Javid Jabbarli

Javid Jabbarli


Cavid Cabbarlı: “Növbəti dönəmlərdə Azərbaycan-Avropa Birliyi-Almaniya münasibətləri pisləşəcək“

Demokratik Azərbaycanı Seç (DAS) ictimia-siyasi təşkilatı İdarə Heyətinin üzvü Cavid Cabbarlı Almaniya kansleri xanım Angela Merkelin Azərbaycana səfəri ilə bağlı açıqlama verib. C.Cabbarlı facebook səhifəsində səfərlə bağlı bunları yazıb:

“Xanım Merkel Ermənisatnda və Gürcüstanda daha səmimi qarşılandı və daha səmimi görünürdü. Yayılan xəbərlər və fotolar Kanslerin bu iki ölkədən məmnunluğunu nümayiş etdirir. Lakin Azərbaycanda heç də məmnun deyildi. Bu səfərdən demokratik düşərgənin gözləntiləri əksini tapmadı. Xanım Kansler Azərbaycanda demokratiyadan, insan hüquq və azadlıqlarından, mətbuata basqılardan, siyasi məhbuslardan və sair məsələlərdən bir kəlmə də danışmadı. Azərbaycanın inkişaf etmiş iqtisadiyyatından söz açdı. Hətta Heydər Əliyev Mərkəzinin binasını buna nümunə göstərdi.
Əslində xanım Merkel demokratik dəyərləri qorumaq üçün deyil, lideri olduğu ölkənin maraqları Azərbaycana qədər uzandığı üçün gəlmişdi. 
Görünən odur ki, Azərbaycan tərəfi bütün davranışlarında özünü Rusiyanın vilayəti kimi apardı və Kanslerə açıq mesajlar da verdi. 
Hesab edirəm ki, növbəti dönəmlərdə Azərbaycan-Avropa Birliyi və xüsusən Almaniya münasibətləri pisləşəcək. Bu da, Azərbaycanda hökumətin xalqa qarşı daha sərt mövqeydə olacağını təmin edən amillərdəndir“.

Ilham Aliyev Angela Merkel


Almaniya Federativ Respublikasının Federal Kansleri Angela Merkel Azərbaycanın qeyri-hökumət təşkilatı təmsilçiləri ilə görüşüb.

Bu barədə görüşdə iştirak edən Avropa Ittifaqının “Şərq Tərəfdaşlığı” Proqramının Vətəndaş Cəmiyyəti Forumunun Azərbaycan üzrə koordinatoru, Humanitar Tədqiqatlar Cəmiyyətinin sədri, konfliktoloq Əvəz Həsənov sosial şəbəkədəki statusunda yazıb. Görüş fotosunu paylaşan Ə.Həsənov artıq danışıqların sona çatdığını bildirib.

Görüşdə eyni zamanda “Rasional İnkişaf Uğrunda” Qadınlar Cəmiyyətinin sədri Şəhla İsmayıl, gənc fəal Turqut Qəmbər, jurnalist Xədicə İsmayıl da iştirak edib.


Xarici jurnalist: "Merkellə Əfqan Muxtarlı və həbsdəki jurnalistlər haqda danışdınızmı?"
 
Angela Merkel və İlham Əliyev birgə mətbuat konfransı keçiriblər.
 
Bir xarici jurnalistin "Cənab İlham Əliyev, Əfqan Muxtarlı və başqa araşdırmaçı jurnalistlər həbsdədirlər və siz Avropa Şurası tərəfindən bu mənada tənqidə məruz qalırsız. İqtisadi əməkdaşlıqla yanaşı bu məsələlər də müzakirə olundumu sualına cavabında İlham Əliyev deyib:
 
"Azərbaycanda bütün azadlıqlar təmin olunub. O cümlədən, söz azadlığı, mətbuat azadlığı. Azərbaycanda yüzlərlə mətbu orqan fəaliyyət göstərir, onların arasında müxalifət mətbuatı da kifayət qədər çoxdur. Tənqidə görə, fərqli baxışa görə heç kim Azərbaycanda təqib olunmur”.
 
İlham Əliyev deyib ki, iki liderin müzakirəsində bütün məsələlər eyni dərəcədə əhəmiyyətli olub, o cümlədən insan haqları və demokratiya da.
 
Azadlıq Radiosu

Gəncənin icra başçısı Elmar Vəliyevin tam sağaldığını əks etdirən yeni görüntülər yayılıb.

 İcra başçısının müalicə aldığı xəstəxananın rəsmi sosial şəbəkə hesabında paylaşılan videoda E. Vəliyevin gəzə bildiyi əks olunub. 
 Məlumat üçün bildirək ki, bu gün icra başçısının daha bir videosu yayılıb. Lakin sosial şəbəkələrdə bu videonun köhnə tarixə aid olduğu, hətta videodakı şəxsin E. Vəliyev olmadığı iddia edilib.
 Qeyd edək ki, Yunis Səfərov adlı şəxs iyulun 3-də Gəncə şəhər İcra Hakimiyyətinin başçısı Elmar Vəliyev və Gəncə şəhər Baş Polis İdarəsinin əməkdaşı, polis serjantı Qasım Aşbazova odlu silahdan atəş açaraq onlara müxtəlif dərəcəli bədən xəsarətləri yetirib. 
 Hüquq-mühafizə orqanlarının birgə məlumatında fakt üzrə başlanılmış cinayət işi üzrə həyata keçirilən istintaq hərəkətləri və əməliyyat-axtarış tədbirləri ilə Rusiya Federasiyasının vətəndaşı olan Yunis Səfərovun törətdiyi bu cinayəti məqsədyönlü şəkildə həyata keçirdiyi, əvvəlcədən planlaşdırılmış terror aktı olduğu qeyd edilib.
 

Bu gün çoxsaylı soydaşlarımız müxtəlif səbəblərdən Azərbaycanı tərk edir. Təbii ki, hər bir proses səbəbsiz deyil. Ölkədə getdikcə ağırlaşan sosial-iqtisadi və mənəvi-psixoloji durum öndəgələn səbəblər sırasındadı. Azərbaycanda elə bir mühüt yaradılıb ki, insanlar eybəcərlikdən zövq almağa sanki məcbur edilir, onlar “dövlətçiliyin inkişafı” adlıla hər cür ictimai cəhalətə, əslində isə antidövlətçilik, antihumanist məzmunlu prosesə məcburən qatılmağa sövq edilir. Korrupsiyanın ictimai əxlaqın əsas elementinə çevrildiyi bir cəmiyyətdə süni, çürük dəyərlərə əsaslanan prinsiplərlə yaşamaq istəməyənlərdi həm də ölkəni tərk edənlər. Ölkə zorən nadanlığın, cəhalətin yeni və kəskin bir mərhələsinə daxil olmaqdadı. Bu təşkil edilmiş prosesdir və məqsəd aktiv insanları ölkədən uzaqlaşdırmaq və mövcud talançı, korrupsioner rejimə etiraz edənləri ölkədən kənarlaşdırmaqdır. Lakin bu kütləvi miqrasiya fonunda bir xüsusiyyət də var: müxtəlif sahələr üzrə peşəkarlar, cəmiyyətin, deyərdim ki, ən aktiv kəsimi də Vətənini tərk edənlər cərgəsindədi.

Əminəm ki, bu durum kortəbii deyil, şüurlu şəkildə, düşünülmüş bir plan üzrə icra edilir. Məqsəd ictimai heysiyyəti tam itmiş bir cəmiyyət formalaşdırmaqdır. Amma buna nail ola bilməyəcəklər, çünki Azərbaycan xalqının ziyalıları harada yaşamasından asılı olmayaraq mövqeyini, öz xalqının arzu və iradəsini ifadə edib və onun idealları uğrunda daim mübarizə aparıb. Xalqın arzusundan, qayğısından xəbəri olmayan hakimiyyətlə mübarizənin fikir-ideya əsasını da məhz belə ziyalılar, öz sahəsi üzrə peşəkarlar yaradıb. Professional və mövqeyi olan insanlarımız kifayət qədərdir və onları digərlərindən fərqləndirən başlıca xüsusiyyət harada yaşamasından asılı olmayaraq mənsub olduğu xalqa, dövlətə kömək etmək cəhdləridi. Belə uğurlu cəhdlərdən biri hazırda Niderlandda mühacirətdə yaşayan Bakı Dövlət Universitetinin sabiq müəllimi, hüquqşünas Ataxan Əbilovun nəşr etdiyi “Demokratiya dərsləri” kitabıdı.

“Demokratiya dərsləri”ndə müasir dövlət və hüquq elminin müxtəlif istiqamətləri, insan hüquqlarının, sosial dövlət və onun funksiyalarının, demokratik dəyərlərin və vətəndaş cəmiyyətinin əsas nəzəri anlayışları, paradiqmaları qısa, amma aydın-anlaşıqlı şəkildə təqdim edilir. Modern dövlət, onun başlıca əlamətləri və funksiyaları müxtəlif ölkələrin yaxın və uzaq tarixindən zəngin nümunələrlə və təbii ki, Azərbaycan Respublikasında baş verən siyasi-hüquqi proseslərlə müqayisədə izah edilir. Belə təqdimat “Demokratiya dərsləri”ni oxunaqlı edən xüsusiyyətlərdəndi.

Şübhəsiz ki, Azərbaycan cəmiyyətinin Avropaya inteqrasiyası müxtəlif ictimai institutların, xüsusilə vətəndaş cəmiyyəti institutlarının inkişafı və sərbəst fəaliyyəti, mətbuatın öz funksiyalarını azad şəkildə ifadə etməsi ilə sıx surətdə bağlıdır. Məhz Avropaya inteqrasiya və bu proseslə bağlı yeni ictimai ənənələrin yaranması fikrinin zəruriliyi kitabın əsas leytmotividir desək, yanılmarıq.

Kitabda Qarabağ problemi və onun beynəlxalq hüquq normalarına uyğun olaraq Azərbaycanın ərazi bütövlüyü çərçivəsində həllinə ayrıca diqqət yetirilib. Həmçinin son illərdə Azərbaycanda insan hüquqları uğrunda mübarizə aparan vətəndaşlarımıza, müstəqil və müxalif düşüncəli fəallara qarşı aparılan repressiyalar kitabın mühüm bir hissəsini təşkil edir. Kitabın bölmələrindən biri məhz son illərdə Azərbaycanda haqsız yerə təqib edilən, mövcud mürtəce rejim tərəfindən qanunazidd şəkildə mühakimə olunmuş çoxsaylı vətəndaşlarımızın problemlərinə həsr edilib.

Beynəlxalq Cinayət Məhkəməsi, məhkəmələrdə nümayəndəlik institutu, miqrantlarla bağlı qanunların şərhi və digər hüquqa aid izah və müqayisələr oxucu üçün yeni və maraqlıdı.

Kitabda milli kimlik, vətəndaşlıq və milli məsələnin həllinin Niderland variantı, bu ölkənin təhsil və sosial təminat sistemi müqayisəli şəkildə təqdim edilir. İnkişafın və idarəetmənin Niderland təcrübəsi kitabın ən maraqlı fəsillərindəndi. Burada inkişafın önündə gedən kiçik bir ölkənin nailiyyətləri təhlil edilir.

Hər bir kitab gerçək bir tarixi mərhələnin problemlərini, dünyagörüşünün əksidir. Bu kitab, zənnimizcə, müasir demokratiyanın nəzəri və praktik məsələləri, həmçinin müasir tariximizin, ölkəmizdə demokratiya uğrunda mübarizənin mühüm bir mərhələsi haqda əsaslı bir mənbə və çağdaş dövrün demokratik prosesləri, mövcud hüquqi problemlərini özündə əks etdirən vacib bir mənbədir. Kitabın müəyyənedici ideyası elə məqalələrin birində dolğun ifadə olunub: hamınıza demokratiya arzusuyla…

Mehman XANLAROĞLU

politoloq


Bura Beyləqan məzarlığıdır...

Şəhidlərimiz də burda uyuyur! . İllərdi tanıdığımız tanımadığımız şəhid valideynlərə quru təsəllidən başqa nə edə bilirik ki?! Bu dəfə təsəlli üçün movzoley kimi bəzənmiş türbədə rəsmləri qarşısında diz çöküb fəryad edən 24 yaşlı şəhid Turalın anası Nəzakət xanımı yeri, göyü yandıran naləsini sakitləşdirmək üçün bütün cəhdlərimin boşa çıxdığını anlayıb sakitcə susdum. Düzü ilk dəfə idi belə şəhid türbəsinə rast gəlmişdim. Tamam əldən düşənə qədər balasına lay-lay çaldı, qəmli ana. Əvvəlcə dayısı Zabil həkim sonra da ana yana-yana Turalın yaşından xeyli uzun olan ləyaqətli ömür dastanını hıçqırıqlarla anlatdı. Tural Yaşar oğlu Əhlimanlı Tovuzda hərbi xidmətdə olub. Maşınla hərbi tapşırıqdan geri dönərkən erməni gülləsinə tuş gəlib. Evin yeganə oğul övladının xidmət müddətinin başa çatmasına cəmi iki ay qalırmış. Ali məktəbi fərqlənmə diplomuyla bitirən, dəfələrlə idman yarışlarında mükafatlar qazanan, bir neçə dil bilən Turalın vaxtsız getməsi hər zaman bizi göynədəcək. Digər şəhidlərimiz kimi onun da xatirəsi əbədi zirvədə qalacaq. Mən yalniz evdən sonuncu dəfə ayrılarkən kompüterində valideynlərinə yazdığı məktubdan sətirləri paylaşacam;

“Əziz ata və anam. Mən sabah cəbhə bölgəsinə yollanıram. Ola bilər mən şəhid olum. Əgər şəhid olsam, mənimlə fəxr edin, Ruhum hər zaman sizinlə olacaq. Şəhidlik ən uca zirvədir Salamat qayıtsam dua edərsiz" 06.01.2014”

P.S. Dedilər ki, Nəzakət ana üç ildi məzarlıqda gecə-gündüz oğluyla baş-başa dərdləşir.

Jalə Cəfərova

MMT İctimai Birliyinin sədri

39936554 727379877600292 2644138414680571904 n

40014934 289074078349508 1096948752071000064 n

39992229 1793897404039420 333948125469212672 n

39975707 2184236331856145 7958086066001412096 n


İradə Cavadova hava limanında saxlandığını deyir

Sərhəd xidmətinin avqustun 22-də Bakı hava limanında hüquqşünas İradə Cavadovanı İstanbula gedərkən saxladığı bildirilir.

 Bu barədə "Turan" agentliyinə İ.Cavadovanın özü danışıb.
 
"Sərhəd xidmətinin əməkdaşı mənə ölkədən çıxışıma "stop" qoyulduğunu dedi. Amma bunun səbəbini izah etmədilər. Mən başa düşə bilmirəm ki, hansı səbəblərə görə mənim çıxışımı yasaq ediblər. Qızımla birgə gedirəm. Onu uçuşa buraxdılar, məni yox. Heç kəs mənə izah etmir baş verənləri", - deyə o, təəccübünü ifadə edib.
 
Bir qədər sonra İ.Cavadovanın sözlərinə görə, sərhədçilər öz rəhbərləri ilə danışıqlar apararaq onu təyyarəyə buraxıblar, amma bundan öncə şəxsi əşyalarına baxış keçirilib. Üstəlik, hüquqşünasın iddiasına görə, səfərin məqsədləri bərədə sorğu-sual edilib.
 
"Mən bunu belə qoymayacağam və qayıdandan sonra məni saxlayanların cəzalandırılmasını istəyəcəyəm. Onlar mənim hüquqlarımı pozublar, mənim və ağır stress keçirən övladımın səhhətinə zərər vurublar", - daha sonra o deyib.
 
İ.Cavadovanın bu açıqlamasına Dövlət Sərhəd Xidməti və başqa rəsmi qurumlardan münasibət almaq mümkün olmayıb.
 
İ.Cavadova hələ 2014-cü ildə 40-dan çox qeyri-hökumət təşkilatı (QHT) ilə bağlı cinayət işi üzrə sorğu-sual edilən vətəndaş cəmiyyəti fəallarındandır.
 
Xanım hüquqşünas Azərbaycan Vəkillər Kollegiyası Rəyasət Heyətinin üzvü olub. 2018-ci il iyunun 11-də bir şikayət əsasında onun Vəkillər Kollegiyasındakı fəaliyyəti dayandırılıb.
 
Verilən məlumata görə, şikayətçi kollegiyaya bildirib ki, İ.Cavadovaya etibarnamə vermədiyi və hüquqi yardım barədə müqavilə bağlamadığı halda özünün razılığı olmadan onun Daxili İşlər Nazirliyinin Baş Mütəşəkkil Cinayətkarlıqla Mübarizə İdarəsində qanunsuz saxlanılması barədə əsassız şikayətlər edib, bu barədə kütləvi informasiya vasitələrində məlumatlar yayıb. Üstəlik, qeyd edildiyinə görə, şikayətçi Rəyasət Heyətindən xahiş edib ki, vəkil İ.Cavadova barəsində tədbir görülsün.
 
İ.Cavadova isə haqqındakı qərarı qərəzli və əsassız hesab edir. Onun sözlərinə görə, şikayətçi xanımla müqaviləsinin olmaması barədə deyilənlər də yalandır.

Avqustun 22-də "Demokratik Azərbaycanı Seç" (DAS) ictimai-siyasi təşkilatı Almaniya kansleri Angela Merkelin Cənubi Qafqaz ölkələrinə səfəri ilə bağlı onun Berlindəki iqamətgahının qarşısında aksiya keçirib. Aksiya qurumun facebook səhifəsində canlı yayımlanıb.

Aksiyada təqribən 250 DAS üzvü və təəssübkeşi iştirak edib, xanım Merkelə tələblərini çatdırıb. Aksiya iştirakçıları “Siyasi məhbuslara azadlıq!”, “Kürü diplomatiyasına yox!”, “İnsan hüquqlarını neft maraqlarına qurban verməyin!” şüarları qaldırıb. İştirakçılar siyasi məhbus hesab etdikləri şəxslərin, o cümlədən həbsdə olan jurnalist və bloggerlərin portretlərini, həmçinin korrupsiyada adları hallanan bir sıra məmurların ifşaedici fotolarını qaldırıb.

Çıxışlarda Azərbaycanın hazırkli iqtidarının ünvanına kəskin tənqidlər səslənib və Angela Merkeldən Azərbaycana səfəri zamanı insan hüquqları, demokratiya, media azadlığı, korrupsiya, siyasi məhbuslar və mühacirlərə təzyiqlərə son verilməsi kimi məsələləri dövlət başçısının qarşısında qaldırması xahiş edilib. Bununla yanaşı, bütün çıxışlarda xanım Merkelin Cənubi Qafqaz ölkələrinə səfəri zamanı Dağlıq Qarabağ münaqişəsinin həlli məsələsini diqqət mərkəzində saxlaması xahiş edilib.

Aksiya Almaniya kanslerinə müraciətin oxunması ilə başa çatıb. Müraciətdə də çıxışlarda sadalanan məsələlər yer alıb.

Angela Merkel avqustun 23-25-də Cənubi Qafqaz ölkələrinə regional səfərə çıxacaq. A.Merkel avqustun 25-də Azərbaycana gələcək.

“Demokratik Azərbaycanı Seç” (DAS) təşkilatı 3 iyun 2018-ci ildə Almaniyada yaşayan bir qrup mühacir azərbaycanlılar tərəfindən təsis edilib.

DAS Berlin 4

DAS Berlin 3DAS Berlin 2das Berlin 1


Qarabağsız ölə bilməyənlər niyə DAS-a daş atırlar?

Hörmət etdiyim tanınmışlardan biri, QAT-ın sədri Akif Nağı facebook səhifəsində “AVROPADAKI SİYASİ MÜHACİRLƏRƏ“ başlıqlı bir status yazıb. Status bir qədər tənqid üslubunda başlasa da, sonu tövsiyyə ilə bitib. Nə ilə başlayıb, necə bitməsi Akif müəllimin taktikasıdır, özü bilər, necə yazır.

Əvvəlcə, QAT-ın qatını açım ki, müəllimin müraciət etdiyi mühacirlərin əksəriyyəti bu terminin mənasını bilmir. Ona görə, yox ki, ölkəsindən didərgin salınan mühacir gənclər Qarabağı sevmir, ona görə ki, QAT son bir ildə azı iki dəfə Qarabağla bağlı mitinq təşkil etmək üçün hökumətə bər-bəzəkli müraciət göndərsə də, müraciətin zər-zibasını az etdiyindən, ya onun üçün cızılan xətti tapdaladığından “hə“ cavabı almayıb. Hə, QAT – Qarabağ Azadlıq Təşkilatı, deməkdir. QAT-ın Bakı merinə göndərdiyi „sevgi məktublarından“, azadlıq təşkilatı olmasından bir az sonra sazla söz açacam. İndi Akif müəllim Nağının tənqid və tövsiyyə dolu statusundan danışım.

“ AVROPADAKI SİYASİ MÜHACİRLƏRƏ

Hörmətli soydaşlar.
Yayılan məlumatlara görə, avqustun 22-də Berlin şəhərində mitinq keçirməyə hazırlaşırsınız. Mitinqdə Almaniyanın kansleri A.Merkelin Azərbaycana səfərinə, burada "diktator"la görüşünə etiraz etmək istəyirsiniz. Hər bir siyasi qurumun, ictimai birliklərin, hər kəsin fikir və hərəkətlərinə hörmətlə yanaşırıq. Amma milli maraqların diqqətdə saxlanılması, milli qürur hissinin öndə tutulması hər şeydən vacibdi. Öz ölkəmizdə vəziyyəti özümüz düzəltməliyik. Düzəldə bilmiriksə, yerimizdə oturmalıyıq, ondan-bundan xahiş etməli deyilik. Təsəvvür edirsinizmi, alman, ingilis, gürcü, lap elə murdar erməni kimdənsə xahiş etsin ki, gəl mənim evimdə qayda yarat, hakimiyyəti dəyiş? Elə şey mümkün deyil. Biz isə buna gedirik. Bununla milli qürurumuzu ayaqlar altına atırıq. Yaxşı düşünün“.39585450 306580326743294 6027618396684681216 n

Bəli, avqustun 22-də Berlində biz, Demokratik Azərbaycanı Seç (DAS) ictimai-siyasi təşkilatı aksiya təşkil edəcəyik. Bu aksiyanın məqsədi barədə bir müddətdir ki, mətbuatda açıqlamalar veririk, hətta xanım Angela Merkelə ünvanladığımız müraciəti də ictimaiyyətin diqqətinə çatdırmışıq. Siz, tanış olmamısınızsa, yaxud aksiyanın məqsədini məqsədli şəkildə başqa yönə yönəltmək istəyirsinizsə, sizin üçün təkrar edim. Biz, DAS olaraq xanım Merkelə Azərbaycana getmə demirik. Əksinə, DAS-ın yaranmasını zəruri edən səbəblərdən biri də, Azərbaycanla beynəlxalq əlaqələrin normal qurulmasıdır. Çünki, sizin də dəstəklədiyiniz qəsbkar hakimiyyət Azərbaycanı sivil dünyaya heç də yaxşı tanıtmayıb.

Aksiyanın məqsədi, Azərbaycanda insan hüquq və azadlıqlarının məhz hakimiyyət tərəfindən pozulmasını, kürü diplomatiyasının fəsadlarını, Azərbaycandan oğurlanan kirli pulların hətta bəzi alman banklarında yuyulması faktlarını və Dağlıq Qarabağın Azərbaycanın ərazisi olduğunu Kanslerin diqqətinə bir daha çatdırmaqdır. Bildiyiniz ki, xanım Merkel Ermənistana da gedəcək. Siz Bakıda Qarabağ üçün aksiya keçirməyə görə, merin qapısını yetim uşaq kimi kəsdirəndə, Ermənistanda demokratik dəyərlərin qorunması nümunəsi yaradılırdı. Bax elə, dünən Paşinyan demokratik inqilabının 100 gününü qeyd etdi. Siz isə, “Akif Nağı merdən narazıdır“ başlıqlı bir xəbərlə mətbuata düşdünüz.

Bizim İlham Əliyevə diktator deməyimiz sizi niyə narahat edir? Bəli, biz Avropanın aparıcı dövlətlərindən biri olan Almaniya kanslerindən tələb edirik ki, ikili siyasət aparmasın. Ya Azərbaycandan gələn siyasi mühacirlərə siyasi status verməsin, ya da xalqını didərgin salan diktatorla görüşməsin. Eyni zamanda, xanım Merkelə, işğalçı Ermənistana səfər edərkən, ermənilərin Xocalıda törətdikləri soyqırımı unutma, deyəcəyik. Siz isə, ildə iki dəfə hökumətdən verilən qrant kəsilməsin deyə, “ermənilərlə çaxır içmişik yenə içəcəyik“ deyənlərə etiraz edəcək cəsarətdə deyilsiniz. Milli qürurdan dəm vurursuz. DAS üçün milli qürur, günahsız məhbəs həyatı yaşayanlardır. Bəziləri isə, adının Ziyafət Əsgərov tərəfindən hardasa çəkilməsini qürur sayır.

Hörmətli Akif müəllim, bizə gürcülər belə etməz, deyib, ermənilərə oxşatmağa cəhd edirsiniz. Sizin kimi biri tərəfindən belə bir müqaisə çox pis göründü. Əslində, mənim də bir müqayisəm var. Siz bu tənqidlə göstərdiniz ki, ya hökumətdən birbaşa sifariş almısınız, ya da hökumətin xoşuna gəlmək üçün edirsiniz. Çünki, hökumət bizim aksiyamızdan bərk narahat olub. Hətta, eyni gündə, eyni yerdə və eyni saatda Qarabağ mövzusunda aksiya keçirmək üçün alman polisindən icazə də alıb. Lakin o aksiyada azərbaycanlılar olmayacaq, hakimiyyət xalqdan çırpışdırdığı pulun hesabına gürcü və türk vətəndaşlarını yığacaq ora.

Akif müəllim davam edir:

“Bizim Qarabağ problemimiz var. Həmin mitinqdə Merkelin qarşısında məsələ qoya bilərsiniz ki, nə üçün Qarabağ məsələsində obyektiv deyilsiniz, işğalçı Ermənistana qarşı sərt mövqe tutmursunuz? İspaniya kimi Azərbaycanın da ərazi bütövlüyünü dəstəkləməlisiniz, Kataloniya kimi Dağlıq Qarabağdakı qondarma rejimi də ittiham etməlisiniz. İşğalçı Ermənistana səfərdən çəkinməlisiniz. 
Məsələni bu şəkildə qoysanız milli maraqlarımıza uyğun olar. Baxaq görək demokratik Avropa bu tələblərinizi eşidəcəkmi. Görək onlara inanmaq olarmı?
Hörmətlə, Akif Nağı. QAT sədri“.

Biz xanım Merkeldən Qarabağla bağlı nə tələb edəcəyik, onu qeyd etdim. Hesab edirik ki, ondan artığını istəmək sizin dediyiniz kimi qürursuzluq olar. Davamını özümüz etməliyik. Amma Ermənistanla sərt mövqe nümayiş etdirməyi gərək Əliyev rejimindən istəyək. Təbii ki, QAT olaraq bu məsələdə qabağa siz düşməlisiz. Axı hamıdan yaxşı siz bilirsiniz ki, hakimiyyətin erməni sövdası kəllə-çarxa vurub. Hətta ermənilərə dığa deyənin dilini dağlayır hakimiyyət. Lazım gəlsə, tezliklə “ermənistan məhbusu“ da olacaq ölkəmizdə. Yəni, Ermənistanı tənqid edənlərə cinayət işi açıb, həbs edəcəklər ki, Azərbaycanın beynəlxalq aləmdə imicini korlayırsız.

Nə isə… sizin Qarabağ mitinqinizdən danışaq. Deməli, 12 may 2018-ci ildə Bakıda 5-10 minlik Qarabağ mitinqi təşkil edəcəkdiniz. Yadımdadır, düz bir ay əvvəldən Bakı şəhər İcra Hakimiyyətinə icazə üçün müraciət də etmişdiniz. Nəhayət, “Qarabağ məsələsi ilə hökumət məşğul olur və bu məqsədlə başqa heç bir tədbirə ehtiyac yoxdur“, deyib, əlinizi boş qaytardı, Cənab Əliyev.

Siz də şüar səsləndirəcəkdiniz ki, “Ya Qarabağ, ya ölüm!”, “Ya Qarabağı azad et, ya kənara çəkil!”. Görünür, nə Qarabağ var, nə də ölüm. Deyəsən, Qarabağsız ölüm də yoxa çıxıb.

Sonda 12 may aksiyasını QAT-ın ofisində təşkil etməyi qərarlaşdırdınız. İslamçılardan tutmuş, liberal-demokratlara qədər bəzilərini də şirniyyat süfrəsinə qonaq elədiz.

Sonda belə bir qərar qəbul eləmişdiz, „Qarabağ Mitinqinə hakimiyyət tərəfindən icazə verilməməsi qətiyyətlə pislənilsin, hakimiyyətin bu mövqeyi Qarabağın azadlığına biganəlik kimi dəyərləndirilsin və hakimiyyətdən bu xalqazidd praktikaya son qoyması tələb edilsin“.

Amma insafən həmin qərarda bir müddəa da var idi: „Qarabağın azadlığı tələbinin daim, davamlı, fasiləsiz gündəmdə saxlanılması məqsədilə mitinq və digər tədbirlərin fasiləsiz olaraq keçirilməsi məqsədəuyğun hesab edilsin və avqust ayında Qarabağ Mitinqinin keçirilməsi üçün yenidən Bakı Şəhər İcra Hakimiyyətinə müraciət olunsun“.

Hörmətli Akif müəllim, Azərbaycan çox balaca ölkədir. Kimin əli, kimin cibində, kimin qulağını kimin dırnağıyla qaşıyırlar, qoxusunu hamı duyur, səsi tez çıxır. Siz isə bir şeyi unutmayın, QAT-ın yaşı YAP-ın yaşı qədərdir. YAP 93-də hakimiyyəti qəsb elədi, QAT da 93-də doğulanda YAP-ın burulğanına düşdü. Bəlkə elə QAT-ı YAP-ın burulğanı gətirdi dünyaya. Bax, orasını - QAT-ın göbəyinin harda kim tərəfindən kəsilib, harda basdırıldığını, siz bilərsiniz!

Cavid Cabbarlı

DAS İdarə Heyətinin üzvü


10 -dən səhifə 266