Wednesday, November 22, 2017

Javid Jabbarli

Javid Jabbarli

2012-2017 tarixlərində İraqın şimalında 45-dən artıq neft yatağını işğal edən Bərzani Habur sərhəd buraxılış məntəqəsi, "Korek Telekom”, təbii qaz satışından əldə olunan gəlirləri və mərkəzi hökumətdən aldığı payları şəxsi sərvətə çevirib.

Bu barədə "Yeni Şəfəq”ə Bərzani ailəsinə yaxın kürd əsilli iraqlı keçmiş məmur danışıb.

Məlumata görə, Bərzani formal olaraq fəaliyyət göstərən Maliyyə Nazirliyinə baxmayaraq, muxtariyyətin bütün gəlirlərini şəxsi hesabında saxlayıb. 1992-ci ildən bu yana Bərzani ailəsinin sərvəti artmaqda olduğu halda, Ərbil əhalisinin həyat standartında heç bir dəyişiklik olmayıb. Bərzaninin Türkiyə, Misir, BƏƏ, Kipr və İngiltərədə bir çox gəlirli sahəyə pul qoyduğu bildirilib. Hazırda muxtariyyət rəhbərinin bank hesablarında 55 milyard dollardan çox vəsaitin toplandığı iddia olunub. Bərzani ailəsinə məxsus şirkətlərin dənizçilik, nəqliyyat, qida, mədən sənayesi, inşaat və neft olmaqla, bir çox sahədə fəaliyyət göstərdiyi qeyd olunub.(axar.az)


Kiyev məhkəməsi müxalifət jurnalisti Fikrət Hüseynlini Ukrayna parlamentinin “Xalq Cəbhəsi”ndən olan deputatı Nikola Knyazskinin və hüquq müdafiəçisi Boris Zaxarovun zaminliyi ilə azad etməyi qərara alıb.

Bu barədə N.Knyazski özü Facebook-da status paylaşıb.

Xatırladaq ki, Hollandiya vətəndaşı olan azərbaycanlı jurnalist Fikrət Hüseynli iki həftə öncə Kiyevdən gedərkən Azərbaycanın sorğusu əsasında saxlanılıb. Kiyev məhkəməsi onu 18 sutka həbs edib.

Onu da qeyd edək ki, F.Hüseynli dələduzluq və sərhədi qanunsuz keçməkdə ittiham edilir.


Milli Şuranın mitinqi başa çatıb. Təşkilatçıların məlumatına görə, aksiyada 10 min nəfərdən artıq iştirakçı olub.

Mitinqdə Milli Şuranın Koordinasiya Mərkəzinin üzvlərindən iqtisadçı Vahid Məhərrəmli, hüquq müfdafiəçisi Oqtay Gülalıyev, keçmiş millət vəkili Gültəkin Hacıbəyli, eləcə də siyasi məhbus ailələri adından Qiyas İbrahimin anası Şura İbrahimova, gənclər adından AXCP Rəyasət Heyətinin üzvü Emil Səlimov və sonda AXCP lideri Əli Kərimli çıxış edib. Milli Şuranın sədri Cəmil Həsənli mitinqdə iştirak etməyib, çünki xaricdə səfərdədir.

AXCP sədrinin çıxışı zamanı güc strukturlarının mülki geyimliləri meydanda təxribat törədib. Onlar aksiya iştirakçılarının əlində olan bəzi plakatlara irad bildiriblər. Həmin plakatları aksiya iştirakçılarınınəllərindən alıblar. Əli Kərimli isə aksiya iştirakçılarını təxribata uymamağa səsləyib.

AXCP lideri çıxışında aksiya iştirakçılarını buzqıran gəmi ilə müqayisə edib: “100 milyardı mənimsəmiş, hakimiyyəti qəsb etmiş, 24 ildə bir dəfə də olsun demokratik seçki keçirməyən qüvvə 10 minlərin sözü ilə hakimiyyəti tərk etməyəcək. Biz daha çox olmalıyıq…”.

Əli Kərimli ölkədə təhsilin, səhiyyənin səviyyəsindən danışıb. “Siz bu ölkənin təhsilini məhv etdiniz, səhiyyəsin məhv etdiniz, məhkəməsin məhv etdiniz . Nə istəyirsiniz bu xalqdan?”, deyə o sual edib.

AXCP lideri aksiyada iştiraka maneələr yaradıldığını da vurğulayıb: “Rayonlardan maşınları buraxmayıblar. Bəzi yerlərdə şənbə günü olmasına baxmayaraq, insanları işə çağırıblar. Amma sizi durdura bilməyiblər. Onların gücü əllərindəki dəyənəkdə, bizim gücümüz vətən eşqindədir. Biz bütün maneələri aşıb gəlmişik ki, korrupsioner hökumətdən izahat tələb edək. Soruşaq ki, necə oldu altı-üstü qızıl olan bu məmləkəti, 10 milyonluq xalqı Ermənistana uduzdurdunuz?”.

“Siz bura gəldiniz ki, Fuad Qəhrəmanliya, Seymur Həziyevə, Taleh Bağırova, Abbas Hüseynə və digər siyasi məhbuslara azadlıq tələb edəsiniz” deyən Əli Kərimli həbs edilən müxalifətçiləri siyasi girov adlandırıb.

Mitinqə AXCP Gənclər Komitəsinin sədri İlham Hüseyn aparıcılıq edib. “Bizə televiziyalarda Avropadakı daşqınları, Yaponiyadakı sünamiləri, ABŞ-dakı qasırğaları, meşə yanğınlarını göstərirməyin. ABŞ o meşə yanğınlarının altından çıxacaq. Siz burdakı qasırğaların qarşısını alın. Korrupsiyadan, hüquqsüzluqdan, represiyalardan böyük qasırğa varmı?”, – deyə o çıxışında bildirib.

Çıxışçılardan tanınmış iqtisadçı Vahid Məhərrəmli hakimiyyətin yarıtmaz sosial-iqtisadi siyasətindən bəhs edib. “Bu il də Azərbaycanda iqtisdi geriləmə olacaq. İndiyə kimi iqtisadiyyatı ikidəfədən çox kiçildiblər. Bu təfəkkürlə, bu ağılla, bu bacarıqla bunlar heç nəyə nail ola bilməyəcəklər. Bunlara biz yolunu göstərməliyik. Sizin yolunuz istefa verməkdir”, – deyə o bildirib.

Hüquq müdafiəçisi Oktay Gulaliyev çıxışında ölkədə söz azadlığına basqılardan, həbsxanalarda siyasi məhbuslara qarşı təzyiq və işgəncələrdən danışıb:

“Müstəqil, tənqidçı saytlara giriş bloklanıb. Ölkədə 160-dan artıqsiyasi məhbus var. Onların 20-yə yaxını jurnalist və bloqqerdir. Azərbaycan siyasi məhbusların sayına görə, Avropada liderdir…

Siyasi məhbuslardan keçmiş müstəntiq Rüfət Səfərovu döyüb cərimə kamerasına salmışdılar. Bir sözü ilə gül bayramını qul bayramına çevirən Bayram Məmmədov cərimə kamerasına salınmışdı. Bu hakimiyyət Azərbaycanın ləyaqətli insanlarına qarşı savaş açıb…”.


Azərbaycanlılar onu Vasif Talıbovun yanına göndərəcəkləriylə bağlı hədələdilər.

Naxçıvanlı Siyasi mühacir, Almaniyadan Dublin protokolunun tətbiqinə görə Çexiyaya göndərilmiş Nadir Məmmədov burada təzyiqlə üzləşdiyi barəsində məlumat verir.

N.Məmmədov bildirir ki, hələ Almaniyada olarkən 2017-ci ilin yanvar ayından Zamiq Məmmədli adlı şəxs tərəfindən facebook hesabı vasitəsilə təhdit olunur: “Demək 27 yanvar 2017-ci ildə - hələ biz Almaniyada olarkən www.Azvision.az saytında “Bu da yalan çıxdı. Meydan-Tv-nin istifadə etdiyi şəxs əslində kimdir?” (https://azvision.az/news/109947/bu-da-yalan-cixdi--meydan-tv-nin-istifade-etdiyi-sexs-eslinde-kimdir-%E2%80%93-fakt.html) yazısında yaxın qohumum və Naxçıvanlı iş adamı Məmməd Qurbanov haqqında siyasi sifarişlə həqiqətə uyğun olmayan məlumatlar verilmişdir. Guya ki, o, Emin Milli və ya Həbib Müntəzirlə əlaqəli adamdır və yazıda gedən məlumatlar həqiqətə uyğun deyil. Lakin o, 2010-cu ildən başlayaraq Naxçıvan MR-da Vasif Talıbov və onun əlaltılarının göstərişilə dəfələrlə saxlanılmış, həbs edilmiş və müxtəlif formalarda işgəncə almışdır. Bu barədə Azadlıq qəzeti, Azadlıq radiosu və digər Kütləvi İnformasiya Vasitələrində çoxlu sayda yazılar dərc olunmuşdur. Bundan savayı mənim və qohumum M.Qurbanovun haqqında vəkilimiz Xalid Bağırovun çıxışları Youtubeda ( https://www.youtube.com/watch?v=x9mn4H_bCOE ) vardır”.

Nadir Məmmədov qeyd edir ki, özünü Çexiya Respublikasında Miqrasiya Xidmətinin əməkdaşı kimi təqdim edən Zamiq Məmmədli və bir qrup tərəfdarı onu təhdit etməkdə davam edir: “ Məni və qohumum Məmməd Qurbanovu Zamiq və onun dostları təhqir edirlər, eyni zamanda buradan deportasiya etdirəcəkləriylə hədələyirlər. Mən heç şübhə etmirəm ki, bu Naxçıvan MR-nin və Azərbaycanın yüksək vəzifə sahiblərinin – şəxsən Vasif Talıbovun, Əhməd Əhmədovun və digərlərinin göstərişilə bu hərəkətləri edirlər. Birbaşa bu şəxs mənə yazıb ki, səni deport etmək mənim əlimdədir”.

Siyasi mühacir Nadir Məmmədov artıq özünün və ailə üzvlərinin həyatının təhlükəsiz olmasından narahatlığını da bildirdi: “Mən artıq Çexiyada özümü güvənsiz hiss edirəm. Çünki, Azvision.az informasiya portalı Azərbaycanın siyasi hakimiyyətini müdafiə edən bir orqandır. Həm də, Azərbaycanın hakim ailəsinin və digər vəzifəli şəxslərinin Çexiyada böyük biznesləri barəsində xarici KİV-də də (https://www.azadliq.org/a/24736655.html) məlumatlar yayılmışdır”.

N.Məmmədov qeyd etdi ki, baş verənlərlə bağlı yerli polisə müraciət etmişdir: “Mən özümün və ailəmin həyat təhlükəsizliyindən narahat olduğum üçün 31.08.2017-ci il tarixdə faktlarla və ərizəylə Çexiya Polisinə müraciət etdim. Polis əməkdaşları da faktları qeydə alaraq mənə bu barədə arayış təqdim etdilər. Orada da qeyd olunub ki, mən bu ölkədə özümü güvənli hiss etmirəm. Azərbaycan hakimiyyətinin Əfqan Muxtarlıya qarşı etdiyi quldurluq əməlindən sonra mənim sosialist tarixi olan ölkələrin heç birinə güvənim yoxdur”.

nadir 1          nadir2  


Saakaşvili qayıtdı

Nəşr et Dünya Sentyabr 10 2017 0

Gürcüstanın eks-prezidenti və Odessa vilayətinin keçmiş quberntoru Mixail Saakaşvili Ukraynaya dönə bilib.  

M.Saakaşvili  sentyabrın 9-da saat 14.00 radələrində oğlu ilə birlikdə Polşa-Ukrayna səhhəddini keçib. 

Bu barədə sabiq qubernator özünün facebook səhifəsində yazıb. O, bildirib ki, 11 yaşlı oğlu Nikolasla birlikdə Lvov vilayətinin “Krakovets” sərhəd buraxılış məntəqəsindən Ukrayna ərazisinə daxil olub. Sərhədi velosipedlə keçdikdən sonra ata-oğul selfi çəkdiriblər. 

Xatırladaq ki, M.Saakaşvilinin Ukraynaya qayıtmasına dəstək vermək məqsədilə Ukraynanın sabiq baş nazir Yuliya Timoşenko sentyabrın 8-də Polşaya getmişdi. O, Poroşenko hökumətinin Saakaşviliyə olan təzyiqini çirkin repressiya adlandırmışdı. 


21584655 1461568083908643 351253907 n Almaniyada mühacir həyatı yaşayan ictimai-siyasi fəal Pərviz Abdullayevin qardaşı Ramin Abdullayev həbs  edilib. Bu barədə Xeber.İnfo-a daxil olan məlumata görə, Ramin Abdullayev Mingəçevir Rayon Polis İdarəsinə  bir neçə dəfə aparılıb, təhdid və təzyiqlərə məruz qalıb nəhayət barəsində 25 sutka həbs cəzası seçilib.

 Qeyd edək ki, R.Abdullayevin Almaniyada mühacir həyatı yaşayan qardaşı Pərviz Abdullayev 02 sentyabr 2017-  ci il tarixdə Almaniyanın Duysburq şəhərində "Siyasi məhbuslara azadlıq" çağırışı ilə keçirilən mitinqin  təşkilatçılarından olub. R.Abdullayevin də məhz buna görə həbs olunduğu iddia edilir. 


Lerikdə 50 yaşayış məntəqəsini birləşdirən Noda-Şingədulan-Xanagah avtomobil yolunun çəkilişi  başa çatmadan dağılıb. 

Bu barədə Toplum.Tv-yə Lerik sakinləri məlumat veriblər. 

Onlar bildiriblər ki, Noda-Şingədulan-Xanagah yolunun Ağçay kəndinə qədər olan hissəsi tamamilə sıradan çıxıb. Vətəndaşlar bunu Ağçay və Şingədulan kəndləri arasındakı uzun bir məsafəyə (Həmin əraziyə Zenonu kəndi də daxildir və yolun ən bataqlıq hissəsi sayılır) "şebel”in tökülməməsi ilə əlaqələndiriblər.

"Prezident Lerikə gəlsə, dəhşətli mənzərə ilə qarşılaşacaq"

Yolun Ağçaydan Xanagaha qədər olan hissəsi isə hazırda çəkilir: "Yolun bir hissəsi - Ağçaya qədər olan hissə çəkilmişdi. Amma bir il deyil ki, yol sıradan çıxıb. Hazırda Ağçaydan Xahagaha qədər olan hissə də çəkilir. Yolun keyfiyyətsiz çəkildiyi göz qabağındadır. Cənab prezident bu yola 17 milyona yaxın pul ayırıb, amma ortada belə bərbad nəticə var. Hələ cənab prezident bu yolun açılışına da gəlməyib. Sabah qəfildən durub Lerikə gəlsə, dəhşətli mənzərə ilə qarşılaşacaq".

"Rayonun Şingədulan və Zenoni kəndləri ərazisində yol tamamilə dağılıb. Sanki burada yol çəkilməyib. Bilmirik, icra başçısı və yolu çəkən şirkət, "Azəravtoyol” Açıq Səhmdar Cəmiyyəti sabah cənab prezidentə nə cavab verəcəklər?", - deyə sakinlər bildirib. 

"Çayların vadisi dağıdılıb, suyun məcrasına müdaxilə edilib" 

Sakinlər deyirlər ki, yolu çəkən şirkət "Yoltikintinəqliyyatservis” MMC ekologiyaya da ağır zərbə vurub. Ərazidəki çayların vadisi dağıdılıb, suyun məcrasına müdaxilə edilib. 

Problemlə bağlı Ekologiya Nazirliyinə şikayət edildiyini, nazirliyin əraziyə komissiya göndərdiyini deyən sakinlərin sözlərinə görə, "Yoltikintinəqliyyatservis” MMC ilə bağlı heç bir ciddi ölçü götürülməyib. Rayonun Osyodərə kəndi ərazisindən axan dağ çayının vadisi dağıdılıb. 

Dövlətin vəsaitinin şəxsi maraqlara sərf edildiyini iddia edən Şivlə-Biləvər kənd sakinləri isə artıq ölkə başçısına müraciət ediblər. Zenonu və Şingədulan sakinlərinin isə yaxın günlərdə ölkə başçısına müracət edəcəkləri gözlənilir. 

Əvvəl 3 milyon, sonra 7 milyon, sonra da 6.6 milyon... 

Sakinlər deyirlər ki, 36 km-lik Noda-Şingədulan-Xanagah avtomobil yoluna 3 dəfə vəsait ayrılıb. Nəticə isə ortadadır...

Prezident İlham Əliyevin 14 sentyabr 2013-cü il tarixli sərəncamı ilə 30 min nəfər əhalinin yaşadığı və 50 yaşayış məntəqəsini birləşdirən 36 km-lik Noda-Şingədulan-Xanagah avtomobil yolunun tikintisinə ilkin olaraq 3 milyon manat vəsait ayırılıb.

19 avqust 2014-cü il tarixdə Azərbaycan Respublikası Prezidenti İlham Əliyevin Sərəncamı ilə yolun tikintisinə əlavə olaraq, 7,0 (yeddi) milyon manat vəsait Lerik Rayon İcra Hakimiyyətinə ayrılıb. Amma bu dəfə də yolun tikintisi başa çatmayıb. Yol Noda kəndindən Ağçay kəndinə qədər çəkilib və dayandırılıb. Halbuki layihəyə əsasən yol torpaq yatağı 10 metr, eni 6 metr ikizolaqlı asfalt - beton qarışığından tikilməliydi...

1 noyabr 2016-cı il tarixdə Azərbaycan Respublikası Prezidenti İlham Əliyevin növbəti sərəncamı ilə Noda-Şingədulan-Xanəgah avtomobil yolunun tikintisinin başa çatdırılması məqsədi ilə Azərbaycan Respublikasının 2016-cı il dövlət büdcəsində "Avtomobil Yolları” Məqsədli Büdcə Fondunda nəzərdə tutulmuş vəsaitdən 6,6 milyon (altı milyon altı yüz min) manat ayrılıb. Ümumilikdə yolun tikintisinə 16.6 milyon manat vəsait ayrılıb. 

Sakinlər deyirlər ki, yolun budəfəki hissəsini "Azəravtoyol” Açıq Səhmdar Cəmiyyəti Masallı rayon Yol İdarəsinə tapşırıb. Yolun tikintisini isə indiyə qədər İcra Hakimiyyətinin sifarişi ilə özünü Almaniyanın "Vertgen” şirkətinin Azərbaycan üzrə təmsilçisi kimi təqdim edən "Yoltikintinəqliyyatservis” MMC tərəfindən həyata keçirib. 

"İndi də həmin MMC-nin texnikası həmin yolun çəkilişində iştirak edir. Şirkətin rəhbəri Fuad Muxtarzadədir, ancaq tikintiyə onun atası İbrahim Kazımov rəhbərlik edir. İbrahim Kazımov isə Masallı rayon Yol İdarəsinin müdiri Ərrahim Kazımovun qardaşıdır. Sözügedən şirkətin baş mühəndisi isə Lerik rayon İcra Hakimiyyətinin müavini Cəlil Baxşıyevin qardaşdır. Həmin şəxslərin isə eyni kənddən, yəni Lerikin Qışlaq kəndindən olması sirr deyil. İndi gördünüz, prezidentin ayırdığı pulları kimlər və necə xərcləyirlər?", - sakinlər bildiriblər. 

"Yoltikintinəqliyyatservis” MMC 2007-ci ildə Vergilər Nazirliyində qeydiyyatdan keçib. MMC-in təsisçisi Fuad İbrahim oğlu Muxtarzadədir. Şirkət cənub bölgəsində yol çəkilişində aktiv iştirak edir, bir neçə dəfə tenderi udub.  

"Prezident gəlməyibsə, o demək deyil ki, bu yoldan istifadə etmək olmaz"

Lerik rayon icra başçının müavini, sosial-iqtisadi inkişafın  təhlili və proqnozlaşdırılması şöbəsinin müdiri Habil Məlikov Toplum.Tv-nin əməkdaşına açıqlamasında bildirib ki, hazırda yolun çəkilişi davam edir: 

"Yol bu gün də istifadədir. Cənab prezident gəlməyibsə, o demək deyil ki, bu yoldan istifadə etmək olmaz. 36 km avtomobil yolu 19 milyon 800 min manat dəyərindədir. Layihə sənədləri bu dəyərdədir, amma təbii ki, dövlət tərəfindən 16 milyona yaxın vəsait ayrılıb. Gələcəkdə ayrılacaq, ayrılmayacaq o zamanın işidir. Orada hazırda yol tikintisi davam edir. Yol hələ təhvil verilmədiyinə görə, sürüşmələr də yaranır. Hələ istismara qəbul etməmişik və o şəkildə də qəbul etmərik. Yolun dediyiniz hissəsi 2014-2015-ci ildə çəkilib. Sonra maliyyə vəsaiti ayrılmadı, ona görə də qaldı. Amma 2016-cı ilin noyabr ayında prezident tərəfindən yenidən 6 milyon 600 min manat vəsait ayrılıb və hazırda o tikinti davam edir. Dağılıb, sıradan çıxmış yerlər də yenidən bərpa olunacaq və istismara qəbul ediləcək". 

Tikintini həyata keçirənlərin ekologiyaya vurduğu ziyana gəlincə, Məlikov buna belə aydınlıq gətirib: "Çayların məcrasını dağıtmırlar. Hansısa materialları çaylardan götürməlidirlər. "Qrabel", çınqıl dediyimiz tikinti materialı var. Onu məcburən çaylardan götürürlər. Bizm öz yerli ənənəyə uyğun tikinti materiallarımız da mövcuddur ki, onu da çaylardan götürürlər. Həm də bunu bələdiyyə, Ekologiya və Təbii Sərvətlər Nazirliyi və ya hansı qruma aiddirsə, onlarla razılığa gəlib götürürlər. O məcraları da yenidən düzəldirlər ki, oradan heyvan, insan keçə bilsin. Bu da təbii ki, gələcəkdə problem yaranmasın deyə bizim nəzarətimiz altında onlar bərpa olunur. Dağıntıya imkan vermirik". 

Vətəndaşlar isə ölkə başçısına müraciət etməkdə israrlı olduqlarını bildirirlər... 


Maliyyə böhranının ən çox təsir etdiyi sahələrdən biri "Azərbaycan Dəmir Yolları" QSC olub. Böhrandan sonra idarədə kütləvi ixtisarlar aparılıb, "Azərbaycan Dəmir Yolları"nın balansındakı 10 xəstəxana və tibb müəsissəsi bağlanıb. 

Böhran Cavid Qurbanovun başçılıq etdiyi qurumda maaşların verilməsinə də təsir edib. "Qaynarinfo"ya verilən məlumata görə, maaşların verilməsi ilə bağlı tez-tez problemlər yaranır. Hətta son iki ayda işçilər əməkhaqqlarını ala bilmir. Hər dəfə soruşanda pulların tezliklə köçürüləcəyi bildirilsə də, iki aydır işçilərin gözü yolda qalıb.

Xəbəri dəqiqləşdirmək üçün "Azərbaycan Dəmir Yolları" QSC-nin İctimaiyyətlə Əlaqələr Şöbəsinin rəhbəri Sevinc Qədirova ilə əlaqə saxladıq. Qurum rəsmisi heç bir problemin olmadığını bildirdi: "Maaşlar kartlara vaxtlı vaxtında köçürülür. Heç bir problem yoxdur. 3-5 gün geçikmə ola bilər. Bu da normal haldır, hər yerdə belədir".


“Azərsu” Açıq Səhmdar Cəmiyyəti prezidentin sərəncamını yerinə yetirmir

Son zamanlar ölkəmizdə baş verən iqtisadi əyintilər daha da dərinləşib. Cəmiyyətdə qanunlarımızın aliliyi təmin olunmadığından yalan və kələkdən istifadə edən dələduzların da sayı çoxalıb. Yalan obyektiv realığın əsas səbəbinin gizlədilməsi, real seçimlərdə qeyri-müəyyənlik yaratmaq, şübhəli işi etibarlı iş kimi qələmə vermək və satmaq, vergidən yayınmaq üçün gəlirlərin həcmini süni surətdə azaltmaq və sair kimi çoxlu hallarla reallaşa bilər. Son zamanlar bu anormallıq cəmiyyətdə adi hala cevrilib. Nəticədə, cəzasızlıq mühitinin yaranması səbəbindən, mənəviyyatsızlıq mühitinin formalaşması prosesi baş verib. Tarixin istənilən mərhələsində, istənilən yalançı qərar, qanlı idarəetmə metodu, amansız mütləqiyyət, avtoritar hakimiyyət və irticaçı rejim qarşısında sərgilənən cəsarətin ictimaiyyət tərəfindən dərin rəğbət və minnətdarlıqla qarşılandiğı, bu cəsarətin daxilən, lal bir sükutla da olsa təqdir etdiyi inikaredilməzdir. Hər kəsin qorxduğu, cox az adamın özünün və yaxınlarının həyati ilə risk etdiyi bir məqamda sərgilənən cəsarət daim öz əzəməti, gözlənilməzliyi və təkrarolmazlığı ilə diqqət cəkib, bəzən nəyinki onlarla, yüzlərlə şəxsi insan dənizi belə bir anın içində vəcdə gətirib. Azərbaycan reallığında fırıldaq və dələduzluqla bağlı çoxlu misallar saymaq olar. Bu fırildaqdan bir neçəsi haqqında danışmaq yerinə düşər. Bir necə il bundan əvvəl Biləsuvar rayonunda “Azərsu” Acıq Səhmdar Cəmiyyətinin başbilənləri kanalizasiya xətlərinin inşasına başladılar. Rayonun kücələrində dərin cəngərlər qazıldı, borular basdırıldı. İş sona catanda məlum oldu ki, quraşdırılma işləri düzgün aparılmayıb və beləcə, kanalizasiya işləri yarımcılıq qaldı. Artıq beş ildən cox vaxt keçsə də bu məsələ heç kimin yadına düşmür. Görünür, dövlətin Biləsuvar rayonuna kanalizasiya xəttinin çəklişi ücün ayırdığı milyonlarla vəsait beləcə həzm olundu. Əhalinin içməli su ilə təminatının yaxşılaşdılılmasına dair əlavə tədbirlər haqqında prezidentin 17 mart 2017-ci il sərəncamı ilə 22 rayonun bəzi kənd qəsəbələrinə icməli su təminatının yaxşılaşdırılması ücün 14 (on dörd) milyon manat “Azərsu”Acıq Səhmdar Cəmiyyətinə vəsait ayırıb. Sərəncamda Biləsuvar rayonun Xırmandalı kəndinin adı var. Rayonun ən böyük kəndlərdən biri olan Xırmandalı kəndinin on mindən cox əhalisi ,7500 nəfərdən cox seçicisi olmasına baxmayaraq, sovet dönəmindən sonra atılmış, baxımsız bir kəndə cevrilib. Kəndin kücələri yayda toz-torpaq, qışda balotadan hərəkət etmək olmur. Sovet dönəmində olan tikintilər, yay mədəniyyət evi, örüş yerləri, qanunsuz yollarla balıqcılıq göllərinə cevrilib. Dərəbəylik o həddə catıb ki, kəndin kücələrində basdırlmış borular cıxarılıb, möhtəkirlərin al-ver predmətinə cevrilib. Bu konteksdə Xırmandalı kəndınə iki dəfə içməli su xətti cəkilib, borular basdırılıb, lakin borulardan su gəlməyib! Xırmandalılar içməli su kəmərinin çəklişini eşidəndə cox sevindilər. Amma.., amması ondadır ki, mütəxəsislərin dediyinə gorə nəzərdə tutulan polietilen boruların kəndə cəkilən ana xəttinin diyametri 60-70 mm, kücələrə ayrılan boru xətləri isə 25-30mm dir ki, bu da təminatı ödəyə bilməz. Eləcə də kənd kücələri 1000 (min) metirdən də uzaq məsafədə olduğu halda kücənin yarsından da az məsafəyə boru xətti cəkilir. Xətt boyu 150-200 metrdən bir su kranları qoyulur, onlar da kücələrdə ümumi istifadə üçün nəzərdə tutulub. Kəndin mərkəzi kücələrinin əsas hissəsinə icməli su xətti hec cəkilməyib. Kəndin xəstəxanası, uşaq bağcası, iki orta məktəbi, mədəniyyət evi və digər mədəni-məişət obyektlərinə içməli su xəttinin çəkilməsi isə ümumiyyətlə nəzərdə tutulmayıb. Deməli, Xırmandalı kəndinin icməli su təminatı, indiki vəzyiyyətdə qalsa, kənd sakinlərinin ancaq 25-30 faizi içməli sudan istifadə imkanına sahib ola bilır! Bu boru kəmərinin işləyib-işləməyəcəyi də sual doğurur. Ümumı istifadə üçün küçədə qoyulan su kranlarından istifadə edən vətəndaşlar arasında da,mənzilin məsafəsi nəzərə almaqla, su pulunun ödənişi ilə bağlı ciddi problemlər yaranacaq. Görünür,” Azərsu” Açıq Səhmdar Cəmiyyatı, podratcı “Arko”şirkəti ilə baş-başa verərək xoş məqsədlər üçün ayrılan dövlət vəsaitini, həmişə olduğu kimi mənimsəmək yolunu tutublar. Bu günlər Xırmandalı kənd sakinlərindən bir qurupu, adı cəkilən təşklatlarin aşağı ranqlı mütəxəsislərinə ciddi irad tutsalar da “bizə belə tapşırıq veriblər” deyib, əllərini yellədilər. Ona gorə də sadaladığım bu ciddi noqsanların həlli üçün aidiyyatı qurumlar əməli işlər görməli, ciddi tədbirlər həyata kecirməli, iqtisadi əxlaq səviyyəsinin yüksəldilməsi üçün təsirli tədbirlər görməlidir. Bu da, heç şübhəsiz ki, ali dövlət orqanlarının bilavasitə borcudur. Biz də bir vətəndaş olaraq, öz borcumuzu yerinə yetirdik və bu noqsanları diqqətinizə çatdırdıq. Son söz sizindir cənablar! Əks təqdirdə iqtisadi əxlaq problemlərinin daha ağır fəsadları ilə üz-üzə qalacağımızı istisna etmirik.

pic

 

 Məmiyev Əlizadə Nəhmədağa oğlu,

 Biləsuvar rayon Xırmandalı kənd sakini


Məktəb direktoru jurnalisti təhqir etdi- "BAŞIN BƏDƏNİNƏ AĞIRLIQ EDİR"

Bakı şəhəri Sabunçu rayon 187 saylı tam orta məktəbinin müəllimlərindən biri Təhsil naziri Mikayıl Cabbarova məktub yazaraq, məktəb direktorundan şikayət edib və onun özbaşınalıqlarına qarşı tədbir görülməsini xahiş edib.

Xeber.İnfo xəbər verir ki, Axar.az-ın redaksiyasına da göndərilən həmin məktubda illərdir pedaqoji fəaliyyətlə məşğul olduğunu deyən şikayətçi məktəb direktoru Məmmədova Nailənin müəllimlərdən aylıq haqq tələb etdiyini, onları ağır sözlərlə təhqir etdiyini qeyd edib.

Adının açıqlanacağı təqdirdə direktorun təzyiqi ilə üzləşəcəyindən ehtiyat etdiyini vurğulayan məktub müəllifi 187 saylı orta məktəbin direktoru Nailə Məmmədovanın hər bayramda “bayrampayı” adı ilə şagirdlərdən müəyyən məbləğdə pul yığdırdığını, məktəbin xadimələrini evində qulluqçu kimi işlətdiyini də iddia edib. Nailə Məmmədovaya qarşı irəli sürülən başqa bir ittiham isə onun uşaqların 1-ci sinifə qəbulu, dərs bölgüsü, attestatların satılması, fond pulu, təmir pulu və s. məsələlərdə suçlanmasıdır.

Sözügedən şikayətlə bağlı qarşı tərəfin mövqeyini öyrənmək üçün saytın əməkdaşı Sabunçu rayon 187 saylı tam orta məktəblə əlaqə saxlayıb. Özünü direktor müavini kimi təqdim edən şəxs isə jurnalisti təhqir və təhdid edib:

“Get işinlə məşğul ol! Deyəsən, sənin başın bədəninə ağırlıq edir. Get öyrən, gör sən kimə zəng eləmisən. Nailə xanım kimi təhqir edib, kimdən pul alıb?! Sübutun varsa yaz! “Dux”un varsa, dediklərinin arxasında dayan! Səni məhkəməyə verib başına oyun açaram. Çox ayıb olsun. Sənin “Axar.az”ına da ayıb olsun, axmayan ağzına da ayıb olsun… Tərbiyəsiz!”

Sayt yazır ki, özünü “direktor müavini” kimi təqdim etsə də, telefonda danışan şıxs səsinə və intonasiyasına görə onun məhz direktor olduğu şübhəsi yaranır: “Bu cür əxlaq sahibi olan direktor və ya direktor müavininin fəaliyyət göstərdiyi məktəbdə isə işçilərin təhqir edildiyi barədə məktubda yazılanların həqiqət olduğuna inam artır.

Təhsil Nazirliyindən məsələ ilə bağlı bildirdilər ki, nazirlik 3-cü şəxslərin müraciətlərinə baxmır. Bunun üçün şikayətçilər birbaşa Təhsil Nazirliyinə müraciət etməlidirlər.


1 -dən səhifə 207