyəzənə rəhbərlik edən məmurun Nizami İcra Hakimiyyətində və bələdiyyəsində kifayət qədər dostu var. Məmur bu dostlarının vasitəçiliyi ilə Nizami rayonunun mərkəzi hissələrində torpaq sahələri alıb obyektlər tikdirir. Onun icra etdiyi tikinti layihələrinə, ümumiyyətlə biznesinin idarə olunmasına qardaşı Vüqar Qasımov nəzarət edir. Bundan başqa, Arif Qasımovun bəzi yaxın qohumları Sabunçu rayonunun Ramana qəsəbəsində qanunsuz torpaq satışı ilə məşğul olurlar. Sözügedən qəsəbənin yarısı məhz icra başçısının qohumları tərəfindən satılıb. Həmin şəxslərin arxasında isə birbaşa icra hakiminin özü dayanıb.
 Qardaşının müəmmalı qətli
 Apardığımız araşdırmalar nəticəsində aydın oldu ki, Arif Qasımovun qardaşı Vidadi Qasımov 2007-ci ilin iyun ayında silahlı insidentdə iştirak edib. Belə ki, iyunun 17-də saat 01.00 radələrində Atatürk prospektində yerləşən "Pürrəngi” çayxanasında atışma olub. Nərimanov rayon prokurorluğunun məlumatına görə, Münaqişə zəminində Arif Qasımovun qardaşı Vidadi Adil oğlu Qasımov odlu silahdan açılan atəşlə yaralanıb. Güllə yarası alan Vidadi Qasımov Kliniki Tibbi Mərkəzin reanimasiya şöbəsinə yerləşdirilib. Onun həyatını xilas etmək mümkün olmayıb. Faktla bağlı Nərimanov rayon prokurorluğunda Cinayət Məcəlləsinin 29, 120.1-ci (qəsdən adam öldürməyə cəhd) və 228.1-ci (qanunsuz olaraq odlu silah saxlama və gəzdirmə) maddələri ilə cinayət işi başlanılıb. Lakin cinayətin nəyin üstə törədilməsi indiyə kimi ictimaiyyətə açıqlanmayıb.
 İcra başçısının "kassir” qardaşı
 A.Qasımov və ona bağlı olaylar haqda cumhuriyyet.az olaraq apardığımız araşdırmalar zamanı diqqət çəkən daha bir xəbər icra başçısının digər qardaşı ilə bağlıdır. DMX-nin Bakı Regional İdarəsinin rəis müavini İntiqam Məmmədov DMX-nin rəisi general Firudin Nəbiyevin "əziz-xələf” kirvəsidir. Bəli, Firudin Nəbiyevin kirvəsi İntiqam Məmmədov miqrasiya xidmətində söz sahibidir. O, öz yaxın qohumu Vüqar Qasımovu DMX-nin Bakı Rergional İdarəsində "yağlı vəzifəyə” otuzdurub, yəni qohumuna "kassirlik” edir. Həmin bu Vüqar Qasımov isə icra başçısı Arif Qasımovun qardaşıdır.
 Nizami rayonuna təyinatda "MTN izi”
 Nizami rayonunun icra başçısı Arif Qasımovun hələ Siyəzəndə olarkən Bakıya gətiriləcəyi müzakirə mövzusu idi. Belə ki, cumhuriyyet.az olaraq mediada yayılan xəbərlərdə ona da rast gəldik ki, Qasımov üçün Bakıya qapıların açılmasının səbəbkarı bəlkə də bir çoxlarına qəribə gəlsə də, elə Eldar Mahmudov olub: "Arif Qasımovun hakimiyyətdə bir sıra əlaqələri varmış. Lakin bu əlaqələrin ən başlıcası Eldar Mahmudov və onun qurulmasında isə tək vasitəçi qayınının böyük zəhməti olub. Arif Qasımovun paytaxt rayonlarından birinə transfer olunacağı «MTN işi» olayından 1 il əvvələ təsadüf edəcəkdi. Lakin Eldar Mahmudovun başının bəzi işlərə qarışıq olması onun təyinatını yubatmağa başladı. Araya MTN-də şöbə rəisi olan qayının qarışması və nazirlikdə əsas əlaqələrindən yararlanması prosesi bir az sürətləndirsə də, yekun nöqtə ötən ilin sentyabrında qoyuldu.
 Arif Qasımovun təyinatından 1 ay sonra MTN rəhbəri işdən çıxarıldı, onun ətrafındakı genralitetin isə bir çoxu həbs olundu. Həmin vaxt MTN-də şöbə rəisi işləyən və dəstənin əsas üzvlərindən biri sayılan şöbə rəisinin karyerası sual altına düşür. Qayının həbs olunması məsələsi gündəmə gəlir. Bu zaman Nizaminin icra başçısı yüksək çinli məmurlarla görüşərək, onlardan bu addımın atılmamasının xahişini edir və bəzi məsələlərə zamin dayanır. Üstəlik, bir çox şeyləri də vəd edir”.
 Nizami rayonu necə talanır?
 Siyəzənə rəhbərlik etmiş A.Qasımov paytaxtın ən böyük rayonlarından birinə başçı təyinatından sonra sükut hökm sürür. Hazırda bu rayonda yollardan tutmuş, insanların yaşayış səviyyəsinə kimi vəziyyət pisləşib. Nizami baxımsız rayona çevrilib. Rayonun yol infrastrukturu düzəlmir ki, düzəlmir. A.Qasımovun gəlişindən sonra rayonda küçələrin bərbad olması, ağacların kəsilərək ərazilərin baha qiymətə satılması indi dəb halına çevrilib.
 Küçələrin arasındakı ağaclıqların məhv edilərək 10-15 min manat alınaraq çayxanaya çevrilməsi sıradan bir hadisə sayılır. Nizamidə avtoyuma məntəqələrinin durmadan artması da maraq doğuran hallardır. Köhnə icra başçısının əməllərini davam etdirən A.Qasımovun daha bir gəlir yeri avtoyuma məntəqələrindən yığılan pullardır. Qaydaya görə, hər avtoyuma məntəqəsinin sahibi aylıq pul ödəyir. İcra başçısı kimi təyinat aldığı Nizami rayonunda, icra başçısının nümayəndəsi olduğu Binəqədi rayonunun Biləcəri qəsəbəsində bir neçə ticarət obyekti fəaliyyət göstərir. Həminin icra başçısının Bakının müхtəlif yerlərinə tikinti işləri apardığı bildirilir.
 Kəmaləddin Heydərovun adından pul yığır? 
 Bu günlərdə özünün dəbdəbəli kreslosu ilə gündəmi zəbt edən Bakının Nizami rayon icra hakimiyyətinin başçısı Arif Qasımovla bağlı maraqlı bir iddia da mediada yer alıb. Belə ki, cumhuriyyet.az olaraq həmin məlumatı yenidən xatırladaraq bildirək ki, cəmi bir neçə aydır ki, Nizami rayonuna rəhbər gətirilən Arif Qasımov artıq burada kifayət qədər "kök atmağı” bacarıb: "icra başçısı sahibkarlardan icra hakimiyyətinin təsərrüfatı şöbəsinin müdiri Tariyel Tahirovun vasitəsi ilə aylıq "haqq” tələb edir. Bundan imtina edən sahibkarlara isə ən müxtəlif yollarla təzyiq olunur. Məsələnin maraqlı tərəflərindən biri isə sahibkarlardan tələb olunan "haqqın” fövqəladə hallar naziri Kamaləddin Heydərovun adından istənilməsidir. Mənbənin sözlərinə görə, RİH rəsmiləri sahibkarlarla qeyri-rəsmi söhbətlərində Arif Qasımovun icra başçısı kreslosunda yalnız görüntü xatirinə əyləşdirildiyini, rayondakı bütün işlərin isə Kamaləddin Heydərovun qohumları və yaxın adamları tərəfindən həyata keçirildiyini iddia edirlər”.
 Qeyd edək ki, araşdırma mediada yayılan məlumatlar əsasında yazılıb. İddialarla bağlı tərəfin mövqeyini işıqlandırmağa hazırıq.(cumhuriyyet.az)
Azərbaycan Ordusunun cəbhə xəttində ermənilərin təxribatlarına cavab olaraq keçirdiyi miqyaslı hərbi əməliyyatlar təkcə işğal olunmuş ərazilərdəki separatçıların deyil, işğalçı ordunun əsgərlərini də təşviş və vahiməyə salıb.
 Erməni ordusunda fərarilik və demoralizasiya yüksək həddədir. 
 İş o yerə çatıb ki, erməni komandirləri özləri silahı atıb qaçmaq istəyən 17 əsgəri güllələyiblər. 
 Bu məlumat işğalçı ordunun necə ciddi mənəvi böhran içində olduğunu əyani şəkildə nümayiş etdirir. (AzVision.az )
"Füzuli və Xocavənd istiqamətində vəziyyət nisbətən stabildir".
 Bunu "Report"a açıqlamasında Azərbaycan Müdafiə Nazirliyinin mətbuat xidmətinin rəhbəri Vaqif Dərgahlı deyib.
 O bildirib ki, Ağdərə və Tərtər istiqamətində isə vəziyyət gərgin olaraq qalır.

Əli Əliyev: “Müşahidə etdiyimiz mənzərə millətin potensialını ortaya qoyan, keyfiyyətini nümayiş etdirən gözəl performansdır

 Vətəndaş və İnkişaf  Partiyasının (VİP) sədri Əli Əliyev özünün “Facebook” səhifəsində Qarabağ cəbhəsindəki vəziyyəti və Azərbaycan cəmiyyətinin adekvatlığını şərh edib. Həmin yazını təqdim edirik:

 “2 gündür Azərbaycan dövlətçiliyi imtahan verir. Bu yoxlama, təkcə Ordumuzun hazırlığının deyil, həm də cəmiyyətimizin bütövlükdə yetkinlik sınağıdır. Dövlətin təhlükəsizliyi və güvənliyi fiziki baxımdan Əsgər üzərində olsa da, müasir dünyada müharibə bütöv toplumun apardığı savaşdır. İctimaiyyətin bütün seqmentləri öz vəzifəsini düzgün dərk etməlidir.Dünən düşmən tərəfinin təcavüz cəhdinə Ordudan gələn təpki, ibrətamizdir. Deməli, Əsgərin ruhu yüksəkdir. Buna sevinməmək olmur. 

Uzun müddətdir şəxsi uğursuzluğunu Millətin ayağına yazmaq istəyənlərlə polemikada olan zaman, insanlarımızın haqlı olduğunu sübut etməyə çalışırdım. Ən yaxşı cavabı bu 2 gündə vətəndaşlarımız layiqli şəkildə verdilər. Mətbuatda, sosial şəbəkələrdə, küçədə, dükan-bazarda, döyüş bölgəsində, bir sözlə küllən hamı vətənpərvərlik nümayiş etdirir.

İnsanlarımızın Müdafiə Nazirliyindən döyüşə getməyə izn istəməsi, düşmənlə diz-dizə yaşayanlarımızın mətinlik nümayişi, əsgərlərimizin qocaqlığı, şəhid ailələrinin vüqarı, mətbuatımızın operativliyi və cəsarəti, səfirimiz Polad bəyin qətiyyəti, partiyalarımızın Dövlətə bağlılığı, Prezidentin mövqeyi xüsusi vurğulanmalıdır. Bəlkə də dinc dövrdə bunları sezməzdik. Kritik vəziyyət "Necəyik?" sualına aydınlıq gətirdi.Müşahidə etdiyimiz mənzərə Millətin potensialını ortaya qoyan, keyfiyyətini nümayiş etdirən gözəl performansdır. Bizim uğurumuzu şiddətləndirən, düşmənə acı yaşadan həm də Türk-müsəlman dünyasından gələn dəstəkdir. İstanbulda, Təbrizdə qardaşlarımızın ayaqlanması, Ankara, Aşxabad və İslamabaddan gələn rəsmi dəstək, Suriyalı türkmənlərin mesajları gücümüzün tərkibidir.

Bizim nəslin vəzifəsi Vətəni düşməndən azad etməkdir. Bu yolda iqtidar-maxalifət yoxdur, daxili ədavət gömülməlidir, hamı bir nöqtəyə-düşmənə vurmağı bacarmalıdır”.

Xeber.İnfo

"Azərbaycanın ermənilərə tuşladığı hər bir güllə Rusiyanın vicdanına yazılır"
 Avropa.info xəbər verir ki, bunu  Ermənistan mətbuatına  erməni politoloq Ruben Meqrabyan deyib.
 Onun sözlərinə görə, cəbhə xəttində gərginliyin qarşını almaq mümkün idi, lakin özünü sözdə Ermənistanın strateji müttəfiqi adlandıran Rusiyanın riyakar fəaliyyəti buna imkan verməyib.
 Erməni politoloq qeyd edib ki,  Rusiya Azərbaycana çox milyardlı silah satıb və Qarabağ məsələsində Bakının mövqeyini gizli şəkildə müdafiə edir.
 "Düşünürəm ki, artıq rusların erməni sevgisi barədə söylədiyi sərsəmliyin bir cavabı ola bilər – başınıza dəysin belə dostluq, sevginiz də gözünüzə girsin, yetər ki, bizim işimizə burnunuzu soxmayın. Ruslardan bir tələbimiz var – yaxamızdan əl çəkin, bizi rahat buraxın və rədd olun, cəhənnəm olun. Sizi nə görmək, nə də eşitmək istəyirik”,- deyən R. Meqrabyan Kremlə sərt sözlər ünvanlayıb.

Aprelin 2-də saat 04:00-dan başlayaraq Azərbaycanın işğal altında olan ərazilərində yerləşən Ermənistan hərbi hissələri Azərbaycan Silahlı Qüvvələrinin bütün cəbhəboyu mövqelərini iriçaplı silahlar, minaatanlar, qumbaraatan və artilleriya qurğularından intensiv atəşə tutaraq qoşunların təmas xəttində növbəti təxribat törədiblər. Cəbhəyanı zonaya yaxın mülki əhalinin yığcam yaşadığı bir sıra məntəqələr, məcburi köçkün qəsəbələri də düşmən atəşinə məruz qalıb. Artilleriya atəşləri nəticəsində 3 sakin həlak olub, biri 13 yaşlı uşaq olmaqla 5 nəfər yaralanıb, müxtəlif yaşayış məntəqələrində 10-dan çox ev dağıdılıb, əhalinin şəxsi təsərrüfatına və əmlakına xeyli ziyan dəyib.

İşğal altında olan Dağlıq Qarabağda və digər ərazilərdə yerləşən Ermənistan hərbi birləşmələrinin fəallığını genişləndirməyə imkan verməmək, onun fəaliyyətinin qarşısını almaq və mülki əhalini müdafiə etmək məqsədilə Azərbaycan Silahlı Qüvvələrinin komandanlığı tərəfindən dərhal cavab tədbirlərinin görülməsi üçün qərar verilib. Cəbhənin ən gərgin Ağdərə-Tərtər-Ağdam və Xocavənd-Füzuli istiqamətlərində yerləşən hərbi birliklər qısa müddətdə Ermənistan silahlı bölmələrinə qarşı layiqli cavab tədbirləri həyata keçiriblər.

Azərbaycan Silahlı Qüvvələrinin qısa müddətdə həyata keçirdiyi əks-tədbirlər nəticəsində erməni birləşmələrinin uzun illərdən bəri mühəndis-istehkam baxımından möhkəmləndirdiyi birinci müdafiə xətti yarılıb, strateji əhəmiyyətə malik bir neçə yüksəklik və yaşayış məntəqələri tam azad olunub.

Azərbaycan ordu birləşmələri Goranboy rayonuna və Naftalan şəhərinə təhlükə yarada biləcək Talış kəndi ətrafındakı yüksəklikləri, eləcə də Seysulan məntəqəsini azad edib, Füzuli rayonu istiqamətində yerləşən “Lələ təpə” adlandırılan yüksəkliyə nəzarəti ələ keçiriblər.

Döyüşlərdə ermənilərə məxsus 6 tank, 15-dək artilleriya qurğusu və möhkəmləndirilmiş mühəndis qurğuları məhv edilib, həmçinin onlarla hərbi qulluqçu ölüb və yaralanıb.

Hərbi əməliyyatlar zamanı Azərbaycan Silahlı Qüvvələrinin 12 hərbi qulluqçusu həlak olub, habelə 1 “Mi-24” helikopteri vurulub və 1 tank mina partlayışı zamanı sıradan çıxıb.

ATƏT-in Minsk qrupu həmsədrlərinin, dünya ictimaiyyətinin hərbi əməliyyatların dayandırılması və atəşkəs rejiminin bərpa olunması ilə bağlı davamlı çağırışlarına baxmayaraq, erməni silahlı birləşmələri aprelin 2-3-də hərbi əməliyyatların intensivliyini daha da artırmağa çalışıb, Azərbaycan Silahlı Qüvvələrinin mövqelərinə hücumları və qoşunların təmas xəttinə yaxın ərazilərdə yerləşən yaşayış məntəqələrini iriçaplı silahlar, minaatanlar, qumbaraatan və artilleriya qurğularından intensiv atəşə tutmaqda davam edib.

Azərbaycan Silahlı Qüvvələri cəbhə xəttində əməliyyat şəraitinə tam nəzarət edir, düşmənin bütün cəhdlərinə layiqli cavab 

Türkiyə Respublikasının Baş Qərargah rəisi ordu generalı Hulusi Akar cəbhədə baş verən döyüş toqquşması nəticəsində hərbçilərimizin şəhid olması ilə əlaqədar Azərbaycan Respublikasının Müdafiə naziri general-polkovnik Zakir Həsənova başsağlığı məktubu ünvanlayıb.

Məktubda bildirilir:

"2 aprel 2016-cı il tarixdə Azərbaycan-Ermənistan qoşunlarının təmas xəttində baş verən döyüş qarşıdurmasında qəhrəman on iki əsgərinizin şəhid olduğunu dərin bir üzüntü ilə öyrəndim. Dost və qardaş Azərbaycan Silahlı Qüvvələrinin bu hadisə səbəbi ilə yaşadığı acını ürəkdən bölüşürəm.
Şəxsim və Türk Silahlı Qüvvələri şəxsi heyəti adından şəhid olan hərbi qulluqçulara Uca Allahdan rəhmət, yaxınlarına, Sizə və şəxsinizdə Azərbaycan Silahlı Qüvvələrinin dəyərli şəxsi heyətinə başsağlığı verirəm." 

ANS-in cəbhə bölgəsinə ezam olunmuş xüsusi müxbiri Mir Şahin Ağayev ötən gün Ermənistan Silahlı Qüvvələrindən azad olunan "Lələ təpə" adlandırılan yüksəkliyin ətəyində Müdafiə Nazirliyinin generalından son vəziyyət barədə məlumat alıb.
General açıqlamasında bildirib ki, heç bir əsgər yaxud zabit tapşırığını yerinə yetirməkdən şübhə etmir:
“Lələ təpə" adlandırılan yüksəkliyin ələ keçməsi ilə Cocuk Mərcanlı kəndindən Beyləqan rayonuna qədər bütün kəndlər indi özünü təhlükəsiz hiss edə bilər”. 

176 -dən səhifə 188